Y-Mika 2:12 - Klei Aê Diê Blŭ 2015

¹² “Ơ Yakôp, sĭt nik Kâo srăng bi kƀĭn jih jang ih, sĭt nik Kâo srăng bi kƀĭn Israel adôk. Kâo srăng dưm diñu mbĭt msĕ si lu biăp hlăm sa boh war, msĕ si lu biăp hlăm kdrăn rơ̆k diñu, sa phung mnuih lu bi ênai hao hao.

Y-Mika 2:12 Iomraidhean Croise

Klei Mphŭn Dơ̆ng 36:33

Mtao Y-Bêla djiê, leh anăn Y-Yôbap anak êkei Y-Sêra ƀuôn Bôsra kiă kriê hrô ñu.

I Klei Yăl Dliê 1:44

Tơdah Y-Bêla djiê, Y-Jôbap anak êkei Y-Sêra mơ̆ng ƀuôn Bôsra kiă kriê čuê ñu.

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 27:12

Hlăm hruê anăn Yêhôwa srăng êyuh êyah dơ̆ng mơ̆ng Êa Krông Prŏng truh ti Êa Hnoh čar Êjip, leh anăn Ơ phung ƀuôn sang Israel, arăng srăng duñ diih sa čô sa čô.

Y-Êsai 34:6

Yêhôwa mâo sa ƀĕ đao gưm bŏ hŏng êrah leh anăn prăi, hŏng êrah êđai biăp leh anăn bê, hŏng prăi boh ƀleh biăp knô. Kyuadah Yêhôwa mâo leh klei ngă yang ti ƀuôn Bôsra, klei bi mdjiê prŏng hlăm čar Êđôm.

Y-Êsai 5:17

Hlăk anăn êđai biăp srăng ƀơ̆ng rơ̆k msĕ si ti kdrăn rơ̆k diñu pô, leh anăn phung tue srăng ƀơ̆ng ti krah anôk rai phung mdrŏng.

Y-Yêrêmi 23:3

“Leh anăn Kâo pô srăng bi kƀĭn biăp Kâo ăt dôk kbiă mơ̆ng jih jang čar Kâo suôt leh digơ̆, leh anăn atăt wĭt digơ̆ kơ kdrăn rơ̆k digơ̆ pô, leh anăn digơ̆ srăng lŏ mâo anak aneh leh anăn jing lar êngŭm.

Y-Yêrêmi 3:18

Hlăm ênuk anăn sang Yuđa srăng bi mguôp hŏng sang Israel, leh anăn diñu srăng hriê mđrăm mbĭt mơ̆ng čar dưr truh kơ čar Kâo brei leh kơ phung aê diih jing ngăn dưn.

Y-Êsêkiêl 34:11

Kyuadah snei Yêhôwa Aê Diê lač: ‘Nĕ anei, Kâo, Kâo pô yơh srăng tui duah biăp Kâo, leh anăn Kâo srăng răng kriê diñu.

Y-Êsêkiêl 34:13

Kâo srăng atăt ba diñu kbiă mơ̆ng phung ƀuôn sang, leh anăn bi kƀĭn diñu mơ̆ng čar mkăn, leh anăn srăng atăt ba diñu wĭt kơ čar diñu pô. Kâo srăng kiă diñu ti dlông čư̆ Israel, giăm akŏ êa, leh anăn hlăm jih jang anôk hlăm čar mâo mnuih dôk.

Y-Êsêkiêl 34:22

Kâo srăng bi mtlaih biăp Kâo, digơ̆ amâo srăng lŏ jing mnơ̆ng arăng plah mă ôh; leh anăn Kâo srăng phat kđi biăp anei hŏng biăp anăn.

Y-Êsêkiêl 34:31

Diih biăp Kâo, biăp kdrăn rơ̆k Kâo, jing phung mnuih, leh anăn Kâo jing Aê Diê diih, Yêhôwa Aê Diê lač.’ ”

Y-Êsêkiêl 36:37

Snei Yêhôwa Aê Diê lač: ‘Klei anei msĕ mơh Kâo srăng brei sang Israel akâo kơ Kâo ngă brei kơ diñu; bi lar phung êkei diñu msĕ si sa êpul biăp.

Y-Êsêkiêl 37:21

snăn lač bĕ kơ diñu, ‘Snei Yêhôwa Aê Diê lač: Nĕ anei, Kâo srăng mă phung anak čô ƀuôn sang Israel mơ̆ng phung găp djuê mnuih diñu nao dôk leh, leh anăn Kâo srăng bi kƀĭn diñu mơ̆ng tar ƀar leh anăn atăt diñu wĭt kơ čar diñu pô.

Y-Ôsê 1:11

Arăng srăng bi kƀĭn mbĭt phung anak čô Yuđa leh anăn phung anak čô Israel, leh anăn diñu srăng mjing sa čô khua kơ diñu pô, leh anăn diñu srăng kbiă mơ̆ng čar, kyuadah hruê Jesrêel srăng jing prŏng.”

Y-Amôs 1:12

Snăn Kâo srăng mơĭt pui ti dlông ƀuôn Têman, leh anăn pui anăn srăng ƀơ̆ng kđông kjăp ƀuôn Bôsra.”

Y-Mika 2:13

Pô bi hluh mnư̆ srăng nao êlâo kơ diñu; diñu srăng bi mčah mnư̆ găn ti ƀăng jang leh anăn kbiă tinăn. Mtao diñu srăng găn êlâo kơ diñu, Khua Yang Yêhôwa pô atăt êlan.”

Y-Mika 4:8

Bi ih, Ơ sang tum kơ biăp, kbuôn kơ anak mniê ƀuôn Siôn, klei kiă kriê hđăp srăng lŏ truh kơ ih, jing ƀuôn ala mtao anak mniê ƀuôn Yêrusalem.”

Y-Mika 5:7

Hlăk anăn kdrêč adôk mơ̆ng Yakôp srăng dôk ti krah lu phung ƀuôn sang msĕ si êa nguôm mơ̆ng Yêhôwa, msĕ si êa hjan ti rơ̆k mda, msĕ si mnơ̆ng amâo guôn kơ mnuih ôh, kăn bi kdung hruê kơ phung anak mnuih rei.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Y-Mika 7:14

Kiă kriê phung ƀuôn sang ih hŏng giê knuăk ih, jih jang biăp jing ngăn dưn ih, phung dôk hjăn hlăm kmrơ̆ng ti krah Karmel; brei diñu ƀơ̆ng rơ̆k ti čar Basan leh anăn hlăm čar Galaat msĕ si ênuk đưm đă.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Sôphôni 3:20

Hlăm ênuk anăn Kâo srăng lŏ atăt diih wĭt, hlăk anăn Kâo srăng bi kƀĭn diih mđrăm mbĭt. Kâo srăng brei diih jing hing ang leh anăn mâo klei bi mni ti krah jih jang phung ƀuôn sang lăn ala, tơdah Kâo srăng lŏ atăt phung mnă diih wĭt ti anăp ală diih,” Yêhôwa lač.