Y-Mika 1:16 - Klei Aê Diê Blŭ 2015

¹⁶ Bi kla bĕ boh kŏ ih pô, khăt hĕ ƀŭk ih kyua phung anak ih khăp; bi kla bĕ boh kŏ ih msĕ si tlang, kyuadah diñu srăng đuĕ mơ̆ng diih nao jing mnă.

Y-Mika 1:16 Iomraidhean Croise

II Bruă Mtao 17:6

Hlăm thŭn tal dua păn Y-Hôsêa, mtao Asiri mă ƀuôn Samari, leh anăn ñu atăt ba phung Israel kơ čar Asiri leh anăn dưm digơ̆ hlăm ƀuôn Hala leh anăn ti êa krông Habôr čar Gôsan, leh anăn hlăm lu boh ƀuôn phung Mêdơ.

Y-Yôp 1:20

Snăn Y-Yôp kgŭ, hiêk ao jhung ñu, kuêh ƀŭk ñu, buôn ti lăn, leh anăn kkuh mpŭ.

Y-Êsai 15:2

Phung ƀuôn Dibôn đĭ leh kơ sang yang diñu, diñu đĭ nao kơ lu anôk dlông čiăng čŏk hia; phung Môap dôk čŏk hia kyua čư̆ Nêbô leh anăn ƀuôn Mêdêba. Grăp boh kŏ kla leh, jih jang mlâo kang kuêh leh.

Y-Êsai 22:12

Hlăm hruê anăn Khua Yang Yêhôwa kơ phung kahan iêô diih kơ klei hia, kơ klei kơŭ kyăm, kơ klei kuêh kŏ, leh anăn kơ klei hơô klŭng.

Y-Yêrêmi 16:6

“Phung arăng mpŭ leh anăn phung amâo yuôm ôh srăng djiê hlăm čar anei; arăng amâo srăng dơr diñu ôh, leh anăn amâo mâo pô čŏk hia, riêk asei mlei pô, amâodah kuêh ƀŭk kyua diñu ôh.

Y-Yêrêmi 4:8

Kyua klei anăn hơô bĕ klŭng, leh anăn čŏk hia bĕ; kyuadah klei Yêhôwa ngêñ snăk amâo đuĕ mơ̆ng drei ôh.”

Y-Yêrêmi 47:5

Ƀuôn Gasa kuêh kla kŏ kyua klei kơŭ kyăm, ƀuôn Askêlon dôk ñăt kriêp leh. Ơ phung ăt dôk ti lăn dap, dŭm boh sui diih srăng riêk asei mlei diih pô?

Y-Yêrêmi 6:26

Ơ anak mniê phung ƀuôn sang Kâo, hơô bĕ klŭng, leh anăn đih hlăm hbâo; čŏk hia bĕ msĕ si kơ anak êkei knŏng mâo sa čô, čŏk hia hŏng klei ênguôt êdi; kyuadah bhiâo riâo rit pô bi rai srăng truh kơ drei.

Y-Yêrêmi 7:29

Kuêh hĕ ƀŭk diih leh anăn hwiê hĕ gơ̆; ur čŏk hia bĕ ti dlông čŏng phung čư̆ kla, kyuadah Yêhôwa hngah leh anăn lui leh phung ênuk Ñu ngêñ anei.’ ”

Klei Čŏk Hia 2:19

Kgŭ ur hia bĕ êjai mlam, tơdah arăng dơ̆ng gak mlam! Tuh ai tiê ih msĕ si êa ti anăp Yêhôwa! Yơr kngan ih phă Ñu čiăng akâo klei hdĭp kơ phung anak ih, digơ̆ djiê hwăt kyua êpa ti akŏ grăp êlan dơ̆ng.

Y-Amôs 7:11

Kyuadah snei Y-Amôt lač leh, ‘Y-Jêrôbôam srăng djiê hŏng đao gưm, leh anăn sĭt nik phung Israel srăng nao jing mnă kbưi mơ̆ng čar diñu pô.’ ”

Y-Amôs 7:17

Kyuanăn snei Yêhôwa lač: ‘Mô̆ ih srăng jing sa čô mniê knhông hlăm ƀuôn prŏng, phung anak êkei leh anăn phung anak mniê ih srăng êbuh hŏng đao gưm, leh anăn čar ih arăng srăng bi mbha hŏng klei mkă, leh anăn ih pô srăng djiê hlăm sa boh čar amâo doh ôh, leh anăn sĭt nik Israel srăng nao jing mnă kbưi mơ̆ng čar diñu pô.’ ”

Y-Amôs 8:10

Kâo srăng bi mbliư̆ hruê knăm diih jing klei kơŭ kyăm, leh anăn jih klei mmuñ diih jing klei čŏk hia. Kâo srăng hyuă klŭng ti kơiêng jih jang, leh anăn Kâo srăng bi kla grăp boh kŏ. Kâo srăng brei klei anăn jing msĕ si klei kơŭ kyăm kơ sa čô anak êkei arăng mâo knŏng sa čô, leh anăn klei knhal tuč ñu msĕ si sa hruê ênguôt êdi.”

Klei Mtô Mñă Klei Bhiăn 28:41

Diih srăng kkiêng kơ phung anak êkei leh anăn anak mniê, ƀiădah digơ̆ amâo srăng jing dŏ diih ôh, kyuadah digơ̆ srăng nao jing mnă.