Y-Mathiơ 7:25 - Klei Aê Diê Blŭ 2015

²⁵ Mâo adiê hjan, êa lip, leh anăn angĭn êbŭ ktang thut ngă kơ sang anăn, ƀiădah sang anăn amâo êbuh ôh, kyuadah arăng mdơ̆ng ñu leh ti dlông boh tâo.

Y-Mathiơ 7:25 Iomraidhean Croise

Klei Bi Hriêng 10:25

Tơdah angĭn êbŭ êgao leh, amâo lŏ mâo phung ƀai ôh, ƀiădah mnuih kpă ênô dôk kjăp hlŏng lar.

Y-Malaki 3:3

Ñu srăng dôk gŭ jing msĕ si pô tuh tia leh anăn pô bi doh prăk; Ñu srăng bi doh phung anak êkei Y-Lêwi leh anăn bi doh digơ̆ msĕ si mah leh anăn prăk, tơl diñu ba kơ Yêhôwa mnơ̆ng myơr hŏng klei kpă ênô.

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Mathiơ 7:24

“Snăn yơh hlei pô hmư̆ klei Kâo blŭ anei leh anăn gưt srăng jing msĕ si sa čô mnuih thâo mĭn mdơ̆ng sang ñu ti dlông boh tâo.

Y-Mathiơ 7:26

Ƀiădah hlei pô hmư̆ klei Kâo blŭ anei leh anăn amâo gưt ôh srăng jing msĕ si sa čô mnuih mluk mdơ̆ng sang ñu ti dlông lăn čuah.

Y-Mathiơ 7:27

Mâo adiê hjan, êa lip, leh anăn angĭn êbŭ ktang thut ngă kơ sang anăn, sang anăn êbuh, leh anăn rai jih.”

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

Êphêsô 3:17

leh anăn čiăng kơ Krist dưi dôk hlăm ai tiê diih hŏng klei đăo. Leh anăn kâo wah lač čiăng kơ diih mtrŭn agha leh anăn mdơ̆ng atur hlăm klei khăp,

Kôlôs 2:7

mtrŭn agha, mdơ̆ng hlăm Ñu, leh anăn dôk kjăp hlăm klei đăo, tui si klei diih hriăm leh, leh anăn hdơr bi mni kơ Aê Diê nanao.

Y-Yakơ 1:12

Jăk mơak yơh kơ mnuih gĭr tŭ klei lông dlăng, kyuadah tơdah ñu dưi leh, ñu srăng mă tŭ đuôn mtao klei hdĭp Aê Diê ƀuăn leh kơ phung khăp kơ ñu.

I Y-Pêtrôs 1:5

phung Aê Diê kiă kriê hŏng klei myang Ñu kyua klei đăo, čiăng mâo klei bi mtlaih giăm bi êdah hlăm ênuk knhal tuč.

I Y-Pêtrôs 1:7

čiăng kơ klei diih đăo sĭt nik jing yuôm hĭn kơ mah thâo rai tuč arăng lông dlăng hlăm pui, dưi mâo klei bi mni, klei guh kơang, leh anăn klei mpŭ ti hruê Yêsu Krist srăng bi êdah.

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.