Y-Mathiơ 8:34 - Klei Aê Diê Blŭ 2015

³⁴ Snăn, jih jang mnuih ƀuôn sang kbiă nao bi tuôm hŏng Yêsu. Tơdah ƀuh Ñu leh, digơ̆ kwưh kơ Yêsu đuĕ mơ̆ng krĭng digơ̆.

Y-Mathiơ 8:34 Iomraidhean Croise

I Bruă Mtao 17:18

Mniê anăn lač kơ Y-Êli, “Ya klei ih mâo hŏng kâo, Ơ mnuih Aê Diê? Ih hriê leh kơ kâo čiăng bi hdơr kơ klei soh kâo, leh anăn bi mdjiê hĕ anak êkei kâo!”

I Bruă Mtao 18:17

Tơdah Y-Ahap ƀuh Y-Êli, ñu lač kơ Y-Êli, “Ih hĕ, pô bi rŭng phung Israel?”

Y-Yôp 21:14

Diñu lač kơ Aê Diê, ‘Đuĕ bĕ mơ̆ng hmei! Hmei amâo čiăng thâo kơ êlan Ih ôh.

Y-Yôp 22:17

Diñu lač kơ Aê Diê, ‘Đuĕ bĕ mơ̆ng hmei,’ leh anăn ‘Ya Pô Mâo Jih Klei Myang dưi ngă kơ hmei?’

Y-Amôs 7:12

Leh anăn Y-Amasia lač kơ Y-Amôs, “Ơ mnuih thâo bi ƀuh, đuĕ nao bĕ kơ čar Yuđa; ƀơ̆ng kpŭng tinăn leh anăn hưn êlâo tinăn.

Y-Mathiơ 8:29

Digơ̆ ur kraih, “Ya klei Ih mâo hŏng hmei, Ơ Anak Aê Diê? Ih hriê tinei čiăng bi knap hmei êlâo hruê bi kčah mơ̆?”

Y-Luk 5:8

Tơdah Y-Simôn Pêtrôs ƀuh klei anăn, ñu buôn ti jơ̆ng Yêsu leh anăn lač, “Ơ Khua Yang, đuĕ bĕ mơ̆ng kâo, kyuadah kâo jing sa čô mnuih soh.”

Y-Luk 8:28

Tơdah gơ̆ ƀuh Yêsu, gơ̆ ur, klăm ti anăp Yêsu, leh anăn lač hŏng asăp kraih, “Ya klei Ih mâo hŏng kâo, Ơ Yêsu, Anak Aê Diê Pô Ti Dlông Hĭn? Kâo kwưh kơ Ih, đăm bi knap kâo ôh.”

Bruă Phung Khua Ƀĭng Kna 16:39

Snăn phung khua prŏng nao akâo klei pap brei. Diñu pŏk digơ̆, leh anăn akâo kơ digơ̆ đuĕ mơ̆ng ƀuôn.

Klei Mtô Mñă Klei Bhiăn 5:25

Kyuanăn ară anei, ya ngă hmei lŏ djiê? Kyuadah pui prŏng anei srăng ƀơ̆ng hmei; tơdah hmei lŏ hmư̆ asăp Yêhôwa Aê Diê hmei, hmei srăng djiê yơh.

I Y-Samuel 16:4

Y-Samuel ngă tui si Yêhôwa mtă leh, leh anăn nao kơ ƀuôn Betlêhem. Phung khua mduôn ƀuôn anăn nao bi tuôm hŏng ñu hŏng klei ktư̆ yơ̆ng leh anăn lač, “Ih hriê hŏng klei êđăp ênang mơ̆?”