Y-Mathiơ 8:29 - Klei Aê Diê Blŭ 2015

²⁹ Digơ̆ ur kraih, “Ya klei Ih mâo hŏng hmei, Ơ Anak Aê Diê? Ih hriê tinei čiăng bi knap hmei êlâo hruê bi kčah mơ̆?”

Y-Mathiơ 8:29 Iomraidhean Croise

II Y-Samuel 16:10

Ƀiădah mtao lač, “Ya kâo mâo hŏng diih, Ơ phung anak êkei Y-Sêruia? Tơdah ñu tăm pah kyuadah Yêhôwa lač leh kơ ñu, ‘Tăm pah bĕ kơ Y-Đawit,’ snăn hlei pô srăng lač, ‘Si ih ngă snăn lĕ?’ ”

II Y-Samuel 19:22

Ƀiădah Y-Đawit lač, “Ya klei kâo mâo hŏng diih, Ơ phung anak êkei Y-Sêruia tơl diih jing hĕ hruê anei msĕ si phung roh hŏng kâo? Arăng srăng bi mdjiê mơ̆ hruê anei sa čô hlăm phung Israel? Kyuadah kâo amâo thâo hĕ hruê anei kâo jing mtao kơ phung Israel?”

I Bruă Mtao 17:18

Mniê anăn lač kơ Y-Êli, “Ya klei ih mâo hŏng kâo, Ơ mnuih Aê Diê? Ih hriê leh kơ kâo čiăng bi hdơr kơ klei soh kâo, leh anăn bi mdjiê hĕ anak êkei kâo!”

II Bruă Mtao 3:13

Y-Êlisê lač kơ mtao Israel, “Ya klei kâo mâo hŏng ih? Nao bĕ kơ phung khua pô hưn êlâo ama ih leh anăn phung khua pô hưn êlâo amĭ ih.” Ƀiădah mtao Israel lač kơ ñu, “Hơăi, Yêhôwa yơh iêô leh tlâo čô mtao anei čiăng jao digơ̆ hlăm kngan phung Môap.”

II Klei Yăl Dliê 35:21

Ƀiădah mtao Êjip tiŏ nao phung dĭng ktang kơ Y-Jôsia, lač, “Ơ mtao Yuđa, ya klei drei mâo hdơ̆ng drei? Hruê anei kâo amâo hriê bi blah hŏng ih ôh, ƀiădah bi blah hŏng găp djuê kâo dôk bi blah leh; leh anăn Aê Diê mtă leh kơ kâo brei ngă djăl. Mdei bĕ, đăm bi kdơ̆ng hŏng Aê Diê ôh, Pô dôk mbĭt hŏng kâo, huĭdah Ñu bi rai ih.”

Y-Yôel 3:4

Ya klei diih mâo hŏng Kâo, Ơ ƀuôn Tir leh anăn ƀuôn Sidôn, leh anăn jih jang krĭng čar Philistin? Diih čiăng rŭ ênua kơ Kâo mơ̆? Tơdah diih rŭ ênua kơ Kâo, Kâo srăng bi wĭt klei diih ngă ti dlông boh kŏ diih pô djăl mtam.

Y-Mathiơ 4:3

Yang mplư hriê kơ Ñu leh anăn lač, “Tơdah ih jing Anak Aê Diê, mtă bĕ kơ boh tâo anei brei jing klŏ kpŭng.”

Y-Mathiơ 8:30

Kbưi ƀiă mơ̆ng anăn, mâo lu drei ŭn dôk hiu ƀơ̆ng.

Y-Markôs 1:24

leh anăn gơ̆ ur snei, “Ơ Yêsu ƀuôn Nasaret, ya klei Ih mâo hŏng hmei? Ih hriê bi rai hmei hĕ? Kâo thâo leh hlei Ih jing, Pô Doh Jăk mơ̆ng Aê Diê.”

Y-Markôs 3:11

Tơdah phung yang čhŏ ƀuh Yêsu, diñu buôn ti anăp Ñu leh anăn ur kraih, “Ih jing Anak Aê Diê.”

Y-Markôs 5:7

leh anăn gơ̆ ur kraih, lač, “Ya klei Ih mâo hŏng kâo, Ơ Yêsu, Anak Aê Diê Pô Ti Dlông Hĭn? Ƀuăn bĕ hŏng anăn Aê Diê, đăm bi knap kâo ôh.”

Y-Luk 4:34

“Hơi! Ya klei hmei mâo hŏng Ih, Ơ Yêsu ƀuôn Nasaret? Ih hriê čiăng bi rai hmei hĕ? Kâo thâo hlei Ih jing, Pô Doh Jăk mơ̆ng Aê Diê!”

Y-Luk 4:41

Wăt phung yang jhat mơh kbiă mơ̆ng lu mnuih êjai ur, “Ih jing Anak Aê Diê!” Ƀiădah Yêsu ƀuah phung yang jhat, leh anăn amâo brei diñu blŭ ôh, kyuadah diñu thâo kơ Gơ̆ jing Krist.

Y-Luk 8:28

Tơdah gơ̆ ƀuh Yêsu, gơ̆ ur, klăm ti anăp Yêsu, leh anăn lač hŏng asăp kraih, “Ya klei Ih mâo hŏng kâo, Ơ Yêsu, Anak Aê Diê Pô Ti Dlông Hĭn? Kâo kwưh kơ Ih, đăm bi knap kâo ôh.”

Y-Yôhan 2:4

Yêsu lač kơ amĭ Ñu, “Ơ amĭ, ya klei djŏ hĕ hŏng ih bruă Kâo anăn? Mông kâo ka truh ôh.”

Bruă Phung Khua Ƀĭng Kna 16:17

Ñu tui hlue Y-Pôl leh anăn hmei, ur lač, “Phung anei jing phung dĭng buăl kơ Aê Diê Pô Ti Dlông Hĭn. Diñu hưn kơ diih êlan klei bi mtlaih.”

Y-Yakơ 2:19

Ih đăo mâo knŏng sa čô Aê Diê; jăk leh. Wăt phung yang jhat đăo msĕ mơh — leh anăn diñu ktư̆ yơ̆ng.

II Y-Pêtrôs 2:4

Kyuadah tơdah Aê Diê amâo hơưi ôh kơ phung dĭng buăl jăk hlăk diñu ngă soh, ƀiădah hwiê hĕ diñu hlăm ƀăng êlam hlăm anôk mmăt, čiăng krư̆ pioh diñu tơl truh Hruê Phat Kđi;

Y-Yut 1:6

Leh anăn phung dĭng buăl jăk amâo djă pioh ôh klei diñu jing, ƀiădah lui anôk diñu pô dôk, Aê Diê pioh leh kă hŏng klei săng đai hlŏng lar hlăm anôk mmăt ti gŭ tơl truh klei phat kđi ti Hruê Prŏng;

Phung Khua Phat Kđi 11:12

Y-Jêptê tiŏ nao mnuih kơ mtao phung Amôn, lač, “Ya klei ih mâo hŏng kâo, tơl ih hriê kơ kâo čiăng bi blah hŏng čar kâo?”