Y-Mathiơ 9:16 - Klei Aê Diê Blŭ 2015

¹⁶ Amâo mâo pô ôh jhĭt sa kdrêč čhiăm mrâo ti sa blah čhiăm sô, kyuadah čhiăm mrâo srăng bi tĭ čhiăm sô, leh anăn ƀăng tĭ srăng jing kjham hĭn.

Y-Mathiơ 9:16 Iomraidhean Croise

Klei Mphŭn Dơ̆ng 33:14

Akâo kơ khua kâo nao êlâo kơ dĭng buăl ih, leh anăn kâo srăng nao êmưt, tui si mnơ̆ng rông dưi, leh anăn tui si phung anak dưi, tơl kâo truh kơ khua kâo ti čar Sêir.”

Klei Mmuñ Hđăp 125:3

Kyuadah giê mtao klei ƀai amâo srăng dôk kiă ôh ngăn dưn phung kpă ênô, huĭdah phung kpă ênô yơr kngan diñu ngă klei wê.

Y-Êsai 40:11

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Y-Mathiơ 9:15

Yêsu lač kơ diñu, “Dưi mơ̆ phung arăng jak kơ klei huă mnăm bi kuôl ung mô̆ kơŭ kyăm êjai êkei dôk mô̆ dôk mbĭt hŏng diñu? Hruê srăng truh tơdah arăng mă êkei dôk mô̆ mơ̆ng diñu, hlăk anăn diñu srăng kăm ƀơ̆ng huă.

Y-Mathiơ 9:17

Kăn arăng trô lei kpiê mrâo hlăm kdô klĭt sô; tơdah trô snăn, kdô srăng kblač leh anăn kpiê srăng hŏk, leh anăn kdô srăng rai; ƀiădah arăng trô kpiê mrâo hlăm kdô mrâo, leh anăn arăng dưi pioh jih dua bi jăk.”

Y-Markôs 2:21

Amâo mâo pô jhĭt čhiăm mrâo hŏng čhiăm sô ôh. Tơdah ngă snăn čhiăm mrâo srăng bi tĭ hĕ čhiăm sô, leh anăn anôk tĭ srăng kjham hĭn.

Y-Luk 5:36

Yêsu blŭ msĕ mơh klei bi hriêng kơ diñu, “Arăng amâo hiêk ôh sa kdrêč čhiăm mơ̆ng ao mrâo čiăng jhĭt mtuôp hŏng ao sô; tơdah ngă snăn ñu bi tĭ čhiăm mrâo, leh anăn kdrêč čhiăm mrâo ñu mă amâo bi guôp ôh hŏng čhiăm sô.

Y-Yôhan 16:12

Kâo ăt mâo lu klei čiăng lač kơ diih, ƀiădah diih amâo dưi thâo săng ôh ară anei.

I Kôrantô 13:13

Ară anei tlâo klei ăt dôk: klei đăo, klei čang hmăng, leh anăn klei khăp; ƀiădah hlăm tlâo klei anei klei khăp jing prŏng hĭn.

II Kôrantô 9:12

Kyuadah bruă diih ngă anei amâo djŏ knŏng bi djăp klei kƀah phung doh jăk ôh, ƀiădah msĕ mơh srăng bi truh klei bi mni kơ Aê Diê lu êbeh.