Y-Mathiơ 8:25 - Klei Aê Diê Blŭ 2015

²⁵ Phung ƀĭng kna nao êrâo Ñu, lač, “Ơ Khua Yang, bi mtlaih hmei bĕ; drei srăng djiê yơh!”

Y-Mathiơ 8:25 Iomraidhean Croise

II Klei Yăl Dliê 14:11

Y-Asa ur kwưh kơ Yêhôwa Aê Diê ñu, “Ơ Yêhôwa, amâo mâo Pô msĕ si Ih dưi đru ti krah phung ktang hŏng phung awăt. Đru hmei đa, Ơ Yêhôwa Aê Diê hmei, kyuadah hmei knang kơ Ih, leh anăn hlăm anăn Ih hmei hriê bi kdơ̆ng hŏng phung lu anei. Ơ Yêhôwa, Ih jing Aê Diê hmei; đăm brei mnuih dưi hŏng Ih ôh.”

II Klei Yăl Dliê 20:12

Ơ Aê Diê hmei, amâo djŏ hĕ Ih srăng phat kđi diñu? Kyuadah hmei amâo mâo klei ktang ôh bi blah hŏng phung lu lĭn anei hriê ngă kơ hmei. Hmei amâo thâo ôh ya srăng ngă, ƀiădah ală hmei dôk dlăng kơ Ih.”

Klei Mmuñ Hđăp 10:1

Ơ Yêhôwa, si ngă Ih dôk kbưi? Si ngă Ih mdăp êjai mâo klei knap mñai?

Y-Yôna 1:6

Snăn khua kŭmpăn nao kơ ñu leh anăn lač, “Ya ih ngă, Ơ pô dôk pĭt? Kgŭ bĕ ih, iêô yang ih! Năng ai yang anăn srăng mĭn kơ drei đa čiăng kơ drei amâo srăng rai ôh.”

Y-Mathiơ 8:2

Nĕ anei, mâo sa čô mnuih djŏ phŭng nao kơ Ñu, buôn ti anăp Ñu, leh anăn lač, “Ơ Khua Yang, tơdah Ih čiăng, Ih dưi bi doh kâo.”

Y-Mathiơ 8:24

Nĕ anei, mâo angĭn êbŭ ti êa ksĭ tơl êa poh yă čiăng bi kngăm čhŏng. Ƀiădah Yêsu dôk pĭt.

Y-Mathiơ 9:18

Êjai Ñu dôk blŭ kơ digơ̆, mâo sa čô khua hriê buôn ti anăp Ñu leh anăn lač, “Anak mniê kâo mrâo djiê. Ƀiădah hriê bĕ, ênă kngan Ih kơ gơ̆, leh anăn gơ̆ srăng hdĭp.”

Y-Luk 8:24

Diñu nao êrâo Yêsu, lač, “Ơ Nai, Ơ Nai, drei djiê yơh!” Yêsu mdih, ghă angĭn leh anăn êa poh yă. Snăn angĭn wăt êa poh yă mdei leh anăn mâo klei êngăn êđăp ênang yơh.