Y-Mathiơ 7:29 - Klei Aê Diê Blŭ 2015

²⁹ kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Mathiơ 7:29 Iomraidhean Croise

Khua Pô Mtô 8:4

Kyuadah klei mtao blŭ mâo kơhưm, hlei dưi lač kơ ñu, “Ya ih ngă?”

Y-Êsai 50:4

Khua Yang Yêhôwa brei leh kơ kâo êlah phung hriăm leh, čiăng kơ hŏng klei kâo blŭ kâo dưi krơ̆ng pô êmăn. Grăp aguah Ñu pŏk knga kâo čiăng kơ kâo dôk hmư̆ msĕ si pô hriăm.

Y-Mika 3:8

Ƀiădah bi kơ kâo, kâo bŏ hŏng klei myang, bŏ hŏng Mngăt Yang Yêhôwa, leh anăn hŏng klei djŏ leh anăn klei ktang, čiăng hưn kơ phung Yakôp klei diñu gao klei bhiăn, leh anăn kơ phung Israel klei soh diñu.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Mathiơ 5:20

Kyuadah Kâo lač kơ diih, tơdah klei kpă ênô diih amâo jing kdlưn hĭn kơ klei kpă ênô phung khua čih hră leh anăn phung Pharisi, diih amâo srăng mŭt hlăm ƀuôn ala mtao adiê ôh.”

Y-Mathiơ 5:28

Ƀiădah Kâo lač kơ diih, hlei pô dlăng kơ mniê hŏng klei ƀô čiăng ngă soh, tlĕ piu leh hŏng mniê anăn hlăm ai tiê ñu.

Y-Mathiơ 5:32

Ƀiădah Kâo lač kơ diih, grăp čô hlei pô lui mô̆ ñu amâo djŏ kyua mô̆ ñu jing knhông ôh, ñu mjing gơ̆ sa čô mniê tlĕ piu; leh anăn hlei pô mă dôk sa čô mniê arăng lui leh jing mnuih tlĕ piu msĕ mơh.”

Y-Mathiơ 5:44

Ƀiădah Kâo lač kơ diih, khăp bĕ kơ phung roh diih, leh anăn wah lač brei kơ phung ngă jhat kơ diih,

Y-Mathiơ 7:28

Tơdah leh Yêsu ruê̆ blŭ klei anăn, phung lu bi kngăr kơ klei Ñu mtô,

Y-Mathiơ 8:1

Tơdah Yêsu trŭn mơ̆ng čư̆, mâo lu mnuih tui hlue Ñu.

Y-Luk 20:8

Yêsu lač kơ digơ̆, “Kăn Kâo srăng hưn kơ diih rei hŏng ya klei dưi Kâo ngă klei anei.”

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Bruă Phung Khua Ƀĭng Kna 6:10

Ƀiădah diñu amâo dưi bi mgăl ôh hŏng klei thâo mĭn Y-Êtiên, Yang Mngăt Jăk, Pô brei gơ̆ blŭ.