Y-Mika 1:6 - Klei Aê Diê Blŭ 2015

⁶ Kyuanăn Kâo srăng brei ƀuôn Samari jing sa kăm djah hlăm dliê, sa bĭt anôk pioh ngă đang boh kriăk ƀâo; leh anăn Kâo srăng tuh hĕ boh tâo ñu hlăm tlung, leh anăn bi êdah tur ñu kơ tač.

Y-Mika 1:6 Iomraidhean Croise

II Y-Samuel 17:13

Tơdah ñu kdŭn dôk hlăm sa boh ƀuôn, snăn jih jang phung Israel srăng djă ba klei kuĭ kơ ƀuôn anăn, leh anăn drei srăng ktŭng ƀuôn anăn mŭt hlăm tlung, wăt sa klŏ boh tâo điêt amâo srăng lŏ dôk tinăn ôh.”

II Bruă Mtao 18:10

Leh êgao tlâo thŭn ñu mă ƀuôn anăn, hlăm thŭn tal năm Y-Hêsêkia, jing thŭn tal dua păn Y-Hôsêa mtao Israel, arăng mă ƀuôn Samari.

II Bruă Mtao 18:9

Hlăm thŭn tal pă mtao Hêsêkia, jing thŭn tal kjuh Y-Hôsêa anak êkei Y-Êla mtao Israel, Y-Salmanêser mtao Asiri đĭ hriê ngă kơ ƀuôn Samari, leh anăn wang ngă ƀuôn anăn.

II Bruă Mtao 19:25

Ih amâo tuôm hmư̆ hĕ Kâo čuăn leh klei anăn mơ̆ng sui? Kâo mkra leh hdră mơ̆ng ênuk đưm, ya Kâo bi truh ară anei, čiăng kơ ih srăng bi mlih ƀuôn mâo kđông jing kăm mnơ̆ng rai leh,

Y-Êsai 17:1

Klei blŭ djŏ kơ ƀuôn Damas: “Nĕ anei, ƀuôn Damas amâo srăng lŏ jing sa boh ƀuôn ôh, ñu srăng jing sa kăm mnơ̆ng rai.

Y-Êsai 25:12

Yêhôwa srăng bi klưh hĕ anôk mgang kjăp ti dlông mnư̆ gơ̆, klư̆ tơl êbuh kơ ƀruih lăn.

Y-Êsai 25:2

Kyuadah Ih brei leh ƀuôn prŏng jing sa kăm boh tâo, ƀuôn kjăp jing leh mnơ̆ng rai; sang mtao phung tue amâo lŏ jing ƀuôn ôh, arăng amâo srăng lŏ mdơ̆ng ñu ôh.

Y-Yêrêmi 31:5

Diih srăng lŏ pla phŭn boh kriăk ƀâo ti dlông čư̆ Samari; phung pla srăng pla, leh anăn srăng ƀơ̆ng boh gơ̆.

Y-Yêrêmi 51:25

“Nĕ anei, Kâo bi kdơ̆ng hŏng ih, Ơ čư̆ thâo bi rai,” Yêhôwa lač, “pô bi rai jih lăn ala; Kâo srăng yơr kngan Kâo ngă kơ ih, leh anăn bi klŭng ih mơ̆ng ping čư̆, leh anăn mjing ih sa boh čư̆ pui ƀơ̆ng leh.

Y-Yêrêmi 51:37

Ƀuôn Ƀaƀilôn srăng jing sa kăm mnơ̆ng rai, anôk asâo tan dôk, sa mnơ̆ng bi huĭ leh anăn mnơ̆ng arăng djă djik djak, amâo mâo mnuih dôk ôh.

Y-Yêrêmi 9:11

Kâo srăng mjing ƀuôn Yêrusalem sa kăm mnơ̆ng rai leh; jing anôk asâo tan dôk; leh anăn Kâo srăng brei jih jang ƀuôn čar Yuđa jing ênguôl, amâo mâo mnuih dôk ôh.”

Klei Čŏk Hia 4:1

Hƀơih, mah luč leh klei mngač ñu, mah doh bi mlih leh! Boh tâo yuôm doh jăk kdah đuĕ tinei tinăn ti jih jang akŏ êlan.

Y-Êsêkiêl 13:14

Kâo srăng bi klưh hĕ mnư̆ diih mia leh čŭr kô̆, leh anăn brei gơ̆ êbuh ti lăn, tơl tur gơ̆ bi êdah; tơdah gơ̆ klưh, diih srăng djiê hlăm mnư̆ găm diih; leh anăn diih srăng thâo kơ Kâo jing Yêhôwa.

Y-Ôsê 13:16

Phung Samari srăng klam klei diñu jing soh leh, kyuadah diñu bi kdơ̆ng leh hŏng Aê Diê diñu. Diñu srăng lĕ buh hŏng đao gưm, phung anak điêt diñu arăng srăng prah bi mdjiê, leh anăn arăng srăng briah phung mniê ba tian diñu.”

Y-Amôs 5:11

Snăn kyuadah diih juă leh mnuih ƀun ƀin, leh anăn mă mgô̆ mơ̆ng ñu mdiê ƀlê, wăt tơdah diih mdơ̆ng leh sang boh tâo krah, diih amâo srăng dôk hlăm diñu ôh, wăt tơdah diih pla leh đang boh kriăk ƀâo jăk siam, diih amâo srăng mnăm kpiê gơ̆ ôh.

Y-Amôs 6:8

Aê Diê Yêhôwa kat asei leh hŏng Ñu pô, Yêhôwa, Aê Diê kơ phung kahan lač: “Kâo bi êmut kheh kơ klei mgao phung Yakôp, leh anăn Kâo bi êmut kơ kđông kjăp ñu; leh anăn Kâo srăng jao ƀuôn prŏng mbĭt hŏng jih jang mnơ̆ng hlăm ñu kơ phung roh.”

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Haƀakuk 3:13

Ih kbiă leh čiăng bi mtlaih phung ƀuôn sang Ih, čiăng bi mtlaih pô Ih trôč leh êa ƀâo mngưi. Ih ktrăm bi mčah leh boh kŏ pô ƀai, brei gơ̆ dôk asei lưng mơ̆ng boh kŏ truh ti jơ̆ng. (Sêla)

Y-Mathiơ 24:2

Ñu lač kơ digơ̆, “Diih ƀuh mơ̆ jih jang sang anei? Sĭt nik Kâo lač kơ diih, amâo srăng mâo sa boh tâo ti dlông boh tâo mkăn amâo srăng klưh ôh.”