Y-Mathiơ 8:10 - Klei Aê Diê Blŭ 2015

¹⁰ Tơdah Yêsu hmư̆ khua kahan anăn, Ñu bi kngăr leh anăn lač kơ phung tui hlue Ñu, “Sĭt nik Kâo lač kơ diih, wăt hlăm čar Israel Kâo ka tuôm ƀuh ôh mnuih mâo klei đăo prŏng msĕ snăn.

Y-Mathiơ 8:10 Iomraidhean Croise

Klei Mphŭn Dơ̆ng 43:33

Diñu dôk gŭ ti anăp Y-Yôsep djŏ pruê̆ tui si thŭn diñu, pô kkiêng êlâo tui si klei bhiăn ñu jing ayŏng khua, leh anăn adei tui si ñu mda hĭn. Diñu dlăng bi kngăr hdơ̆ng diñu pô.

Y-Mathiơ 15:28

Leh anăn Yêsu lŏ wĭt lač kơ gơ̆, “Ơ mniê, klei đăo ih prŏng snăk! Brei klei anăn truh tui si klei ih čiăng.” Leh anăn mông anăn mơh anak mniê gơ̆ hlao mtam.

Y-Mathiơ 8:11

Kâo hưn kơ diih, mâo lu mnuih srăng hriê mơ̆ng ngŏ mơ̆ng yŭ leh anăn dôk gŭ kơ klei huă mnăm mbĭt hŏng Y-Abraham, Y-Isăk, leh anăn Y-Yakôp hlăm ƀuôn ala mtao adiê,

Y-Mathiơ 8:9

Kyuadah kâo pô msĕ mơh dôk ti gŭ arăng, leh anăn mâo lu phung kahan dôk ti gŭ kâo. Kâo mtă kơ sa čô anei, ‘Nao bĕ,’ leh anăn gơ̆ nao; leh anăn kơ sa čô mkăn, ‘Hriê bĕ,’ leh anăn gơ̆ hriê; leh anăn kơ hlŭn kâo, ‘Ngă snei,’ leh anăn gơ̆ ngă.”

Y-Markôs 6:6

Leh anăn Yêsu bi kngăr kyuadah phung lu anăn amâo đăo ôh. Leh anăn Yêsu hiu mtô hlăm ƀuôn krĭng anăn.

Y-Luk 5:20

Tơdah Yêsu ƀuh klei đăo digơ̆, Ñu lač, “Ơ dam, klei soh ih mâo klei pap brei leh.”

Y-Luk 7:50

Yêsu lač kơ mniê anăn, “Klei ih đăo bi mtlaih ih leh. Nao bĕ êđăp ênang.”

Y-Luk 7:9

Tơdah Yêsu hmư̆ klei anăn, Ñu bi kngăr kơ khua kahan anăn, leh anăn wir dlăng leh anăn lač kơ phung lu tui hlue Ñu, “Kâo hưn kơ diih, wăt hlăm čar Israel Kâo amâo tuôm ƀuh ôh klei đăo prŏng msĕ snăn.”

Bruă Phung Khua Ƀĭng Kna 2:7

Diñu bi kngăr leh anăn amâo thâo săng, snăn diñu lač, “Amâo djŏ hĕ jih jang phung dôk blŭ anăn jing phung Galilê?