Y-Mathiơ 7:28 - Klei Aê Diê Blŭ 2015

²⁸ Tơdah leh Yêsu ruê̆ blŭ klei anăn, phung lu bi kngăr kơ klei Ñu mtô,

Y-Mathiơ 7:28 Iomraidhean Croise

Klei Mmuñ Hđăp 45:2

Ih jing siam hĭn kơ phung anak êkei mnuih; ƀăng kƀông ih blŭ hŏng klei pap; kyuanăn Aê Diê hơêč hmưi klei jăk jĭn kơ ih hlŏng lar.

Y-Mathiơ 11:1

Tơdah Yêsu ruê̆ leh bi hriăm pluh dua čô ƀĭng kna Ñu, Ñu đuĕ mơ̆ng anăn čiăng bi hriăm leh anăn mtô hlăm jih jang ƀuôn digơ̆.

Y-Mathiơ 19:1

Tơdah Yêsu ruê̆ leh blŭ klei anei, Ñu đuĕ mơ̆ng čar Galilê mŭt krĭng čar Yuđa hang nah dih êa krông Yurdan.

Y-Mathiơ 22:33

Tơdah phung lu hmư̆ klei anăn, diñu bi kngăr kơ klei Yêsu mtô.

Y-Mathiơ 26:1

Tơdah Yêsu ruê̆ leh blŭ jih klei anăn, Ñu lač kơ phung ƀĭng kna Ñu,

Y-Mathiơ 7:27

Mâo adiê hjan, êa lip, leh anăn angĭn êbŭ ktang thut ngă kơ sang anăn, sang anăn êbuh, leh anăn rai jih.”

Y-Mathiơ 7:29

kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Markôs 1:22

Phung lu bi kngăr kơ klei Ñu mtô, kyuadah Ñu mtô kơ digơ̆ msĕ si sa čô mâo kơhưm, amâo djŏ msĕ si phung khua čih hră ôh.

Y-Markôs 11:18

Phung knơ̆ng khua ngă yang leh anăn phung khua čih hră hmư̆ klei anăn leh anăn duah êlan dưi bi mdjiê Yêsu, digơ̆ huĭ kơ Yêsu, kyua jih jang phung lu bi kngăr kơ klei Ñu mtô.

Y-Markôs 6:2

Ti hruê sabat Ñu dơ̆ng mtô hlăm sang bi kƀĭn. Lu phung dôk hmư̆ Ñu bi kngăr, lač, “Mơ̆ng êkei anei mâo jih jang klei anei lĕ? Ya klei knhâo arăng brei leh kơ Ñu? Si Ñu dưi ngă bruă myang êdi!

Y-Luk 19:48

Ƀiădah diñu amâo ƀuh ôh ya klei diñu dưi ngă, kyuadah jih jang mnuih ƀuôn sang khăp hmư̆ jih klei Yêsu blŭ.

Y-Luk 2:47

Jih jang phung hmư̆ Gơ̆ bi kngăr kơ klei Gơ̆ thâo mĭn leh anăn kơ klei Gơ̆ lŏ wĭt lač.

Y-Luk 4:22

Jih jang hưn Ñu jing jăk, leh anăn bi kngăr kơ klei blŭ jăk siam kbiă mơ̆ng ƀăng êgei Ñu; leh anăn digơ̆ lač, “Amâo djŏ hĕ Ñu jing anak êkei Y-Yôsep?”

Y-Luk 4:32

Digơ̆ bi kngăr kơ klei Ñu mtô, kyuadah Ñu blŭ hŏng klei kơhưm.

Y-Luk 7:1

Leh Yêsu bi ruê̆ jih klei Ñu blŭ anăn kơ phung ƀuôn sang, Ñu mŭt hlăm ƀuôn Kapernum.

Y-Yôhan 7:15

Phung Yuđa bi kngăr kơ klei anăn, lač, “Si mnuih anei dưi mâo klei thâo lu snăn, ñu amâo tuôm hriăm ôh?”

Y-Yôhan 7:46

Phung khua kahan lŏ wĭt lač, “Amâo mâo pô tuôm blŭ msĕ si mnuih anăn ôh!”