Y-Mathiơ 8:9 - Klei Aê Diê Blŭ 2015

⁹ Kyuadah kâo pô msĕ mơh dôk ti gŭ arăng, leh anăn mâo lu phung kahan dôk ti gŭ kâo. Kâo mtă kơ sa čô anei, ‘Nao bĕ,’ leh anăn gơ̆ nao; leh anăn kơ sa čô mkăn, ‘Hriê bĕ,’ leh anăn gơ̆ hriê; leh anăn kơ hlŭn kâo, ‘Ngă snei,’ leh anăn gơ̆ ngă.”

Y-Mathiơ 8:9 Iomraidhean Croise

Klei Mmuñ Hđăp 119:91

Tui si klei Ih čuăn diñu ăt dôk truh ti hruê anei, kyuadah jih jang mnơ̆ng jing dĭng buăl Ih sơăi.

Klei Mmuñ Hđăp 148:8

pui leh anăn boh tâo pliêr, êa pliêr leh anăn knam, angĭn êbŭ bi sĭt klei Ñu mtă;

Y-Mathiơ 8:10

Tơdah Yêsu hmư̆ khua kahan anăn, Ñu bi kngăr leh anăn lač kơ phung tui hlue Ñu, “Sĭt nik Kâo lač kơ diih, wăt hlăm čar Israel Kâo ka tuôm ƀuh ôh mnuih mâo klei đăo prŏng msĕ snăn.

Y-Mathiơ 8:8

Ƀiădah khua kahan anăn lŏ wĭt lač kơ Yêsu, “Ơ Khua Yang, kâo amâo năng ôh jum Ih mŭt hlăm sang kâo; ƀiădah knŏng brei Ih mtă, leh anăn dĭng buăl kâo srăng hlao.

Y-Markôs 1:27

Jih jang diñu bi kngăr, leh anăn bi êmuh hdơ̆ng diñu lač, “Ya klei anei lĕ? Sa klei mtô mrâo mơ̆? Ñu mtă hŏng klei kơhưm wăt kơ phung yang čhŏ, leh anăn diñu gưt mơh.”

Y-Luk 4:39

Yêsu dôk dơ̆ng giăm gơ̆, suôt klei êngoh leh anăn klei êngoh đuĕ mơ̆ng gơ̆. Gơ̆ kgŭ mtam leh anăn mă bruă đru diñu.

Y-Luk 7:8

Kyuadah kâo msĕ mơh jing sa čô dôk ti gŭ klei dưi arăng, leh anăn mâo phung kahan dôk ti gŭ klei dưi kâo. Kâo lač kơ sa čô, ‘Nao bĕ,’ leh anăn ñu nao; kơ sa čô mkăn, ‘Hriê bĕ,’ leh anăn ñu hriê; leh anăn kơ dĭng buăl kâo, ‘Ngă snei,’ leh anăn ñu ngă yơh.”

Y-Luk 9:1

Yêsu iêô bi kƀĭn phung pluh dua čô ƀĭng kna, brei kơ digơ̆ klei myang leh anăn klei dưi hŏng jih jang yang jhat, leh anăn klei dưi bi hlao klei ruă duam.

Kôlôs 3:22

Ơ phung hlŭn, gưt bĕ kơ phung khua diih ti lăn ala hlăm jih jang klei, amâo djŏ knŏng ti anăp ală diñu ôh msĕ si čiăng bi mơak kơ diñu, ƀiădah hŏng ai tiê sĭt suôr, hŏng klei huĭ mpŭ kơ Khua Yang.

Y-Tit 2:9

Mtă kơ phung hlŭn đup gưt kơ khua diñu, bi mơak kơ phung khua hlăm djăp mta klei; amâo blŭ bi kdơ̆ng ôh,