Y-Mathiơ 9:2 - Klei Aê Diê Blŭ 2015

² Leh anăn nĕ anei, arăng kkung ba kơ Ñu sa čô êkei êwiên dôk đih ti jhưng pĭt. Tơdah Yêsu ƀuh klei đăo phung anăn, Ñu lač kơ êkei êwiên, “Ơ dam, mơak bĕ ih, kyuadah klei soh ih pap brei leh.”

Y-Mathiơ 9:2 Iomraidhean Croise

Khua Pô Mtô 9:7

Nao huă ƀơ̆ng bĕ hŏng klei mơak, leh anăn mnăm kpiê ih hŏng ai tiê hơ̆k, kyuadah Aê Diê tŭ leh klei ih ngă.

Y-Êsai 44:22

Kâo lăm leh klei diih gao klei bhiăn msĕ si knam jŭ, leh anăn klei soh diih msĕ si knam kpal. Lŏ wĭt bĕ kơ Kâo, kyuadah Kâo bi tui diih leh.

Y-Mathiơ 14:27

Ƀiădah Yêsu blŭ kơ digơ̆ mtam, lač, “Dôk êđăp ênang bĕ! Kâo gơ̆ yơh, đăm huĭ ôh!”

Y-Mathiơ 4:24

Snăn arăng hmư̆ hing kơ Ñu tar ƀar čar Siri. Digơ̆ atăt ba kơ Ñu jih phung mnuih ruă duam, mâo klei ruă mdê mdê, đa đa mâo yang jhat dôk hlăm digơ̆, phung mâo klei ruă kñhăk asei mlei, leh anăn phung êwiên. Ñu bi hlao digơ̆ jih.

Y-Mathiơ 6:12

Pap brei kơ klei soh hmei, msĕ si hmei pap brei mơh kơ mnuih bi msoh kơ hmei leh.

Y-Mathiơ 8:10

Tơdah Yêsu hmư̆ khua kahan anăn, Ñu bi kngăr leh anăn lač kơ phung tui hlue Ñu, “Sĭt nik Kâo lač kơ diih, wăt hlăm čar Israel Kâo ka tuôm ƀuh ôh mnuih mâo klei đăo prŏng msĕ snăn.

Y-Mathiơ 8:16

Tlam anăn diñu atăt ba kơ Yêsu lu mnuih mâo yang jhat dôk hlăm digơ̆. Ñu suôt phung yang jhat anăn hŏng sa boh blŭ, leh anăn bi hlao jih jang phung ruă duam.

Y-Mathiơ 9:22

Yêsu wir dlăng kơ gơ̆ leh anăn lač, “Mơak bĕ ih, Ơ bŭ; klei ih đăo bi hlao ih leh.” Leh anăn mông anăn mtam mniê anăn hlao.

Y-Mathiơ 9:5

Ya klei ênưih hĭn lač, ‘Klei soh ih pap brei leh,’ amâodah lač, ‘Kgŭ leh anăn êbat bĕ?’

Y-Mathiơ 9:6

Ƀiădah čiăng brei diih thâo kơ Anak Mnuih mâo klei dưi pap brei klei soh ti lăn ala” — Yêsu lŏ lač kơ mnuih êwiên — “Kgŭ mă jhưng pĭt ih leh anăn wĭt kơ sang.”

Y-Markôs 1:32

Tlam anăn ti yang hruê lĕ, arăng atăt ba kơ Yêsu jih jang phung ruă duam leh anăn phung mâo yang jhat dôk hlăm digơ̆.

Y-Markôs 10:49

Yêsu dôk hĕ leh anăn lač, “Iêô gơ̆.” Diñu iêô mnuih bum ală anăn, leh anăn lač kơ gơ̆, “Mơak bĕ ih, kgŭ bĕ, Ñu iêô ih.”

Y-Markôs 5:34

Yêsu lač kơ gơ̆, “Ơ bŭ, klei ih đăo bi mtlaih ih leh. Nao bĕ êđăp ênang leh anăn hlao bĕ klei ruă ih.”

Y-Markôs 6:50

kyuadah jih jang digơ̆ ƀuh Ñu leh anăn huĭ snăk. Ƀiădah Yêsu blŭ kơ digơ̆ mtam, lač, “Dôk êđăp ênang bĕ! Kâo gơ̆ yơh. Đăm huĭ ôh!”

Y-Yôhan 16:33

Kâo lač leh klei anei kơ diih, čiăng kơ diih dưi mâo klei êđăp ênang hlăm Kâo. Hlăm lăn ala diih srăng mâo klei knap mñai; ƀiădah dôk kjăp bĕ, Kâo dưi leh hŏng lăn ala.”

Y-Yôhan 2:25

leh anăn amâo yuôm ôh arăng hưn bi êdah ai tiê mnuih, kyuadah Ñu pô thâo leh si ai tiê mnuih jing.

Y-Yôhan 21:5

Yêsu lač kơ diñu, “Ơ phung hđeh, diih amâo mâo mnơ̆ng ƀơ̆ng hĕ?” Diñu lŏ wĭt lač kơ Yêsu, “Hơăi.”

Bruă Phung Khua Ƀĭng Kna 14:9

Ñu dôk hmư̆ Y-Pôl mtô. Y-Pôl dlăng kơ ñu amâo kƀreh ală, leh anăn thâo ñu mâo klei đăo dưi bi hlao ñu.

Bruă Phung Khua Ƀĭng Kna 19:12

tơl arăng ba dưm ti dlông mnuih ruă čhiăm điêt leh anăn čhiăm kdrŭn ao Y-Pôl yua leh, klei ruă duam digơ̆ hlao, leh anăn yang jhat kbiă đuĕ mơ̆ng digơ̆.

Bruă Phung Khua Ƀĭng Kna 23:11

Mlam êdei Khua Yang dôk dơ̆ng giăm Y-Pôl leh anăn lač, “Đăm êdu ai ôh, kyuadah msĕ si ih hưn bi sĭt kơ Kâo ti ƀuôn Yêrusalem, snăn ih srăng hưn bi sĭt ti ƀuôn Rôm msĕ mơh.”

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

Y-Yakơ 2:18

Ƀiădah arăng srăng lač, “Ih mâo klei đăo, leh anăn kâo mâo bruă bi êdah.” Anei klei kâo lač, “Bi êdah bĕ kơ kâo klei ih đăo amâo mâo bruă, leh anăn kâo srăng bi êdah kơ ih klei kâo đăo hlăm bruă kâo ngă.”