Y-Mika 2:11 - Klei Aê Diê Blŭ 2015

¹¹ Tơdah sa čô mnuih luar leh anăn mplư, blŭ lač, “Kâo srăng mtô kơ diih kơ kpiê leh anăn kơ kpiê ktang,” pô anăn srăng jing khua pô hưn êlâo năng kơ phung ƀuôn sang anei!

Y-Mika 2:11 Iomraidhean Croise

I Bruă Mtao 13:18

Leh anăn sa čô pô mkăn lač kơ gơ̆, “Kâo msĕ mơh jing sa čô khua pô hưn êlâo msĕ si ih, leh anăn sa čô dĭng buăl jăk blŭ leh kơ kâo hŏng klei Yêhôwa blŭ, lač, ‘Atăt bĕ ñu wĭt mbĭt hŏng ih mŭt hlăm sang ih, čiăng kơ ñu dưi ƀơ̆ng kpŭng leh anăn mnăm êa.’ ” Ƀiădah ñu luar kơ gơ̆.

I Bruă Mtao 22:6

Leh anăn mtao Israel bi kƀĭn phung khua pô hưn êlâo mbĭt, mâo hlăm brô pă êtuh čô, leh anăn lač kơ digơ̆, “Kâo srăng nao bi blah hŏng ƀuôn Ramôt-Galaat amâodah kâo srăng lui?” Leh anăn digơ̆ lač, “Đĭ nao bĕ, kyuadah Khua Yang srăng jao ƀuôn anăn hlăm kngan mtao.”

Y-Yôp 31:5

Tơdah kâo êbat leh hŏng klei luar, leh anăn jơ̆ng kâo ruăt kơ klei mplư;

Klei Bi Hriêng 25:14

Phung ƀuăn mnơ̆ng brei ƀiădah amâo brei ôh jing msĕ si knam mâo angĭn amâo mâo êa hjan ôh.

Y-Êsai 28:7

Phung anei msĕ mơh hwĭr kŏ kyua êa kpiê, leh anăn êbat ting ring rang kyua kpiê ktang ngă: phung khua ngă yang leh anăn phung khua pô hưn êlâo hwĭr kŏ kyua kpiê ktang ngă, êa kpiê bi mbŭk diñu leh; diñu êbat ting ring rang kyua kpiê ktang ngă, diñu čhuai bi ƀuh, diñu têč hnêč êjai dôk phat kđi.

Y-Êsai 9:15

Khua mduôn leh anăn pô arăng mpŭ jing boh kŏ, leh anăn khua pô hưn êlâo mtô klei luar jing ku.

Y-Yêrêmi 14:14

Yêhôwa lač kơ kâo: “Phung khua pô hưn êlâo hưn klei luar hlăm anăn Kâo; Kâo amâo tuôm tiŏ diñu nao ôh, kăn tuôm mtă amâodah blŭ kơ diñu rei. Diñu hưn êlâo klei bi ƀuh amâo sĭt kơ diih, klei mdian hơăi mang, leh anăn klei mplư mơ̆ng klei mĭn diñu pô.

Y-Yêrêmi 23:14

Ƀiădah Kâo ƀuh sa klei jhat snăk hlăm phung khua pô hưn êlâo ƀuôn Yêrusalem: diñu tlĕ piu leh anăn êbat hlăm klei luar, diñu bi ktang kngan phung ngă ƀai, snăn mơh amâo mâo pô wir đuĕ mơ̆ng klei ƀai diñu ôh; Kâo yap jih jang diñu jing leh msĕ si ƀuôn Sôdôm, leh anăn phung ƀuôn sang diñu msĕ si ƀuôn Gômôrơ.”

Y-Yêrêmi 23:17

Diñu lač nanao kơ phung bi êmut kơ Kâo, ‘Yêhôwa blŭ diih srăng mâo klei êđăp ênang,’ leh anăn diñu lač kơ grăp čô tui hlue klei ai tiê khăng diñu pô čiăng, ‘Amâo mâo klei jhat srăng truh kơ diih ôh.’

Y-Yêrêmi 23:25

“Kâo hmư̆ leh klei phung khua pô hưn êlâo lač, phung hưn êlâo klei luar hlăm anăn Kâo, lač, ‘Kâo êpei leh, Kâo êpei leh!’

Y-Yêrêmi 23:32

Nĕ anei, Kâo bi kdơ̆ng hŏng phung hưn êlâo klei êpei luar,” Yêhôwa lač, “Leh anăn phung hưn klei anăn leh anăn atăt phung ƀuôn sang Kâo wơr dliê hŏng klei diñu luar leh anăn ngă pliă plia, tơdah Kâo amâo tuôm tiŏ diñu amâodah mtă kơ diñu ôh; snăn diñu amâo mâo klei tŭ dưn ôh kơ phung ƀuôn sang anei,” Yêhôwa lač.

Y-Yêrêmi 28:15

Khua pô hưn êlâo Y-Yêrêmi lač kơ khua pô hưn êlâo Y-Hanania, “Dôk hmư̆ bĕ, Ơ Y-Hanania, Yêhôwa amâo tuôm tiŏ ih nao ôh, leh anăn ih brei phung ƀuôn sang anei knang kơ klei luar.

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Klei Čŏk Hia 2:14

Phung khua pô hưn êlâo ih ƀuh leh klei bi ƀuh luar leh anăn mplư; diñu amâo tuôm bi êdah klei wê ih ôh, čiăng kơ ih amâo đuĕ jing mnă ôh, ƀiădah bi ƀuh leh kơ ih klei bi êdah luar leh anăn mplư.

Y-Êsêkiêl 13:22

Kyuadah diih bi êdu ai phung kpă ênô hŏng klei luar, wăt tơdah Kâo amâo bi êdu ai digơ̆ ôh, leh anăn diih bi mđĭ ai phung ƀai, tơl diñu amâo weh ôh mơ̆ng êlan ƀai diñu čiăng bi mtlaih klei hdĭp diñu;

Y-Ôsê 7:14

Diñu amâo ur ôh kơ Kâo mơ̆ng ai tiê diñu, ƀiădah diñu dôk krao ti jhưng pĭt diñu. Diñu bi kƀĭn mbĭt čiăng mâo mdiê leh anăn kpiê mrâo, diñu lui wir Kâo.

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Y-Mika 3:5

Snei Yêhôwa lač djŏ kơ phung khua pô hưn êlâo, phung atăt bi wơr êlan phung ƀuôn sang Kâo, phung ur, “Klei êđăp ênang” êjai êgei diñu mâo mnơ̆ng mmah, ƀiădah mkra klei bi blah hŏng pô amâo brei mnơ̆ng ƀơ̆ng huă kơ diñu ôh.

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.

Philip 3:19

Klei knhal tuč diñu srăng jing klei rai luč. Tian diñu pô jing yang kơ diñu. Diñu mgao hlăm klei bi hêñ diñu, êjai mĭn kơ mnơ̆ng ti lăn ala.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.