Y-Mathiơ 9:4 - Klei Aê Diê Blŭ 2015

⁴ Ƀiădah Yêsu thâo leh klei mĭn diñu leh anăn lač, “Si ngă diih mĭn klei jhat msĕ snăn hlăm ai tiê diih?

Y-Mathiơ 9:4 Iomraidhean Croise

Klei Mmuñ Hđăp 139:2

Ih thâo tơdah kâo dôk gŭ leh anăn tơđah kâo kgŭ. Mơ̆ng kbưi Ih thâo săng klei kâo mĭn.

Klei Mmuñ Hđăp 44:21

amâo djŏ hĕ Aê Diê dưi thâo klei anăn? Kyuadah Ñu thâo klei hgăm hlăm ai tiê.

Y-Êsêkiêl 38:10

Snei Yêhôwa Aê Diê lač: “Hlăm hruê anăn ih srăng mâo klei mĭn leh anăn mkra hdră klei ngă jhat

Y-Mathiơ 12:25

Yêsu thâo klei mĭn diñu leh anăn lač kơ diñu, “Tơdah sa boh ƀuôn ala mtao bi mbha hĕ ñu pô, srăng rai tuč yơh, leh anăn sa boh ƀuôn amâodah sa boh sang bi mbha hĕ ñu pô, amâo srăng dưi dôk ôh.

Y-Markôs 12:15

Ƀiădah Yêsu thâo leh klei ai ngăm diñu, snăn Yêsu lač kơ diñu, “Si ngă diih čiăng lông dlăng Kâo? Ba sa asăr prăk đơniê, brei Kâo dlăng.”

Y-Markôs 2:8

Mtam Yêsu thâo hlăm klei mĭn Ñu kơ phung anăn bi êmuh hlăm klei mĭn, leh anăn Ñu lač kơ diñu, “Si ngă diih bi êmuh hlăm ai tiê diih msĕ snăn?

Y-Luk 11:17

Ƀiădah Ñu thâo klei mĭn phung anăn, lač kơ digơ̆, “Grăp boh ƀuôn ala mtao bi kah mbha ñu pô bi rai ñu pô, leh anăn sa boh sang bi kah mbha ñu pô bi rai ñu pô.

Y-Luk 5:22

Ƀiădah Yêsu thâo leh klei digơ̆ mĭn, Ñu lač kơ digơ̆, “Si ngă diih êmuh hlăm ai tiê diih?

Y-Luk 6:8

Ƀiădah Yêsu thâo klei mĭn diñu leh anăn lač kơ mnuih mâo kngan krô, “Hriê dôk dơ̆ng tinei.” Gơ̆ kgŭ leh anăn dôk dơ̆ng tinăn.

Y-Luk 7:40

Yêsu lač kơ ñu, “Ơ Y-Simôn, Kâo mâo klei čiăng lač kơ ih.” Ñu lač, “Ơ Nai, ya klei anăn?”

Y-Yôhan 16:19

Yêsu thâo leh digơ̆ čiăng êmuh kơ Ñu, snăn Ñu lač kơ digơ̆, “Klei anei mơ̆ diih bi êmuh hdơ̆ng diih pô kơ klei Kâo lač, ‘Ăt dôk bhiâo, diih amâo srăng lŏ ƀuh Kâo ôh, leh anăn lŏ ăt dôk bhiâo, diih srăng lŏ ƀuh Kâo’?

Y-Yôhan 16:30

Ară anei hmei thâo leh kơ Ih thâo jih jang klei, amâo guôn mâo pô ksiêm êmuh Ih ôh. Kyuanăn hmei đăo kơ Ih kbiă hriê leh mơ̆ng Aê Diê.”

Y-Yôhan 21:17

Yêsu lač kơ ñu tal tlâo, “Ơ Y-Simôn anak Y-Yônas, ih khăp kơ Kâo mơ̆?” Y-Pêtrôs ênguôt kyuadah Yêsu lač kơ ñu tal tlâo, “Ih khăp kơ Kâo mơ̆?” Snăn Y-Pêtrôs lač kơ Gơ̆, “Ơ Khua Yang, Ih thâo jih jang klei. Ih thâo leh kâo khăp kơ Ih.” Yêsu lač kơ ñu, “Čiêm bĕ phung biăp Kâo.

Y-Yôhan 6:61

Ƀiădah Yêsu thâo leh hlăm ai tiê Ñu kơ phung ƀĭng kna Ñu blŭ dŭñ dŭñ kơ klei anăn, snăn Yêsu lač kơ digơ̆, “Klei anei bi têč hnêč diih mơ̆?

Y-Yôhan 6:64

Ƀiădah mâo đa đa hlăm phung diih amâo đăo ôh.” Kyuadah Yêsu thâo leh mơ̆ng êlâo hlei phung amâo đăo ôh, leh anăn hlei pô srăng lhiăr kơ Ñu.

Bruă Phung Khua Ƀĭng Kna 5:9

Snăn Y-Pêtrôs lač kơ ñu, “Si ngă diih jing sa ai čiăng lông dlăng Yang Mngăt Jăk Khua Yang? Nĕ anei, jơ̆ng phung wĭt dơr ung ih truh leh ti ƀăng bhă, leh anăn diñu srăng kkung ba dơr ih msĕ mơh.”

Klei Bi Êdah 2:23

Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.