Y-Mika 1:3 - Klei Aê Diê Blŭ 2015

³ Kyuadah nĕ anei, Yêhôwa kbiă mơ̆ng anôk Ñu dôk; Ñu srăng trŭn juă ti jih anôk dlông hlăm lăn ala.

Y-Mika 1:3 Iomraidhean Croise

Y-Yôp 40:12

Dlăng kơ grăp čô hlei pô jing mgao, leh anăn bi mtrŭn ñu; leh anăn juă lin phung ƀai ti anôk diñu dôk.

Klei Mmuñ Hđăp 115:3

Aê Diê drei dôk hlăm adiê; Ñu ngă tui si klei Ñu čiăng.

Y-Êsai 25:10

Kyuadah kngan Yêhôwa srăng dôk ti čư̆ anei, leh anăn arăng srăng juă čar Môap ti anôk gơ̆ msĕ si arăng juă adrăng hlăm anôk tuh djah.

Y-Êsai 26:21

Kyuadah nĕ anei, Yêhôwa srăng kbiă mơ̆ng anôk Ñu čiăng bi kmhal phung dôk hlăm lăn ala kyua klei soh digơ̆, lăn ala srăng bi êdah êrah tuh leh hlăm Ñu, leh anăn amâo srăng lŏ guôm ôh phung arăng bi mdjiê leh.

Y-Êsêkiêl 3:12

Hlăk anăn Mngăt Myang pŭ kâo kơ dlông, leh anăn kâo hmư̆ ti tluôn kâo ênai klei yơ̆ng lăn ala ktang: “Mpŭ mni kơ klei guh kơang Yêhôwa hlăm anôk Gơ̆ dôk!”

Y-Amôs 4:13

Kyuadah nĕ anei, pô mjing čư̆ leh anăn hrih angĭn, leh anăn hưn kơ mnuih ya klei ñu mĭn; pô brei aguah mbliư̆ jing mmăt, leh anăn êbat hlăm anôk dlông ti lăn ala — anăn Ñu jing Yêhôwa, Aê Diê kơ phung kahan!

Y-Amôs 9:5

Yêhôwa, Aê Diê kơ phung kahan, Pô ruêh lăn ala leh anăn gơ̆ lik, leh anăn jih jang phung dôk hlăm gơ̆ kơŭ kyăm, jih lăn čar srăng đĭ dlai msĕ si êa krông Nil, leh anăn lŏ hrŏ msĕ si êa krông Nil čar Êjip,

Y-Haƀakuk 3:19

Aê Diê Khua Yang jing klei ktang kâo; Ñu brei jơ̆ng kâo jing msĕ si jơ̆ng hlô rang ana, Ñu brei kâo êbat hiu hlăm anôk ti dlông. Kơ khua phung mmuñ: hŏng đĭng brô̆ kâo.

Y-Sakari 14:4

Ti hruê anăn jơ̆ng ñu srăng juă ti dlông čư̆ Ôliwơ dôk ti anăp ƀuôn Yêrusalem tĭng ngŏ; leh anăn čư̆ Ôliwơ srăng kđang ti krah mơ̆ng ngŏ kơ yŭ mjing sa boh tlung prŏng; snăn sa mkrah čư̆ srăng kñăk phă dưr, leh anăn sa mkrah mkăn phă dhŭng.

Klei Mtô Mñă Klei Bhiăn 32:13

Ñu brei diñu đĭ leh ti anôk dlông hlăm lăn ala, leh anăn diñu ƀơ̆ng leh boh hlăm hma; Ñu brei diñu ƀơ̆ng êa hnuê mơ̆ng boh tâo, leh anăn êa boh ôliwơ mơ̆ng boh tâo khăng,

Klei Mtô Mñă Klei Bhiăn 33:29

Hơ̆k mơak yơh ih, Ơ Israel! Hlei pô jing msĕ si ih, sa phung ƀuôn sang Yêhôwa bi mtlaih leh? Ñu jing khil kăp dŏng ih, leh anăn jing đao gưm brei klei dưi kdrưh kơang kơ ih! Phung roh ih srăng hriê hŏng klei bin buôn ti anăp ih, leh anăn ih srăng juă anôk dlông diñu.”