Y-Mathiơ 7:6 - Klei Aê Diê Blŭ 2015

⁶ Đăm brei mnơ̆ng doh jăk kơ asâo ôh; leh anăn đăm hwiê añŭ diih ti anăp ŭn ôh, huĭdah diñu juă hĕ mnơ̆ng anăn leh anăn wir kĕ diih.”

Y-Mathiơ 7:6 Iomraidhean Croise

Klei Bi Hriêng 11:22

Msĕ si sa boh kông mah ti adŭng ŭn, msĕ snăn mơh mniê siam amâo mâo klei thâo mĭn ôh.

Klei Bi Hriêng 23:9

Đăm blŭ ôh kơ knga mnuih mluk, kyuadah ñu srăng bi êmut kơ klei thâo mĭn klei ih blŭ.

Klei Bi Hriêng 26:11

Sa čô mnuih mluk lŏ ngă klei mluk jing msĕ si sa drei asâo lŏ wĭt ƀơ̆ng mnơ̆ng ñu ô̆ leh.

Klei Bi Hriêng 26:4

Đăm lŏ wĭt lač kơ mnuih mluk tui si klei mluk ñu ôh, huĭdah ih pô jing hĕ msĕ si ñu.

Y-Mathiơ 15:26

Ñu lŏ wĭt lač, “Amâo jăk ôh mă kpŭng phung anak leh anăn hwiê kơ asâo.”

Y-Mathiơ 24:10

Hlăk anăn lu mnuih srăng lui wir, bi lhiăr, leh anăn bi êmut hdơ̆ng găp.

Y-Mathiơ 7:5

Ơ mnuih ai ngăm, mă hĕ êda mơ̆ng ală ih êlâo, leh anăn ih srăng ƀuh mngač dưi mă ƀruih mơ̆ng ală ayŏng adei ih.

II Kôrantô 11:26

Hlăm lu klei kâo hiu, kâo tuôm hŏng klei hyưt ti êa krông, mơ̆ng phung knĕ, mơ̆ng phung ƀuôn sang kâo pô, mơ̆ng phung tue, hlăm ƀuôn prŏng, hlăm kdrăn tač, ti êa ksĭ, mơ̆ng phung ayŏng adei soh.

Philip 3:2

Răng bĕ kơ phung mă bruă jhat, phung kâo pia asâo, phung mgưt khăt klĭt.

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

Hêbrơ 6:6

tơdah diñu lĕ, amâo dưi lŏ atăt diñu kơ klei kmhal ôh, kyuadah kơ diñu pô, diñu lŏ pơ̆ng ti kyâo bi kal Anak Aê Diê, leh anăn brei arăng mưč kơ gơ̆.

II Y-Pêtrôs 2:22

Truh leh kơ diñu tui si klei bi hriêng sĭt nik, Asâo lŏ wir ƀơ̆ng mnơ̆ng ñu ô̆ leh, leh anăn ŭn ana leh arăng rao lŏ wĭt ênham hlăm lŭ čhông.

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.