Y-Mathiơ 8:2 - Klei Aê Diê Blŭ 2015

² Nĕ anei, mâo sa čô mnuih djŏ phŭng nao kơ Ñu, buôn ti anăp Ñu, leh anăn lač, “Ơ Khua Yang, tơdah Ih čiăng, Ih dưi bi doh kâo.”

Y-Mathiơ 8:2 Iomraidhean Croise

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

II Bruă Mtao 15:5

Yêhôwa čăm mtao, snăn ñu jing hĕ mnuih djŏ phŭng truh kơ hruê ñu djiê, leh anăn ñu dôk hlăm sang mdê. Y-Jôtham anak êkei mtao kiă kriê phung hlăm sang, kiă kriê phung ƀuôn sang hlăm čar.

II Bruă Mtao 5:1

Y-Naaman, khua kơ phung kahan mtao Siri, jing sa čô mnuih hing ang mbĭt hŏng khua ñu, leh anăn khua ñu khăp snăk, kyuadah hŏng ñu yơh Yêhôwa brei klei dưi kơ phung Siri. Ñu jing sa čô êkei jhŏng ktang, ƀiădah ñu djŏ phŭng.

II Bruă Mtao 5:27

Kyuanăn phŭng Y-Naaman srăng djŏ kơ ih leh anăn kơ phung anak čô ih hlŏng lar.” Snăn Y-Gêhasi kbiă mơ̆ng anăp ñu djŏ phŭng, kô̆ msĕ si pliêr.

Klei Yap 12:10

Tơdah knam đĭ đuĕ mơ̆ng sang čhiăm, nĕ anei H'Miriam djŏ phŭng, jing kô̆ msĕ si pliêr. Y-Arôn wir dlăng phă H'Miriam leh anăn nĕ anei, gơ̆ djŏ phŭng leh.

Y-Mathiơ 10:8

Brei diih bi hlao phung ruă duam, lŏ bi hdĭp phung djiê, bi doh phung djŏ phŭng, leh anăn suôt phung yang jhat. Diih mă tŭ leh hơăi mang, brei bĕ kơ arăng hơăi mang msĕ mơh.

Y-Mathiơ 13:58

Leh anăn Ñu amâo ngă ôh lu bruă myang tinăn, kyuadah diñu amâo đăo ôh.

Y-Mathiơ 14:33

Phung dôk hlăm čhŏng buôn kkuh kơ Ñu, lač, “Sĭt nik, Ih jing Anak Aê Diê.”

Y-Mathiơ 15:25

Ƀiădah gơ̆ hriê čuôn kơŭt ti anăp Ñu, lač, “Ơ Khua Yang, đru Kâo đa.”

Y-Mathiơ 18:26

Dĭng buăl anăn čuôn kơŭt kwưh kơ ñu, ‘Ơ khua, gĭr hŏng kâo đa, leh anăn kâo srăng tla jih nư ih.’

Y-Mathiơ 2:11

Digơ̆ mŭt hlăm sang leh anăn ƀuh hđeh điêt mbĭt hŏng amĭ Ñu, H'Mari. Digơ̆ buôn kkuh kơ hđeh điêt anăn. Leh anăn digơ̆ pŏk ngăn drăp digơ̆, leh anăn myơr kơ hđeh điêt anăn mah, mnơ̆ng ƀâo mngưi, leh anăn êa drao phĭ ƀâo mngưi.

Y-Mathiơ 20:20

Hlăk anăn amĭ phung anak êkei Y-Sêbêdê nao kơ Yêsu mbĭt hŏng phung anak êkei gơ̆. Mniê anăn čuôn kơŭt ti anăp Yêsu čiăng akâo sa klei.

Y-Mathiơ 26:6

Hlăk Yêsu dôk ti ƀuôn Ƀêthani hlăm sang Y-Simôn pô djŏ phŭng,

Y-Mathiơ 28:17

Tơdah diñu ƀuh Yêsu diñu buôn kkuh kơ Gơ̆; ƀiădah đa đa mâo klei đing.

Y-Mathiơ 28:9

Nĕ anei, Yêsu bi tuôm hŏng phung mniê anăn leh anăn lač, “Kkuh kơ diih!” Diñu nao giăm djă jơ̆ng Gơ̆ leh anăn buôn kkuh kơ Gơ̆.

Y-Mathiơ 4:9

leh anăn yang jhat lač kơ Ñu, “Kâo srăng brei kơ ih jih jang mnơ̆ng anei tơdah ih buôn leh anăn kkuh mpŭ kơ kâo.”

Y-Mathiơ 8:1

Tơdah Yêsu trŭn mơ̆ng čư̆, mâo lu mnuih tui hlue Ñu.

Y-Mathiơ 8:25

Phung ƀĭng kna nao êrâo Ñu, lač, “Ơ Khua Yang, bi mtlaih hmei bĕ; drei srăng djiê yơh!”

Y-Mathiơ 9:18

Êjai Ñu dôk blŭ kơ digơ̆, mâo sa čô khua hriê buôn ti anăp Ñu leh anăn lač, “Anak mniê kâo mrâo djiê. Ƀiădah hriê bĕ, ênă kngan Ih kơ gơ̆, leh anăn gơ̆ srăng hdĭp.”

Y-Luk 4:27

Leh anăn mâo lu phung djŏ phŭng hlăm čar Israel ênuk khua pô hưn êlâo Y-Êlisê; ƀiădah amâo mâo ôh sa čô hlăm phung diñu mâo klei bi doh, knŏng Y-Naman mơ̆ng čar Siri.”

Y-Yôhan 9:38

Gơ̆ lač, “Ơ Khua Yang, kâo đăo yơh.” Leh anăn gơ̆ buôn kkuh ti anăp Yêsu.

Bruă Phung Khua Ƀĭng Kna 10:14

Ƀiădah Y-Pêtrôs lač, “Hơăi, Ơ Khua Yang; kyuadah kâo amâo tuôm ƀơ̆ng ôh mnơ̆ng čhŏ tui si klei bhiăn amâodah amâo doh.”

Bruă Phung Khua Ƀĭng Kna 10:25

Tơdah Y-Pêtrôs mŭt, Y-Kornei drông ñu leh anăn buôn ti jơ̆ng kkuh mpŭ kơ ñu.

I Kôrantô 14:25

klei hgăm hlăm ai tiê ñu srăng bi êdah, snăn ñu srăng kŭp ƀô̆ ti lăn, kkuh mpŭ kơ Aê Diê, leh anăn hưn Aê Diê dôk ti krah diih sĭt nik.

Klei Bi Êdah 19:10

Kâo buôn ti jơ̆ng ñu čiăng kkuh mpŭ kơ ñu, ƀiădah ñu lač kơ kâo, “Đăm ngă snăn ôh! Kâo jing dĭng buăl mă bruă mbĭt hŏng ih leh anăn hŏng phung ayŏng adei ih djă pioh klei Yêsu hưn. Kkuh mpŭ bĕ kơ Aê Diê.” Kyuadah klei Yêsu hưn jing mngăt klei hưn êlâo.