Y-Mathiơ 8:3 - Klei Aê Diê Blŭ 2015

³ Yêsu yơr kngan, ruêh ñu, leh anăn lač, “Kâo čiăng mơh, jing doh bĕ!” Bhiâo riâo rit phŭng ñu doh mtam.

Y-Mathiơ 8:3 Iomraidhean Croise

Klei Mphŭn Dơ̆ng 1:3

Aê Diê lač, “Brei mâo klei mngač”; snăn mâo klei mngač mtam.

II Bruă Mtao 5:11

Ƀiădah Y-Naaman ăl, leh anăn đuĕ nao, lač, “Nĕ anei kâo mĭndah sĭt nik ñu srăng kbiă bi tuôm hŏng kâo, dôk dơ̆ng, leh anăn iêô anăn Yêhôwa Aê Diê ñu, yơr hdai kngan ñu ti dlông anôk djŏ phŭng leh anăn bi hlao phŭng.

II Bruă Mtao 5:14

Snăn ñu trŭn nao leh anăn ñŭ kjuh blư̆ hlăm êa krông Yurdan tui si klei mnuih Aê Diê blŭ. Leh anăn kđeh ñu lŏ mbliư̆ jing msĕ si kđeh sa čô hđeh điêt, leh anăn ñu jing doh.

Klei Mmuñ Hđăp 33:9

Kyuadah Ñu blŭ, snăn mâo mnơ̆ng; Ñu mtă, snăn gơ̆ jing kjăp.

Klei Kbiă 4:7

Yêhôwa lač, “Lŏ dưm kngan ih hlăm lam ao ti đah da ih.” Snăn ñu lŏ dưm kngan ñu hlăm lam ao ti đah da ñu; leh anăn tơdah ñu lŏ suê̆ gơ̆ mơ̆ng anăn, nĕ anei gơ̆ lŏ jing msĕ si kđeh ñu pô.

Y-Mathiơ 12:13

Leh anăn Ñu lač kơ êkei anăn, “Yơr bĕ kngan ih.” Gơ̆ yơr yơh, leh anăn kngan gơ̆ hlao jing jăk msĕ si kngan mkăn.

Y-Markôs 1:41

Yêsu mâo klei pap, yơr kngan ruêh gơ̆, leh anăn lač kơ gơ̆, “Kâo čiăng mơh, jing doh bĕ.”

Y-Markôs 4:39

Yêsu mdih, ghă angĭn leh anăn lač kơ êa ksĭ, “Dôk êđăp ênang bĕ!” Snăn angĭn mdei, leh anăn mâo klei êngăn êdi yơh.

Y-Markôs 5:41

Yêsu mă ti kngan gơ̆ leh anăn lač kơ gơ̆, “Talitha kum,” čiăng lač “Mniê điêt ơi, Kâo lač kơ ih, kgŭ bĕ.”

Y-Markôs 7:34

êjai Ñu angưi ală phă adiê, Ñu ksuh êwa leh anăn lač kơ gơ̆, “Êphatha,” čiăng lač “Ha bĕ.”

Y-Markôs 9:25

Tơdah Yêsu ƀuh phung lu êran hriê, Ñu ƀuah lač kơ yang čhŏ anăn, “Ơ yang kmlô leh anăn kngăl, Kâo mtă kơ ih kbiă bĕ mơ̆ng hđeh anei, leh anăn đăm lŏ mŭt hlăm gơ̆ ôh.”

Y-Luk 4:27

Leh anăn mâo lu phung djŏ phŭng hlăm čar Israel ênuk khua pô hưn êlâo Y-Êlisê; ƀiădah amâo mâo ôh sa čô hlăm phung diñu mâo klei bi doh, knŏng Y-Naman mơ̆ng čar Siri.”

Y-Luk 5:13

Yêsu yơr kngan ruêh gơ̆ leh anăn lač, “Kâo čiăng mơh, jing doh bĕ!” Mtam phŭng gơ̆ hlao.

Y-Luk 7:14

Ñu nao giăm ruêh bông, leh anăn phung kkung dôk hĕ. Ñu lač, “Ơ êkei dam, Kâo lač kơ ih, kgŭ bĕ!”

Y-Yôhan 11:43

Tơdah leh Ñu lač klei anăn, Ñu ur hŏng asăp kraih ktang, “Ơ Y-Lasar, kbiă bĕ!”

Y-Yôhan 15:24

Tơdah Kâo amâo tuôm ngă ti krah diñu bruă pô mkăn amâo tuôm ngă, diñu amâo mâo klei soh ôh. Ƀiădah ară anei diñu ƀuh, leh anăn bi êmut leh kơ Kâo wăt kơ Ama Kâo.

Y-Yôhan 5:21

Kyuadah msĕ si Ama bi kbiă lŏ hdĭp phung djiê leh anăn brei klei hdĭp kơ diñu, msĕ snăn mơh Anak brei klei hdĭp kơ hlei pô gơ̆ čiăng.