Y-Mathiơ 8:8 - Klei Aê Diê Blŭ 2015

⁸ Ƀiădah khua kahan anăn lŏ wĭt lač kơ Yêsu, “Ơ Khua Yang, kâo amâo năng ôh jum Ih mŭt hlăm sang kâo; ƀiădah knŏng brei Ih mtă, leh anăn dĭng buăl kâo srăng hlao.

Y-Mathiơ 8:8 Iomraidhean Croise

Klei Mphŭn Dơ̆ng 32:10

Kâo amâo năng ôh kơ klei điêt hĭn hlăm jih klei jăk leh anăn jih klei sĭt suôr Ih bi êdah leh kơ dĭng buăl Ih; kyuadah kâo găn leh êa krông Yurdan anei knŏng hŏng giê kâo, leh anăn ară anei kâo jing dua phung.

Klei Mmuñ Hđăp 10:17

Ơ Yêhôwa, Ih hmư̆ klei phung luă gŭ čiăng; Ih srăng bi kjăp ai tiê diñu, Ih srăng mđing knga kơ diñu

Klei Mmuñ Hđăp 107:20

Ñu mơĭt klei Ñu blŭ, leh anăn bi hlao diñu, leh anăn bi mtlaih diñu mơ̆ng msat.

Klei Mmuñ Hđăp 33:9

Kyuadah Ñu blŭ, snăn mâo mnơ̆ng; Ñu mtă, snăn gơ̆ jing kjăp.

Klei Yap 20:8

“Mă bĕ giê leh anăn bi kƀĭn bĕ phung ƀuôn sang, ih leh anăn Y-Arôn ayŏng ih, leh anăn blŭ kơ boh tâo ti anăp ală diñu čiăng gơ̆ ƀlĕ êa; snăn ih srăng bi kbiă êa kơ diñu mơ̆ng boh tâo; ih srăng brei phung bi kƀĭn leh anăn hlô mnơ̆ng diñu rông mnăm.”

Y-Mathiơ 3:11

Kâo ngă ƀaptem kơ diih hŏng êa kyua klei diih kmhal leh kơ klei soh, ƀiădah Pô hriê êdei kơ kâo jing myang hĭn kơ kâo, leh anăn kâo amâo năng ôh djă klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Mathiơ 3:14

Y-Yôhan hngah leh anăn lač, “Tui si djŏ Ih yơh ngă ƀaptem kơ kâo. Ƀiădah si ngă Ih hriê kơ kâo lĕ?”

Y-Mathiơ 8:3

Yêsu yơr kngan, ruêh ñu, leh anăn lač, “Kâo čiăng mơh, jing doh bĕ!” Bhiâo riâo rit phŭng ñu doh mtam.

Y-Mathiơ 8:7

Yêsu lač kơ gơ̆, “Kâo srăng nao bi hlao ñu.”

Y-Mathiơ 8:9

Kyuadah kâo pô msĕ mơh dôk ti gŭ arăng, leh anăn mâo lu phung kahan dôk ti gŭ kâo. Kâo mtă kơ sa čô anei, ‘Nao bĕ,’ leh anăn gơ̆ nao; leh anăn kơ sa čô mkăn, ‘Hriê bĕ,’ leh anăn gơ̆ hriê; leh anăn kơ hlŭn kâo, ‘Ngă snei,’ leh anăn gơ̆ ngă.”

Y-Luk 15:19

Kâo amâo lŏ jing năng ôh ih pia kơ kâo anak ih. Yap bĕ kâo msĕ si sa čô hlăm phung dĭng buăl ih mưn.” ’

Y-Luk 15:21

Leh anăn anak êkei gơ̆ lač kơ gơ̆, ‘Ơ ama, kâo ngă soh leh hŏng adiê leh anăn ti anăp ih. Kâo amâo lŏ jing năng ôh ih pia kơ kâo anak ih.’

Y-Luk 5:8

Tơdah Y-Simôn Pêtrôs ƀuh klei anăn, ñu buôn ti jơ̆ng Yêsu leh anăn lač, “Ơ Khua Yang, đuĕ bĕ mơ̆ng kâo, kyuadah kâo jing sa čô mnuih soh.”

Y-Yôhan 1:27

Pô anăn hriê êdei kơ kâo. Kâo amâo năng kleh klei klĭt juă Ñu ôh.”