Y-Mathiơ 9:12 - Klei Aê Diê Blŭ 2015

¹² Ƀiădah tơdah Yêsu hmư̆ klei anăn, Ñu lač kơ digơ̆, “Amâo djŏ phung suaih asei mlei ôh čiăng kơ aê êa drao, ƀiădah phung ruă duam.

Y-Mathiơ 9:12 Iomraidhean Croise

Klei Mmuñ Hđăp 147:3

Ñu bi hlao phung mâo ai tiê mčah, leh anăn Ñu păn anôk êka digơ̆.

Klei Mmuñ Hđăp 41:4

Kâo lač leh, “Ơ Yêhôwa, pap mñai kơ kâo đa; bi hlao mngăt kâo, kyuadah kâo ngă soh leh hŏng Ih.”

Klei Mmuñ Hđăp 6:2

Pap mñai kơ kâo, Ơ Yêhôwa, kyuadah kâo jing awăt; Ơ Yêhôwa, bi hlao kâo kyuadah klang kâo ruă.

Y-Yêrêmi 17:14

Bi hlao bĕ kâo, Ơ Yêhôwa, leh anăn kâo srăng hlao; bi mtlaih bĕ kâo, leh anăn kâo srăng tlaih; kyuadah Ih jing pô kâo bi mni.

Y-Yêrêmi 30:17

Kyuadah Kâo srăng bi hlao ih, leh anăn anôk êka ih Kâo srăng bi hlao hĕ,’ Yêhôwa lač, ‘kyuadah diñu pia kơ ih pô arăng hwiê hĕ ti tač: “Jing ƀuôn Siôn yơh, amâo mâo pô uêñ kơ gơ̆ ôh!”’

Y-Yêrêmi 33:6

Ƀiădah nĕ anei, Kâo srăng bi truh klei suaih asei mlei leh anăn klei bi hlao, Kâo srăng bi hlao leh anăn bi êdah kơ diñu klei čăt đĭ êbeh dlai leh anăn klei hơĭt mđao.

Y-Yêrêmi 8:22

Si ngă amâo mâo ôh hĕ êa drao hlăm čar Galaat? Amâo mâo ôh hĕ aê êa drao tinăn? Snăn si ngă anak mniê phung ƀuôn sang kâo amâo mâo klei bi hlao ôh?

Y-Ôsê 14:4

“Kâo srăng bi hlao klei diñu lui wir, Kâo srăng khăp kơ diñu êbeh dlai, kyuadah klei Kâo ngêñ wir đuĕ leh mơ̆ng diñu.

Y-Mathiơ 18:11

Kyuadah Anak Mnuih hriê čiăng bi mtlaih hlei pô luč leh.]

Y-Markôs 2:17

Tơdah Yêsu hmư̆ klei anăn, Ñu lač kơ diñu, “Amâo djŏ phung suaih asei mlei ôh čiăng kơ aê êa drao, ƀiădah phung ruă duam. Amâo djŏ Kâo hriê iêô phung kpă ôh, ƀiădah phung soh.”

Y-Luk 5:31

Yêsu lŏ wĭt lač kơ digơ̆, “Amâo djŏ phung suaih asei mlei ôh čiăng kơ aê êa drao, ƀiădah phung ruă duam.

Y-Luk 8:43

Mâo sa čô mniê kluh êrah êjai pluh dua thŭn leh. Gơ̆ bi liê leh jih ngăn dŏ gơ̆ mưn phung aê êa drao, ƀiădah amâo mâo sa čô dưi bi hlao gơ̆ ôh.

Y-Luk 9:11

Tơdah phung lu thâo klei anăn, digơ̆ tui hlue Ñu. Yêsu jum digơ̆ leh anăn blŭ kơ digơ̆ klei ƀuôn ala mtao Aê Diê, leh anăn bi hlao phung ruă duam.

Kôlôs 4:14

Aê êa drao Y-Luk pô drei khăp leh anăn Y-Dêmas mơĭt klei čhưn kơ diih.