Y-Mika 1:7 - Klei Aê Diê Blŭ 2015

⁷ Jih jang rup krah ñu srăng mčah đơ điêt, jih jang ênoh mưn ñu arăng srăng čuh hĕ hlăm pui, leh anăn Kâo srăng bi rai hĕ jih jang rup yang ñu. Kyuadah ñu mă tŭ mnơ̆ng anăn hŏng ênoh mưn mơ̆ng klei knhông, leh anăn dŏ anăn srăng lŏ wĭt jing ênoh mưn sa čô mniê knhông.

Y-Mika 1:7 Iomraidhean Croise

II Klei Yăl Dliê 31:1

Tơdah jih klei anăn ruê̆ leh, jih jang phung Israel hriê leh kơ ƀuôn Yêrusalem kbiă nao kơ ƀuôn hlăm čar Yuđa, bi mčah hĕ gơ̆ng kŭt rup yang, druôm hĕ phung rup yang Asêra, leh anăn bi klưh hĕ anôk dlông wăt knưl tar ƀar čar Yuđa, čar Benjamin, čar Êphraim, leh anăn čar Manasê tơl diñu bi rai jih dŏ anăn. Leh klei anăn jih jang phung ƀuôn sang Israel lŏ wĭt kơ ƀuôn diñu pô, grăp čô kơ anôk lăn ñu.

Y-Êsai 2:18

Rup yang srăng êgao tuč.

Y-Êsai 23:17

Tloh kjuh pluh thŭn Yêhôwa srăng čhưn hŏng ƀuôn Tir, leh anăn ƀuôn Tir srăng lŏ wĭt kơ klei mưn ñu, leh anăn srăng ngă klei knhông hŏng jih jang ƀuôn ala mtao ti dlông rŏng lăn ala.

Y-Êsai 27:9

Kyuanăn hŏng klei anei arăng srăng bi doh klei wê phung Yakôp, leh anăn snei jing jih klei truh kyua klei bi doh klei soh diñu: Yakôp srăng brei jih jang boh tâo knưl jing msĕ si boh tâo čŭr ƀhĭ leh, amâo srăng mâo phung yang Asêra leh anăn knưl čuh mnơ̆ng ƀâo mngưi ăt dôk ôh.

Y-Êsêkiêl 6:6

Grăp anôk diih dôk ƀuôn prŏng diih srăng jing mnơ̆ng rai, leh anăn anôk dlông diih srăng klưh hĕ, snăn knưl ngă yang diih srăng klưh leh anăn rai, rup yang diih srăng mčah, gơ̆ng diih kkuh kơ yang hruê klưh hĕ, leh anăn bruă diih ngă srăng rai tuč.

Y-Ôsê 2:12

Kâo srăng bi rai phŭn boh kriăk ƀâo leh anăn ana boh hra ñu, kơ dŏ anăn ñu lač, ‘Dŏ anei jing klei mưn phung piu kâo brei leh kơ kâo.’ Kâo srăng mjing digơ̆ kmrơ̆ng, leh anăn hlô dliê srăng ƀơ̆ng hĕ digơ̆.

Y-Ôsê 2:14

“Kyuanăn nĕ anei, Kâo srăng mƀlum ñu, leh anăn atăt ñu kơ kdrăn tač, leh anăn srăng blŭ hŏng klei êdu kơ ñu.

Y-Ôsê 2:5

Kyuadah amĭ diñu ngă klei knhông leh, ba tian kơ diñu hlăm klei hêñ. Kyuadah ñu lač leh, ‘Kâo srăng tui nao kơ phung piu kâo, phung srăng brei kpŭng, êa, čhiăm mlâo biăp, mrai kbuă, êa boh ôliwơ, leh anăn mnơ̆ng mnăm kơ kâo.’

Y-Ôsê 8:5

Kâo hngah leh rup êđai êmô ih, Ơ Samari. Kâo čuh ai ngêñ leh kơ diñu. Dŭm boh sui diñu amâo dưi mâo klei doh jăk ôh?

Y-Ôsê 8:6

Dŏ anei Israel ngă: sa čô mnuih mbruă ngă rup anăn leh; snăn rup anăn amâo jing Aê Diê ôh. Arăng srăng bi mčah đơ điêt rup êđai êmô čar Samari.

Y-Yôel 3:3

Diñu ngă klei mđăo čiăng mâo phung ƀuôn sang Kâo, leh anăn bi mlih êkei êdam čiăng mâo sa čô mniê knhông leh anăn čhĭ mniê êra čiăng mâo kpiê mnăm.

Bruă Lêwi 26:30

Kâo srăng bi rai anôk dlông diih, leh anăn klư̆ bi êbuh hĕ knưl mnơ̆ng ƀâo mngưi diih, leh anăn hwiê asei mlei djiê diih ti dlông rup yang diih êbuh leh; leh anăn mngăt Kâo srăng bi êmut kơ diih.

Klei Mtô Mñă Klei Bhiăn 23:18

Diih amâo dưi djă ba ôh kơ sang Yêhôwa Aê Diê diih ênoh mưn sa čô mniê knhông, amâodah ênoh sa drei asâo jing ênoh bi sĭt klei ƀuăn; kyuadah jih dua mnơ̆ng anăn jing mnơ̆ng Yêhôwa Aê Diê diih bi êmut kheh.

Klei Mtô Mñă Klei Bhiăn 9:21

Leh anăn kâo djă mnơ̆ng soh, êđai êmô diih ngă leh, čuh dŏ anăn hŏng pui, bi mčah ñu, ktit ñu tơl ƀhĭ tơl ñu jing ƀhơ̆k; leh anăn kâo dlăm ƀhơ̆k anăn hlăm hnoh êa đoh trŭn mơ̆ng čư̆.

Klei Bi Êdah 18:3

kyuadah jih jang găp djuê mnuih mnăm leh kpiê klei knhông čhŏ mrŏ ñu, leh anăn phung mtao ti lăn ala ngă leh klei knhông hŏng ñu, leh anăn phung mnia ti lăn ala jing mdrŏng leh hŏng klei ñu bi tluh amâo mâo knhal.”

Klei Bi Êdah 18:9

Leh anăn phung mtao ti lăn ala ngă leh klei knhông leh anăn klei tluh mbĭt hŏng ñu srăng hia leh anăn čŏk kơ ñu, tơdah diñu ƀuh săp pui dôk ƀơ̆ng ñu.

I Y-Samuel 5:4

Ƀiădah tơdah diñu kgŭ ưm aguah êdei, nĕ anei Dagôn êbuh leh kŭp ƀô̆ ti lăn ti anăp hip Yêhôwa, boh kŏ Dagôn leh anăn dua ƀĕ kngan gơ̆ tloh leh dôk ti mdhă anôk mŭt ƀăng bhă; ăt dôk knŏng asei mlei Dagôn.