Y-Mathiơ 8:20 - Klei Aê Diê Blŭ 2015

²⁰ Yêsu lač kơ gơ̆, “Phung mja mâo ƀăng, phung čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

Y-Mathiơ 8:20 Iomraidhean Croise

Klei Mmuñ Hđăp 104:12

Čĭm hlăm adiê ngă hruh ktuê hang ñu, leh anăn dôk mñê hlăm adhan kyâo.

Klei Mmuñ Hđăp 104:17

Tinăn čĭm ngă hruh diñu; čĭm jhưng mâo anôk gơ̆ hlăm ana hngô.

Klei Mmuñ Hđăp 109:22

Kyuadah kâo knap mñai leh anăn ƀun ƀin, ai tiê kâo êka leh hlăm lam.

Klei Mmuñ Hđăp 40:17

Kâo jing ƀun ƀin leh anăn knap; brei Khua Yang mĭn kơ kâo. Ih jing Pô đru kâo leh anăn Pô bi êngiê kâo; Ơ Aê Diê kâo, đăm lŏ bi krư̆i ôh.

Klei Mmuñ Hđăp 69:29

Ƀiădah kâo knap mñai leh anăn ruă snăk; Ơ Aê Diê, brei klei bi mtlaih Ih rŭ kâo.

Klei Mmuñ Hđăp 84:3

Wăt čĭm hrai mâo sang dôk, leh anăn čĭm iăt mâo hruh kơ êđai ñu, giăm knưl ngă yang Ih, Ơ Yêhôwa kơ phung kahan, Mtao kâo, leh anăn Aê Diê kâo.

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Mathiơ 12:32

Leh anăn hlei pô blŭ bi kdơ̆ng hŏng Anak Mnuih dưi mâo klei pap brei; ƀiădah hlei pô blŭ bi kdơ̆ng hŏng Yang Mngăt Jăk, amâo dưi mâo klei pap brei ñu ôh, thâodah hlăm ênuk anei amâodah hlăm ênuk êdei srăng truh.”

Y-Mathiơ 12:40

Kyuadah msĕ si Y-Yôna dôk hlăm tian kan prŏng tlâo hruê tlâo mlam, msĕ snăn mơh Anak Mnuih srăng dôk hlăm lăn êlam tlâo hruê tlâo mlam.

Y-Mathiơ 12:8

Kyuadah Anak Mnuih jing khua yang kơ hruê sabat.”.

Y-Mathiơ 13:37

Ñu lŏ wĭt lač, “Pô rah mjeh jăk jing Anak Mnuih,

Y-Mathiơ 16:13

Tơdah Yêsu truh ti krĭng Sêsarê-Philip, Ñu êmuh kơ phung ƀĭng kna Ñu, “Hlei Anak Mnuih jing tui si arăng lač?”

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Y-Mathiơ 17:9

Êjai diñu trŭn mơ̆ng čư̆, Yêsu mtă kơ digơ̆, “Đăm yăl dliê kơ arăng ôh klei bi ƀuh anei tơl Anak Mnuih kbiă lŏ hdĭp leh mơ̆ng phung djiê.”

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Markôs 8:38

Kyuadah hlei pô hêñ kơ Kâo leh anăn kơ klei Kâo blŭ hlăm ênuk knhông leh anăn soh anei, msĕ mơh Anak Mnuih srăng hêñ kơ pô anăn tơdah Ñu hriê hlăm klei guh kơang Ama Ñu mbĭt hŏng phung dĭng buăl doh jăk.”

Y-Luk 12:8

“Kâo lač kơ diih, grăp čô hlei pô hưn kơ ñu đăo kơ Kâo ti anăp mnuih, msĕ mơh Anak Mnuih srăng hưn kơ Ñu tŭ pô anăn ti anăp phung dĭng buăl jăk Aê Diê.

Y-Luk 18:8

Kâo hưn kơ diih, Ñu srăng mkra brei bi kpă kđi kơ digơ̆ djăl. Ƀiădah tơdah Anak Mnuih hriê, Ñu srăng ƀuh klei đăo ti lăn ala mơ̆?”

Y-Luk 2:12

Leh anăn anei srăng jing klei bi knăl kơ diih: diih srăng ƀuh sa čô hđeh điêt hruôm hŏng čhiăm dôk đih hlăm kniêm rơ̆k čiêm êmô biăp.”

Y-Luk 2:16

Diñu nao hŏng klei ruăt, ƀuh H'Mari, Y-Yôsep leh anăn anak điêt dôk đih hlăm kniêm rơ̆k čiêm êmô biăp.

Y-Luk 2:7

Ñu kkiêng kơ sa čô anak êkei tal êlâo hĭn. Ñu hruôm gơ̆ hŏng čhiăm leh anăn bi mđih gơ̆ hlăm kniêm rơ̆k čiêm êmô biăp, kyuadah amâo mâo ôh anôk kơ diñu hlăm sang jưh.

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Y-Luk 8:3

H'Yôana mô̆ Y-Kusa, dĭng buăl kiă kriê sang Hêrôt, H'Susana, leh anăn lu phung mkăn; phung mniê anăn yua dŏ dô diñu čiăng đru Yêsu leh anăn phung ƀĭng kna Ñu.

Y-Luk 9:58

Yêsu lač kơ gơ̆, “Mja mâo ƀăng, čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

Y-Yôhan 1:51

Leh anăn Yêsu lač kơ gơ̆, “Kâo lač kơ diih klei sĭt nik, diih srăng ƀuh adiê pŏk mdah, leh anăn phung dĭng buăl jăk Aê Diê đĭ leh anăn trŭn ti Anak Mnuih.”

Y-Yôhan 12:34

Phung lu lŏ wĭt lač kơ Ñu, “Hmei hriăm leh hlăm klei bhiăn kơ Yang Krist dôk nanao hlŏng lar. Si Ih dưi lač arăng srăng yơr Anak Mnuih ti dlông lĕ? Hlei Anak Mnuih anăn?”

Y-Yôhan 13:31

Leh Y-Yuđas kbiă đuĕ, Yêsu lač, “Ară anei Anak Mnuih mâo klei guh kơang, leh anăn hlăm Ñu Aê Diê mâo klei guh kơang.

Y-Yôhan 3:13

Amâo mâo sa čô tuôm đĭ nao kơ adiê ôh, ƀiădah knŏng Pô trŭn leh mơ̆ng adiê, jing Anak Mnuih.

Y-Yôhan 3:14

Msĕ si Y-Môis yơr ala kông ti dlông hlăm kdrăn tač, msĕ snăn mơh arăng srăng yơr Anak Mnuih ti dlông,

Y-Yôhan 6:27

Đăm mă bruă ôh kơ mnơ̆ng ƀơ̆ng huă thâo rai, ƀiădah kơ mnơ̆ng ƀơ̆ng huă ăt dôk tơl truh kơ klei hdĭp hlŏng lar. Mnơ̆ng ƀơ̆ng huă anăn Anak Mnuih srăng brei kơ diih; kyuadah Ñu yơh Aê Diê Ama kđăm bi sĭt Gơ̆ tŭ Ñu leh.”

Y-Yôhan 6:53

Snăn Yêsu lač kơ digơ̆, “Kâo lač kơ diih klei sĭt nik, tơdah diih amâo ƀơ̆ng kđeh Anak Mnuih leh anăn mnăm êrah Ñu, diih amâo mâo klei hdĭp hlăm diih ôh.

Y-Yôhan 6:62

Ya diih mĭn tơdah diih srăng ƀuh Anak Mnuih đĭ nao kơ anôk Ñu dôk êlâo?

Bruă Phung Khua Ƀĭng Kna 7:56

Leh anăn Y-Êtiên lač, “Nĕ anei, kâo ƀuh adiê pŏk mdah leh anăn Anak Mnuih dôk dơ̆ng tĭng hnuă kơ Aê Diê.”

II Kôrantô 8:9

Kyuadah diih thâo leh klei pap Khua Yang drei Yêsu Krist: wăt tơdah Ñu jing mdrŏng, ăt Ñu bi ƀun Ñu pô kyua diih, čiăng kơ hŏng klei Ñu ƀun ƀin, diih dưi jing mdrŏng.