Y-Mathiơ 8:16 - Klei Aê Diê Blŭ 2015

¹⁶ Tlam anăn diñu atăt ba kơ Yêsu lu mnuih mâo yang jhat dôk hlăm digơ̆. Ñu suôt phung yang jhat anăn hŏng sa boh blŭ, leh anăn bi hlao jih jang phung ruă duam.

Y-Mathiơ 8:16 Iomraidhean Croise

Klei Kbiă 15:26

Ñu lač, “Tơdah ih dôk hmư̆ bi nik kơ asăp Yêhôwa, Aê Diê ih, leh anăn ngă klei djŏ ti anăp ală Kâo, tơdah ih mđing knga kơ klei Kâo mtă leh anăn gưt jih jang klei bhiăn Kâo, kâo amâo srăng bi truh kơ ih ôh sa mta klei ruă Kâo ngă leh kơ phung Êjip; kyuadah Kâo jing Yêhôwa, Pô bi hlao ih.”

Y-Mathiơ 12:22

Hlăk anăn arăng atăt ba kơ Yêsu sa čô êkei yang jhat ngă, bum ală leh anăn kmlô. Yêsu bi hlao gơ̆; snăn êkei anăn thâo blŭ leh anăn ƀuh.

Y-Mathiơ 14:14

Êjai Yêsu kbiă đĭ nao kơ hang, Ñu ƀuh lu lĭn mnuih. Ñu mâo klei pap kơ digơ̆ leh anăn bi hlao phung digơ̆ ruă duam.

Y-Mathiơ 8:15

Yêsu ruêh ti kngan gơ̆, leh anăn gơ̆ hlao êngoh. Gơ̆ kgŭ leh anăn mă bruă đru Ñu.

Y-Mathiơ 8:33

Phung mgăt ŭn êran đuĕ mŭt hlăm ƀuôn leh anăn hưn jih klei truh leh kơ phung ŭn wăt kơ phung dua čô yang jhat ngă anăn.

Y-Mathiơ 9:2

Leh anăn nĕ anei, arăng kkung ba kơ Ñu sa čô êkei êwiên dôk đih ti jhưng pĭt. Tơdah Yêsu ƀuh klei đăo phung anăn, Ñu lač kơ êkei êwiên, “Ơ dam, mơak bĕ ih, kyuadah klei soh ih pap brei leh.”

Y-Markôs 2:3

Mâo đa đa mnuih hriê mbĭt hŏng pă čô êkei kkung ba sa čô êwiên kơ Ñu.

Y-Markôs 5:8

Kyuadah Yêsu lač leh kơ gơ̆, “Ơ yang čhŏ, kbiă bĕ mơ̆ng mnuih anei.”

Y-Markôs 9:25

Tơdah Yêsu ƀuh phung lu êran hriê, Ñu ƀuah lač kơ yang čhŏ anăn, “Ơ yang kmlô leh anăn kngăl, Kâo mtă kơ ih kbiă bĕ mơ̆ng hđeh anei, leh anăn đăm lŏ mŭt hlăm gơ̆ ôh.”

Y-Luk 13:12

Tơdah Yêsu ƀuh gơ̆, Ñu iêô leh anăn lač kơ gơ̆, “Ơ mniê, ih tlaih leh mơ̆ng klei ruă ih.”

Y-Luk 4:40

Tơdah yang hruê lĕ leh, jih jang phung mâo mnuih mâo klei ruă mdê mdê atăt ba digơ̆ kơ Yêsu. Ñu bă kngan ti grăp čô leh anăn bi hlao digơ̆.

Y-Luk 4:41

Wăt phung yang jhat mơh kbiă mơ̆ng lu mnuih êjai ur, “Ih jing Anak Aê Diê!” Ƀiădah Yêsu ƀuah phung yang jhat, leh anăn amâo brei diñu blŭ ôh, kyuadah diñu thâo kơ Gơ̆ jing Krist.

Bruă Phung Khua Ƀĭng Kna 5:15

Tơl arăng kkung ba phung ruă, dưm ti êlan dơ̆ng, brei digơ̆ dôk đih ti jhưng pĭt amâodah añuê buk, čiăng kơ tơdah Y-Pêtrôs găn tinăn, êyui ñu dưi guôm đa đa digơ̆.