Y-Mathiơ 7:24 - Klei Aê Diê Blŭ 2015

²⁴ “Snăn yơh hlei pô hmư̆ klei Kâo blŭ anei leh anăn gưt srăng jing msĕ si sa čô mnuih thâo mĭn mdơ̆ng sang ñu ti dlông boh tâo.

Y-Mathiơ 7:24 Iomraidhean Croise

Y-Yôp 28:28

Leh anăn Ñu lač kơ mnuih, ‘Nĕ anei, klei huĭ mpŭ kơ Yêhôwa jing klei knhâo; leh anăn hngah ngă klei soh jing klei thâo săng.’ ”

Klei Mmuñ Hđăp 111:10

Klei huĭ mpŭ kơ Yêhôwa jing Klei mphŭn dơ̆ng kơ klei thâo mĭn; hlei pô tui ngă klei Ñu mtă mâo klei thâo săng jăk. Klei bi mni kơ Ñu dôk hlŏng lar.

Klei Mmuñ Hđăp 119:130

Klei mblang klei Ih blŭ brei klei mngač; ñu brei klei thâo săng kơ phung hơăi mang.

Klei Mmuñ Hđăp 119:99

Kâo mâo klei thâo săng hĭn kơ jih jang phung mtô kâo, kyuadah klei Ih hưn jing mnơ̆ng kâo dôk ksiêm mĭn.

Klei Bi Hriêng 10:25

Tơdah angĭn êbŭ êgao leh, amâo lŏ mâo phung ƀai ôh, ƀiădah mnuih kpă ênô dôk kjăp hlŏng lar.

Klei Bi Hriêng 10:8

Hlei pô mâo ai tiê thâo mĭn srăng gưt klei mtă, ƀiădah pô mluk kreh blŭ srăng rai luč.

Klei Bi Hriêng 12:7

Arăng mdlưh phung ƀai leh anăn amâo lŏ mâo diñu ôh, ƀiădah sang phung kpă ênô srăng dôk kjăp.

Klei Bi Hriêng 14:8

Klei thâo mĭn mnuih thâo răng jing klei ksiêm êlan ñu, ƀiădah klei mluk phung mluk jing klei mplư.

Y-Mathiơ 12:50

Kyuadah hlei pô ngă tui si klei Ama Kâo hlăm adiê čiăng jing ayŏng adei, amai adei leh anăn amĭ Kâo.”

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Mathiơ 24:45

“Snăn hlei pô jing dĭng buăl sĭt suôr leh anăn thâo mĭn, pô khua ñu jao brei kiă kriê jih jang mnuih hlăm sang ñu, čiăng brei mnơ̆ng ƀơ̆ng huă kơ digơ̆ djŏ mông?

Y-Mathiơ 25:2

Êma čô hlăm phung diñu jing mluk, leh anăn êma čô thâo mĭn.

Y-Mathiơ 25:4

Ƀiădah phung thâo mĭn djă ba giêt bŏ hŏng êa prăi mbĭt hŏng pui kđen.

Y-Mathiơ 25:9

Ƀiădah phung thâo mĭn lŏ wĭt lač, ‘Ơ ơh, huĭdah amâo djăp ôh kơ hmei wăt kơ diih; nao bĕ kơ phung čhĭ êa prăi leh anăn blei kơ diih pô.’

Y-Mathiơ 7:25

Mâo adiê hjan, êa lip, leh anăn angĭn êbŭ ktang thut ngă kơ sang anăn, ƀiădah sang anăn amâo êbuh ôh, kyuadah arăng mdơ̆ng ñu leh ti dlông boh tâo.

Y-Mathiơ 7:26

Ƀiădah hlei pô hmư̆ klei Kâo blŭ anei leh anăn amâo gưt ôh srăng jing msĕ si sa čô mnuih mluk mdơ̆ng sang ñu ti dlông lăn čuah.

Y-Luk 11:28

Ƀiădah Yêsu lač, “Jăk mơak hĭn phung dôk hmư̆ leh anăn djă pioh gưt klei Aê Diê blŭ.”

Y-Yôhan 13:17

Tơdah diih thâo leh anăn ngă klei anăn, jăk mơak yơh kơ diih.

Y-Yôhan 14:15

“Tơdah diih khăp kơ Kâo, diih srăng djă pioh klei Kâo mtă.

Y-Yôhan 15:10

Tơdah diih djă pioh klei Kâo mtă, diih srăng dôk hlăm klei Kâo khăp, msĕ si Kâo djă pioh leh klei Ama Kâo mtă leh anăn dôk hlăm klei Ñu khăp.

Y-Yôhan 15:14

Diih jing phung mah jiăng Kâo, tơdah diih ngă klei Kâo mtă kơ diih.

Hră Y-Pôl Mơĭt kơ Phung Rôm 2:13

Kyuadah amâo djŏ ôh phung hmư̆ klei bhiăn jing kpă ti anăp Aê Diê, ƀiădah phung gưt klei bhiăn srăng mâo klei yap kpă.

I Y-Yôhan 2:3

Hŏng klei anei drei dưi thâo sĭt kơ drei thâo kral Ñu leh: tơdah drei gưt klei Ñu mtă.