Y-Mathiơ 9:3 - Klei Aê Diê Blŭ 2015

³ Nĕ anei, mâo đa đa phung khua čih hră mĭn hlăm ai tiê diñu, “Mnuih anei blŭ mgao hŏng Aê Diê.”

Y-Mathiơ 9:3 Iomraidhean Croise

Bruă Lêwi 24:16

Brei arăng bi mdjiê hlei pô blŭ mgao kơ anăn Yêhôwa; jih jang phung bi kƀĭn srăng bhĭr boh tâo kơ ñu, pô dôk jưh bhiâo amâodah mnuih ƀuôn sang pô, arăng srăng bi mdjiê ñu tơdah ñu blŭ mgao kơ anăn Yêhôwa.

Klei Yap 15:30

Ƀiădah pô ngă hŏng klei čiăng bi kdơ̆ng, thâodah ñu jing mnuih ƀuôn sang pô amâodah pô dôk jưh bhiâo, dlao wač kơ Yêhôwa, pô anăn brei arăng khăt hĕ mơ̆ng krah phung ƀuôn sang ñu.

Y-Mathiơ 26:65

Hlăk anăn khua ngă yang prŏng hiêk ao jhung ñu leh anăn lač, “Ñu blŭ mgao hŏng Aê Diê leh. Ya drei lŏ čiăng kơ pô kčŭt ară anei? Diih hmư̆ leh klei ñu blŭ mgao.

Y-Mathiơ 7:29

kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Markôs 14:64

Diih hmư̆ leh klei ñu blŭ mgao hŏng Aê Diê. Ya klei diih mĭn?” Jih jang diñu phat kđi Yêsu jing năng kơ klei djiê.

Y-Markôs 3:28

Sĭt nik Kâo lač kơ diih, Aê Diê srăng pap brei jih jang klei soh phung anak mnuih, wăt klei diñu blŭ mgao hŏng Aê Diê;

Y-Markôs 3:29

ƀiădah hlei pô blŭ mgao hŏng Yang Mngăt Jăk amâo srăng mâo klei pap brei ôh, ƀiădah jing soh nanao hlŏng lar,”

Y-Markôs 7:21

Kyuadah mơ̆ng lam, mơ̆ng ai tiê mnuih kbiă hriê klei mĭn jhat, klei knhông, klei tlĕ, klei bi mdjiê mnuih, klei tlĕ piu,

Y-Luk 5:21

Phung khua čih hră leh anăn phung Pharisi dơ̆ng mĭn, “Hlei pô anei, blŭ klei mgao hŏng Aê Diê? Hlei pô dưi pap brei klei soh, knŏng Aê Diê yơ̆?”