Y-Mathiơ 9:24 - Klei Aê Diê Blŭ 2015

²⁴ Ñu lač, “Kbiă bĕ diih, kyuadah hđeh điêt anei amâo djiê ôh, ƀiădah gơ̆ dôk pĭt.” Leh anăn diñu tlao mưč kơ Yêsu.

Y-Mathiơ 9:24 Iomraidhean Croise

Y-Yôp 12:4

Kâo jing mnuih mah jiăng kâo djă djik djak; kâo pô tuôm wah lač kơ Aê Diê, leh anăn Ñu lŏ wĭt lač kơ kâo leh, kâo jing sa čô kpă leh anăn amâo mâo klei arăng dưi ƀuah ôh, ƀiădah jing hĕ sa čô mnuih arăng djă djik djak.

Y-Êsai 49:7

Snei Yêhôwa, Pô Bi Tui leh anăn Pô Doh Jăk Israel lač kơ pô arăng bi êmut snăk, kơ pô phung găp djuê mnuih bi êmut kheh, kơ dĭng buăl phung khua kiă kriê: “Phung mtao srăng ƀuh leh anăn kgŭ, wăt phung anak mtao srăng buôn kkuh, kyua Yêhôwa, pô jing sĭt suôr, Pô Doh Jăk Israel, pô ruah ih leh.”

Y-Êsai 53:3

Ñu jing Pô arăng bi êmut leh anăn hngah leh, sa čô mnuih bŏ hŏng klei ênguôt leh anăn thâo kral klei ruă. Msĕ si sa čô arăng mdăp ƀô̆ mta kơ Ñu, arăng bi êmut kơ Ñu, leh anăn drei amâo mpŭ kơ Ñu ôh.

Y-Markôs 5:40

Leh anăn phung anăn tlao mưč kơ Ñu. Ƀiădah Yêsu brei jih jang kbiă ti tač, leh anăn Ñu mă amĭ ama hđeh điêt leh anăn phung ƀĭng kna Ñu mbĭt hŏng Ñu, leh anăn mŭt hlăm adŭ hđeh điêt dôk.

Y-Luk 8:53

Leh anăn phung anăn tlao mưč kơ Ñu, kyuadah digơ̆ thâo kơ hđeh anăn djiê leh.

Y-Yôhan 11:4

Tơdah Yêsu hmư̆ klei anăn, Ñu lač, “Klei ruă anei amâo tơl djiê ôh, ƀiădah kyua čiăng bi guh kơang kơ Aê Diê, čiăng kơ Anak Aê Diê dưi mâo klei guh kơang kyua klei ruă anăn.”

Bruă Phung Khua Ƀĭng Kna 20:10

Ƀiădah Y-Pôl trŭn, kkui kmiêk ñu lač, “Đăm rŭng răng ôh, kyuadah mngăt ñu ăt dôk hlăm ñu.”

Bruă Phung Khua Ƀĭng Kna 9:40

Y-Pêtrôs brei jih jang mnuih kbiă ti tač. Ñu čuôn kơŭt, wah lač, leh anăn wir dlăng kơ asei mlei mnuih djiê, lač, “Ơ H'Tabitha, kgŭ bĕ.” Gơ̆ mblang ală, leh anăn tơdah gơ̆ ƀuh Y-Pêtrôs, gơ̆ kgŭ dôk.