Y-Mathiơ 7:22 - Klei Aê Diê Blŭ 2015

²² Hlăm hruê anăn srăng mâo lu mnuih lač kơ Kâo, ‘Ơ Khua Yang, Ơ Khua Yang, amâo djŏ hĕ hmei tuôm hưn êlâo leh hlăm anăn Ih, suôt yang jhat hlăm anăn Ih, leh anăn ngă lu bruă myang hlăm anăn Ih?’

Y-Mathiơ 7:22 Iomraidhean Croise

Y-Êsai 2:11

Ală mnuih krưh arăng srăng mdlưh leh anăn arăng srăng bi luă gŭ phung mgao. Knŏng hjăn Yêhôwa srăng mâo klei bi mđĭ hlăm hruê anăn.

Y-Êsai 2:17

Arăng srăng bi luă gŭ phung krưh, leh anăn srăng mtrŭn phung mgao. Knŏng hjăn Yêhôwa srăng mâo klei bi mđĭ hlăm hruê anăn.

Klei Yap 24:4

klei blŭ mơ̆ng pô hmư̆ leh klei Aê Diê blŭ, pô ƀuh leh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh:

Klei Yap 31:8

Diñu bi mdjiê phung mtao Madian mbĭt hŏng phung diñu bi mdjiê leh, Y-Êwi, Y-Rêkem, Y-Sur, Y-Hur, leh anăn Y-Rêba, êma čô mtao phung Madian. Diñu bi mdjiê msĕ mơh Y-Balaam anak êkei Y-Bêor hŏng đao gưm.

Y-Mathiơ 10:15

Sĭt nik Kâo lač kơ diih, ti hruê phat kđi êdei ƀuôn Sôdôm leh anăn ƀuôn Gômôrơ srăng mâo klei bi kmhal êdu hĭn kơ ƀuôn anăn.”

Y-Mathiơ 24:36

“Ƀiădah bi kơ hruê leh anăn mông anăn, amâo mâo sa čô mnuih thâo ôh, phung dĭng buăl jăk hlăm adiê amâodah Anak kăn thâo rei, knŏng hjăn Ama thâo.

Y-Mathiơ 25:11

Êdei tinăn phung mniê mluk truh mơh leh anăn lač, ‘Ơ Khua, Ơ Khua, pŏk brei ƀăng bhă kơ hmei đa.’

Y-Mathiơ 7:21

“Amâo djŏ ôh grăp čô hlei pô lač kơ Kâo, ‘Ơ Khua Yang, Ơ Khua Yang’ srăng mŭt hlăm ƀuôn ala mtao adiê, ƀiădah knŏng hlei pô ngă tui si Ama Kâo hlăm adiê čiăng.

Y-Luk 10:12

Kâo hưn kơ diih, hlăm hruê phat kđi ƀuôn Sôdôm srăng mâo klei phat kđi êdu hĭn kơ ƀuôn anăn.”

Y-Yôhan 11:51

Ñu amâo blŭ ôh klei anăn tui si klei mĭn ñu pô, ƀiădah kyua ñu jing khua ngă yang prŏng thŭn anăn, ñu hưn êlâo kơ Yêsu srăng djiê kyua jih jang găp djuê Yuđa,

I Têsalônik 5:4

Ƀiădah Ơ phung ayŏng adei, diih amâo dôk hlăm klei mmăt ôh, tơl hruê anăn bi kdjăt diih msĕ si sa čô knĕ.

II Têsalônik 1:10

hlăk Ñu srăng lŏ hriê hlăm hruê anăn, čiăng mâo klei guh kơang mơ̆ng phung doh jăk Ñu, leh anăn klei mpŭ mơ̆ng jih jang phung đăo leh, kyuadah diih đăo leh kơ klei hmei hưn kơ diih.

II Y-Timôthê 1:12

Kyua klei anăn yơh kâo tŭ klei knap anei; ƀiădah kâo amâo hêñ ôh, kyuadah kâo thâo kral hlei pô kâo đăo leh, leh anăn kâo thâo sĭt kơ Ñu mâo klei myang dưi kiă kriê tơl truh hruê anăn klei Ñu jao leh kơ kâo.

II Y-Timôthê 1:18

akâo kơ Khua Yang brei ñu dưi mâo klei pap mơ̆ng Khua Yang ti Hruê anăn — leh anăn ih thâo sĭt leh jih bruă ñu đru kâo ti ƀuôn Êphêsô.

II Y-Timôthê 4:8

Mơ̆ng anei kơ anăp mâo đuôn mtao klei kpă ênô pioh leh kơ kâo. Khua Yang, khua phat kđi kpă, srăng brei đuôn anăn kơ kâo hlăm Hruê anăn, leh anăn amâo djŏ knŏng kơ kâo ôh, ƀiădah msĕ mơh wăt kơ jih jang phung khăp leh kơ klei Ñu srăng lŏ hriê.