Y-Mathiơ 8:4 - Klei Aê Diê Blŭ 2015

⁴ Leh anăn Yêsu lač kơ ñu, “Răng bĕ, đăm yăl dliê klei anei kơ arăng ôh, ƀiădah nao bi êdah bĕ ih pô kơ khua ngă yang leh anăn myơr mnơ̆ng tui si Y-Môis mtă leh, čiăng bi sĭt klei anei ti anăp phung ƀuôn sang.”

Y-Mathiơ 8:4 Iomraidhean Croise

Y-Êsai 42:21

Kyua klei kpă ênô Ñu pô, Yêhôwa mơak čiăng bi lar leh anăn bi guh kơang klei bhiăn Ñu.

Bruă Lêwi 13:49

tơdah klei ruă bi êdah jing mtah amâodah hrah hlăm čhiăm, thâodah ti mrai ênơ̆ng amâodah mrai hdră, amâodah ti sa pŏk klĭt amâodah ti mnơ̆ng ngă hŏng klĭt, anăn jing klei ruă djŏ phŭng, leh anăn arăng srăng bi êdah kơ khua ngă yang.

Y-Mathiơ 10:18

Arăng srăng đoh ba diih ti anăp phung khua čar leh anăn ti anăp phung mtao kyua Kâo, čiăng kơ diih jing phung hưn kơ Kâo ti anăp diñu leh anăn ti anăp phung tue.

Y-Mathiơ 16:20

Leh anăn Ñu ghă phung ƀĭng kna đăm hưn ôh kơ arăng klei Ñu jing Krist.

Y-Mathiơ 17:9

Êjai diñu trŭn mơ̆ng čư̆, Yêsu mtă kơ digơ̆, “Đăm yăl dliê kơ arăng ôh klei bi ƀuh anei tơl Anak Mnuih kbiă lŏ hdĭp leh mơ̆ng phung djiê.”

Y-Mathiơ 3:15

Yêsu lŏ wĭt lač kơ ñu, “Brei ngă snăn yơh ară anei, kyuadah ngă snăn jing djŏ kơ drei bi sĭt jih jang klei Aê Diê čiăng.” Snăn Y-Yôhan tŭ.

Y-Mathiơ 5:17

“Đăm mĭn ôh Kâo hriê bi rai klei bhiăn leh anăn klei phung khua pô hưn êlâo čih. Kâo hriê amâo djŏ čiăng bi rai ôh, ƀiădah čiăng bi sĭt.

Y-Mathiơ 6:1

“Răng bĕ, đăm ngă ôh klei kpă diih ti anăp mnuih čiăng kơ diñu ƀuh diih; kyuadah tơdah diih ngă snăn diih amâo srăng mâo klei mưn ôh mơ̆ng Ama diih hlăm adiê.

Y-Mathiơ 9:30

Leh anăn ală digơ̆ ƀuh mngač. Yêsu mtă ktang kơ digơ̆, “Đăm brei arăng thâo ôh klei anei.”

Y-Markôs 13:9

Răng bĕ kơ diih pô, kyuadah arăng srăng jao diih kơ phung khua phat kđi, leh anăn arăng srăng čăm diih hlăm sang bi kƀĭn. Diih srăng dôk ti anăp phung khua čar leh anăn phung mtao kyua Kâo, čiăng jing phung hưn ti anăp diñu.

Y-Markôs 3:12

Yêsu ghă diñu ktang đăm brei arăng thâo Ñu ôh.

Y-Markôs 5:43

Yêsu mtă kơ diñu ktang đăm brei arăng thâo klei anăn ôh, leh anăn mtă brei mnơ̆ng ƀơ̆ng huă kơ mniê điêt anăn.

Y-Markôs 6:11

Leh anăn tơdah mâo anôk arăng amâo jum kăn hmư̆ diih rei, tơdah diih kbiă mơ̆ng anôk anăn, ktuh hĕ ƀruih lăn mơ̆ng jơ̆ng diih čiăng jing klei hưn bi kdơ̆ng hŏng diñu.”

Y-Markôs 7:36

Yêsu mtă kơ phung anăn đăm yăl dliê kơ arăng ôh, ƀiădah ktang Yêsu ghă, ktang hĭn mơh diñu yăl dliê klei anăn.

Y-Markôs 8:30

Leh anăn Yêsu mtă ktang tĭt kơ digơ̆ đăm hưn kơ arăng ôh hlei Ñu jing.

Y-Markôs 9:9

Êjai diñu trŭn mơ̆ng čư̆, Yêsu mtă kơ digơ̆ đăm yăl dliê kơ arăng ôh klei digơ̆ ƀuh leh tơl Anak Mnuih kbiă lŏ hdĭp leh mơ̆ng phung djiê.

Y-Luk 17:14

Tơdah Yêsu ƀuh digơ̆, Ñu lač, “Nao bi êdah bĕ diih pô kơ phung khua ngă yang.” Leh anăn êjai digơ̆ nao, digơ̆ mâo klei bi doh.

Y-Luk 21:13

Mông anăn srăng jing mông kơ diih hưn klei diih đăo.

Y-Luk 4:41

Wăt phung yang jhat mơh kbiă mơ̆ng lu mnuih êjai ur, “Ih jing Anak Aê Diê!” Ƀiădah Yêsu ƀuah phung yang jhat, leh anăn amâo brei diñu blŭ ôh, kyuadah diñu thâo kơ Gơ̆ jing Krist.

Y-Luk 5:14

Leh anăn Yêsu mtă kơ gơ̆ đăm yăl dliê kơ arăng ôh, ƀiădah “Nao bi êdah ih pô kơ khua ngă yang leh anăn myơr mnơ̆ng kơ klei bi doh ih tui si Y-Môis mtă leh, jing klei bi sĭt kơ phung ƀuôn sang.”

Y-Luk 8:56

Amĭ ama gơ̆ bi kngăr; ƀiădah Yêsu mtă kơ diñu đăm hưn kơ arăng ôh ya klei truh leh.

Y-Luk 9:21

Yêsu ghă leh anăn mtă kơ digơ̆ đăm hưn klei anăn kơ arăng ôh,

Y-Yôhan 5:41

Kâo amâo mă tŭ ôh klei guh kơang mơ̆ng phung mnuih.

Y-Yôhan 7:18

Hlei pô blŭ tui si klei dưi ñu pô duah klei guh kơang kơ ñu pô; ƀiădah hlei pô duah klei guh kơang kơ Pô tiŏ hriê ñu jing sĭt, leh anăn hlăm ñu amâo mâo klei wê ôh.

Y-Yôhan 8:50

Kâo amâo duah klei guh kơang kơ Kâo pô ôh. Mâo sa čô duah klei anăn, leh anăn phat kđi.