Y-Mathiơ 9:17 - Klei Aê Diê Blŭ 2015

¹⁷ Kăn arăng trô lei kpiê mrâo hlăm kdô klĭt sô; tơdah trô snăn, kdô srăng kblač leh anăn kpiê srăng hŏk, leh anăn kdô srăng rai; ƀiădah arăng trô kpiê mrâo hlăm kdô mrâo, leh anăn arăng dưi pioh jih dua bi jăk.”

Y-Mathiơ 9:17 Iomraidhean Croise

Y-Yôp 32:19

Nĕ anei, ai tiê kâo jing msĕ si kpiê amâo mâo ƀăng kbiă ôh; msĕ si giêt klĭt mrâo, păt čiăng kblač.

Klei Mmuñ Hđăp 119:83

Kyuadah kâo jing msĕ si kdô klĭt ti săp pui, kâo amâo wơr bĭt ôh klei bhiăn Ih.

Y-Mathiơ 9:16

Amâo mâo pô ôh jhĭt sa kdrêč čhiăm mrâo ti sa blah čhiăm sô, kyuadah čhiăm mrâo srăng bi tĭ čhiăm sô, leh anăn ƀăng tĭ srăng jing kjham hĭn.

Y-Mathiơ 9:18

Êjai Ñu dôk blŭ kơ digơ̆, mâo sa čô khua hriê buôn ti anăp Ñu leh anăn lač, “Anak mniê kâo mrâo djiê. Ƀiădah hriê bĕ, ênă kngan Ih kơ gơ̆, leh anăn gơ̆ srăng hdĭp.”

Y-Markôs 2:22

Leh anăn amâo mâo ôh pô trô kpiê mrâo hlăm kdô klĭt sô; tơdah ngă snăn kpiê srăng kblač kdô klĭt sô, leh anăn kpiê luč wăt kdô klĭt rai mơh. Arăng trô kpiê mrâo hlăm kdô klĭt mrâo.”

Y-Luk 5:37

Leh anăn arăng amâo dưm ôh kpiê mrâo hlăm kdô klĭt sô; tơdah ngă snăn kpiê mrâo srăng bi kblač kdô klĭt sô anăn, kpiê srăng hŏk jih, leh anăn kdô srăng rai mơh.

Y-Luk 5:38

Ƀiădah arăng dưm kpiê mrâo hlăm kdô klĭt mrâo.

Y-Yôsuê 9:4

diñu ngă hŏng klei mnêč: nao djă ba mnơ̆ng pioh ƀơ̆ng huă, mă kdô tĭ siap ti rŏng aseh dliê diñu, leh anăn mă giêt klĭt pioh kpiê tĭ kơhiêk leh anăn lŏ jhĭt leh,