Y-Mathiơ 9:11 - Klei Aê Diê Blŭ 2015

¹¹ Tơdah phung Pharisi ƀuh klei anăn, digơ̆ lač kơ phung ƀĭng kna Yêsu, “Si ngă khua diih huă ƀơ̆ng mbĭt hŏng phung rĭng jia leh anăn hŏng phung soh lĕ?”

Y-Mathiơ 9:11 Iomraidhean Croise

Y-Êsai 65:5

Diñu lač, ‘Ñĕ bĕ ih, đăm hriê giăm kâo ôh, kyuadah kâo jing doh jăk hĭn kơ ih.’ Phung anăn jing msĕ si săp pui hlăm ƀăng adŭng Kâo, msĕ si pui dôk trơ̆ng jih hruê.

Y-Mathiơ 11:19

Anak Mnuih hriê leh ƀơ̆ng huă mnăm, leh anăn diñu lač, ‘Nĕ anei, sa čô ră ƀơ̆ng leh anăn ră mnăm, mah jiăng hŏng phung rĭng jia leh anăn phung soh.’ Ƀiădah arăng yap kpă klei thâo mĭn ti bruă ñu ngă.”

Y-Mathiơ 5:46

Kyuadah tơdah diih khăp kơ phung khăp kơ diih, ya klei mưn diih mâo mơ̆ng Aê Diê? Amâo djŏ hĕ phung rĭng jia ngă msĕ snăn?

Y-Mathiơ 9:10

Êjai Yêsu dôk huă ƀơ̆ng hlăm sang Y-Mathiơ, mâo lu phung rĭng jia leh anăn phung soh hriê dôk huă ƀơ̆ng mbĭt hŏng Yêsu leh anăn phung ƀĭng kna Ñu.

Y-Markôs 2:16

Tơdah phung khua čih hră hlăm phung Pharisi ƀuh Ñu dôk huă ƀơ̆ng mbĭt hŏng phung soh leh anăn phung rĭng jia, diñu lač kơ phung ƀĭng kna Yêsu, “Si ngă Ñu dôk huă ƀơ̆ng mbĭt hŏng phung rĭng jia leh anăn phung soh lĕ?”

Y-Luk 19:7

Tơdah phung lu ƀuh klei anăn, jih jang blŭ dŭñ dŭñ, lač, “Ñu nao mŭt jing tue hlăm sang sa čô mnuih soh.”

Y-Luk 5:30

Phung Pharisi leh anăn phung khua čih hră blŭ dŭñ dŭñ hŏng phung ƀĭng kna Yêsu, lač, “Si ngă diih dôk huă ƀơ̆ng leh anăn mnăm mbĭt hŏng phung rĭng jia leh anăn phung soh?”

Bruă Phung Khua Ƀĭng Kna 11:3

lač, “Ih nao leh kơ phung mnuih amâo khăt klĭt leh anăn huă ƀơ̆ng mbĭt hŏng diñu.”

Galati 2:15

Bi hmei, hmei jing phung Yuđa mơ̆ng amĭ kkiêng, leh anăn amâo djŏ jing phung tue soh ôh.

Hêbrơ 5:2

Ñu thâo pap kơ phung mluk leh anăn kơ phung klah đuĕ, kyuadah ñu pô bŏ hŏng klei awăt msĕ mơh.

II Y-Yôhan 1:10

Tơdah arăng truh kơ diih leh anăn amâo ba ôh klei mtô anei, đăm jum ñu mŭt hlăm sang diih amâodah kkuh čhưn kơ ñu ôh.