Y-Mathiơ 8:26 - Klei Aê Diê Blŭ 2015

²⁶ Yêsu lač kơ digơ̆, “Si ngă diih huĭ, Ơ phung mnuih mâo klei đăo điêt?” Ñu kgŭ mtam, ghă angĭn leh anăn êa ksĭ, snăn mâo klei êngăn yơh.

Y-Mathiơ 8:26 Iomraidhean Croise

Klei Mmuñ Hđăp 65:7

Ih ghă klei êa ksĭ grêñ, brei êa poh yă amâo lŏ bi ênai ôh, leh anăn klei hao hao phung ƀuôn sang dôk kriêp.

Klei Mmuñ Hđăp 89:9

Ih kiă kriê klei mgao êa ksĭ; tơdah êa ksĭ poh yă, Ih brei diñu dôk ngơ ngĭn.

Y-Êsai 63:12

Pô bi êdah klei ktang guh kơang Ñu tĭng hnuă Y-Môis, Pô bi kah êa ti anăp digơ̆, čiăng mjing kơ Ñu pô anăn hing ang hlŏng lar,

Y-Nahum 1:4

Ñu ƀuah êa ksĭ leh anăn bi khuôt gơ̆, Ñu bi khuôt jih jang êa krông; čar Basan leh anăn čư̆ Karmel thu krô, mnga čar Liƀan dliu.

Y-Haƀakuk 3:8

Klei Ih ngêñ bi kdơ̆ng hŏng Êa krông mơ̆, Ơ Yêhôwa? Klei Ih ăl bi kdơ̆ng hŏng Êa krông mơ̆? Ih ngêñ bi kdơ̆ng hŏng Êa ksĭ mơ̆ tơdah Ih đĭ aseh Ih, hlăm êdeh aseh klei dưi Ih?

Y-Mathiơ 16:8

Yêsu thâo klei anăn leh anăn lač, “Ơ phung mâo klei đăo điêt, si ngă diih bi trông čhai kyua klei diih amâo mâo kpŭng?

Y-Mathiơ 17:20

Yêsu lač kơ diñu, “Kyuadah klei đăo diih điêt. Sĭt nik Kâo lač kơ diih, tơdah diih mâo klei đăo msĕ si sa asăr djam bei hat, diih dưi lač kơ čư̆ anei, ‘Đuĕ bĕ kơ anôk mkăn,’ gơ̆ srăng đuĕ; leh anăn amâo mâo ôh sa klei diih amâo dưi ngă. [

Y-Mathiơ 6:30

Ƀiădah tơdah Aê Diê bi hơô brei msĕ snăn kơ rơ̆k hlăm hma, hdĭp hruê anei leh anăn mgi arăng hwiê gơ̆ hlăm kpur pui, amâo djŏ hĕ kdlưn hĭn Ñu srăng bi hơô diih, Ơ phung mnuih mâo klei đăo điêt?

Y-Mathiơ 8:27

Phung anăn bi kngăr, lač, “Hlei mnuih anei jing tơl wăt angĭn leh anăn êa ksĭ gưt kơ Ñu mơh?”

Y-Luk 4:35

Ƀiădah Yêsu ƀuah yang jhat anăn, lač, “Dôk ñăt leh anăn kbiă bĕ mơ̆ng mnuih anei!” Leh yang jhat bi êbuh gơ̆ ti krah mnuih bi kƀĭn, yang jhat kbiă mơ̆ng gơ̆, amâo ngă sa mta klei jhat kơ gơ̆ ôh.

Hră Y-Pôl Mơĭt kơ Phung Rôm 4:20

Ñu amâo đing ôh kơ klei Aê Diê ƀuăn, ƀiădah ñu jing ktang hĭn hlăm klei đăo leh anăn mpŭ mni kơ Aê Diê.

Klei Bi Êdah 10:2

Ñu djă hlăm kngan ñu sa pŏk hdruôm hră klĭt điêt pŏk leh. Ñu juă jơ̆ng hnuă ñu ti êa ksĭ, leh anăn jơ̆ng điâo ñu ti lăn.