Y-Mathiơ 9:6 - Klei Aê Diê Blŭ 2015

⁶ Ƀiădah čiăng brei diih thâo kơ Anak Mnuih mâo klei dưi pap brei klei soh ti lăn ala” — Yêsu lŏ lač kơ mnuih êwiên — “Kgŭ mă jhưng pĭt ih leh anăn wĭt kơ sang.”

Y-Mathiơ 9:6 Iomraidhean Croise

Y-Êsai 43:25

Kâo, Kâo yơh jing Pô lăm hĕ klei diih gao klei bhiăn kyua anăn Kâo pô, leh anăn Kâo amâo srăng lŏ hdơr kơ klei soh diih ôh.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Mathiơ 8:20

Yêsu lač kơ gơ̆, “Phung mja mâo ƀăng, phung čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

Y-Mathiơ 9:2

Leh anăn nĕ anei, arăng kkung ba kơ Ñu sa čô êkei êwiên dôk đih ti jhưng pĭt. Tơdah Yêsu ƀuh klei đăo phung anăn, Ñu lač kơ êkei êwiên, “Ơ dam, mơak bĕ ih, kyuadah klei soh ih pap brei leh.”

Y-Mathiơ 9:5

Ya klei ênưih hĭn lač, ‘Klei soh ih pap brei leh,’ amâodah lač, ‘Kgŭ leh anăn êbat bĕ?’

Y-Mathiơ 9:7

Snăn gơ̆ kgŭ leh anăn wĭt kơ sang.

Y-Markôs 2:10

Ƀiădah čiăng kơ diih dưi thâo kơ Anak Mnuih mâo klei dưi pap brei klei soh ti lăn ala” — Ñu wir lač kơ pô êwiên —

Y-Markôs 2:7

“Si ngă mnuih anei blŭ snăn? Ñu blŭ mgao hŏng Aê Diê! Hlei dưi pap brei klei soh, knŏng hjăn Aê Diê yơh?”

Y-Luk 5:21

Phung khua čih hră leh anăn phung Pharisi dơ̆ng mĭn, “Hlei pô anei, blŭ klei mgao hŏng Aê Diê? Hlei pô dưi pap brei klei soh, knŏng Aê Diê yơ̆?”

Y-Yôhan 10:28

Leh anăn Kâo brei kơ digơ̆ klei hdĭp hlŏng lar, leh anăn digơ̆ amâo srăng rai luč ôh, leh anăn amâo mâo pô srăng kdhăk mă digơ̆ mơ̆ng kngan Kâo ôh.

Y-Yôhan 17:2

kyuadah Ih brei leh kơ Ñu klei dưi kiă kriê jih jang mnuih, čiăng kơ Ñu dưi brei klei hdĭp hlŏng lar kơ jih jang phung Ih brei leh kơ Ñu.

Y-Yôhan 5:27

Leh anăn Ama brei kơ Anak klei dưi phat kđi, kyuadah Gơ̆ jing Anak Mnuih.

Y-Yôhan 5:8

Yêsu lač kơ ñu, “Kgŭ bĕ, mă ba añuê buk ih leh anăn êbat.”

Bruă Phung Khua Ƀĭng Kna 5:31

Aê Diê mđĭ brei Pô anăn dôk leh tĭng hnuă Ñu jing Khua Mil Čhil leh anăn Pô Bi Mtlaih, čiăng brei phung Israel kmhal leh anăn mâo klei pap brei kơ klei soh.

Bruă Phung Khua Ƀĭng Kna 9:34

Y-Pêtrôs lač kơ gơ̆, “Ơ Y-Ênê, Yêsu Krist bi hlao ih; kgŭ bĕ leh anăn mă jhưng pĭt ih.” Mtam gơ̆ kgŭ.

II Kôrantô 2:10

Hlei pô diih pap brei, kâo pap brei msĕ mơh. Ya klei kâo pap brei leh, kâo pap brei kyua diih ti anăp Krist,

II Kôrantô 5:20

Snăn hmei jing dĭng ktang kơ Krist, msĕ si Aê Diê yua hmei kwưh kơ arăng. Hmei kwưh kơ diih hlăm anăn Krist, brei diih lŏ bi grăng bĕ hŏng Aê Diê.

Êphêsô 4:32

Brei diih ngă jăk hdơ̆ng diih pô, bŏ hŏng klei thâo pap, bi pap brei hdơ̆ng diih, msĕ si Aê Diê pap brei leh kơ diih hlăm Krist.

Kôlôs 3:13

Bi tŭ hdơ̆ng diih, leh anăn tơdah sa čô mâo klei hŏng mnuih mkăn, bi pap brei hdơ̆ng diih. Msĕ si Khua Yang pap brei kơ diih leh, brei diih pap brei msĕ mơh.