Y-Mika 1:5 - Klei Aê Diê Blŭ 2015

⁵ Jih klei anei srăng truh kyua klei Yakôp gao klei bhiăn leh anăn kyua klei soh sang Israel. Ya jing klei Yakôp gao klei bhiăn? Amâo djŏ hĕ jing ƀuôn Samari? Ya jing anôk dlông Yuđa? Amâo djŏ hĕ jing ƀuôn Yêrusalem?

Y-Mika 1:5 Iomraidhean Croise

I Bruă Mtao 11:7

Y-Salômôn mdơ̆ng ti dlông čư̆ tĭng ngŏ ƀuôn Yêrusalem sa anôk dlông pioh kơ Čhêmôs yang phung Môap Yêhôwa bi êmut, leh anăn pioh kơ Môlek yang phung Amôn Yêhôwa bi êmut.

I Bruă Mtao 13:32

Kyuadah klei ñu ur lač hŏng klei Yêhôwa blŭ bi kdơ̆ng hŏng jih jang sang anôk dlông hlăm ƀuôn čar Samari srăng bi truh sĭt.”

I Bruă Mtao 16:24

Ñu blei kbuôn Samari mơ̆ng Y-Sêmer hŏng dua talăng prăk; ñu mjing kbuôn anăn kđông kjăp, leh anăn bi anăn ƀuôn ñu mdơ̆ng anăn Samari, tui si anăn Y-Sêmer pô kbuôn anăn.

II Klei Yăl Dliê 34:3

Hlăm thŭn tal sa păn ñu kiă kriê, êjai ñu ăt jing sa čô hđeh êdam, ñu dơ̆ng duah Aê Diê Y-Đawit aê ñu, leh anăn hlăm thŭn tal pluh dua ñu dơ̆ng bi doh čar Yuđa leh anăn ƀuôn Yêrusalem kơ anôk dlông, kơ phung rup yang Asêra, kơ rup kač leh anăn rup tuh tia.

II Klei Yăl Dliê 34:4

Arăng bi klưh jih jang knưl yang Baal ti anăp ñu; leh anăn ñu druôm hĕ knưl čuh mnơ̆ng ƀâo mngưi dôk ti dlông knưl yang Baal anăn; leh anăn ñu bi mčah đơ điêt phung rup yang Asêra, rup kač, leh anăn rup tuh tia; ñu bi ƀhĭ rup anăn leh anăn pruê bruih anăn ti dlông msat phung ngă yang kơ rup anăn.

Y-Êsai 7:9

Boh kŏ kơ čar Êphraim jing ƀuôn Samari, leh anăn boh kŏ kơ Samari jing anak êkei Y-Rêmalia. Tơdah ih amâo đăo ôh, sĭt nik ih amâo srăng jing kjăp ôh.’ ”

Y-Yêrêmi 2:17

Amâo djŏ hĕ ih bi truh leh klei anei kơ ih pô êjai lui wir Yêhôwa Aê Diê ih, êjai Gơ̆ atăt ih hlăm êlan?

Y-Yêrêmi 2:19

Klei soh ih srăng mkra ih pô, leh anăn klei ih lui wir srăng ƀuah ih. Ksiêm leh anăn brei ih thâo klei ih lui wir Yêhôwa Aê Diê ih jing jhat leh anăn ênguôt. Ih amâo lŏ huĭ mpŭ kơ kâo ôh,” Khua Yang Aê Diê kơ phung kahan lač.

Y-Yêrêmi 23:13

“Kâo ƀuh sa klei Kâo amâo khăp ôh hlăm phung khua pô hưn êlâo čar Samari: diñu hưn êlâo hŏng anăn yang Baal, leh anăn atăt phung ƀuôn sang Kâo Israel klah đuĕ.

Y-Yêrêmi 23:14

Ƀiădah Kâo ƀuh sa klei jhat snăk hlăm phung khua pô hưn êlâo ƀuôn Yêrusalem: diñu tlĕ piu leh anăn êbat hlăm klei luar, diñu bi ktang kngan phung ngă ƀai, snăn mơh amâo mâo pô wir đuĕ mơ̆ng klei ƀai diñu ôh; Kâo yap jih jang diñu jing leh msĕ si ƀuôn Sôdôm, leh anăn phung ƀuôn sang diñu msĕ si ƀuôn Gômôrơ.”

Y-Yêrêmi 4:18

“Klei ih dôk dơ̆ng ƀơ̆ng huă leh anăn bruă ih ngă bi truh klei anei kơ ih. Anei jing klei bi kmhal kơ ih, leh anăn jing knap mñai snăk; klei anăn tlŏ ai tiê ih.”

Y-Yêrêmi 5:25

Klei wê diih mkhư̆ hĕ klei anei amâo lŏ bi truh ôh, leh anăn klei soh diih kơ̆ng hĕ klei jăk truh kơ diih.

Y-Yêrêmi 6:19

Hmư̆ bĕ, Ơ lăn ala! Nĕ anei, Kâo ba klei jhat truh kơ phung ƀuôn sang anei, jing boh kơ klei diñu ngă leh, kyuadah diñu amâo mđing knga ôh kơ klei Kâo blŭ, leh anăn diñu hngah leh klei bhiăn Kâo.

Klei Čŏk Hia 5:16

Đuôn mtao lĕ leh mơ̆ng boh kŏ hmei; knap mñai yơh kơ hmei, kyuadah hmei ngă soh leh!

Y-Êsêkiêl 16:46

Amai ih jing ƀuôn Samari, pô dôk mbĭt hŏng phung anak mniê gơ̆ tĭng điâo ih; leh anăn adei mniê ih dôk tĭng hnuă ih jing ƀuôn Sôdôm mbĭt hŏng phung anak mniê ñu.

Y-Ôsê 7:1

Tơdah Kâo čiăng bi hlao Israel, klei čhŏ mrŏ Êphraim leh anăn bruă ƀai phung Samari bi êdah leh; kyuadah diñu ngă hŏng klei luar, mnuih tlĕ mŭt hlăm lam, phung knĕ tlĕ ti tač.

Y-Amôs 6:1

Knap mñai yơh kơ phung dôk êđăp ênang hlăm ƀuôn Siôn, leh anăn kơ phung dôk hơĭt mđao ti čư̆ Samari, phung khua hlăm phung găp djuê mrô sa, kơ diñu yơh sang Israel hriê!

Y-Amôs 7:9

Anôk dlông Y-Isăk srăng jing ênguôl, leh anăn anôk doh jăk phung Israel srăng rai, leh anăn Kâo srăng kgŭ bi kdơ̆ng hŏng sang Y-Jêrôbôam hŏng đao gưm.”

Y-Amôs 8:14

Phung kat asei hŏng yang Asima čar Samari, leh anăn lač, ‘Tui si yang ih dôk hdĭp, Ơ Y-Dan,’ leh anăn ‘Tui si yang ƀuôn Bêr-Sêba dôk hdĭp,’ diñu srăng lĕ buh leh anăn amâo srăng lŏ tuôm kgŭ ôh.”

Y-Mika 1:13

Kă bĕ aseh ti êdeh, Ơ phung dôk ti ƀuôn Lakis; diih jing phŭn klei soh kơ anak mniê ƀuôn Siôn, kyuadah hlăm ih yơh arăng ƀuh klei Israel gao klei bhiăn.