Y-Mathiơ 7:2 - Klei Aê Diê Blŭ 2015

² Kyuadah tui si diih phat kđi arăng, arăng srăng phat kđi diih msĕ mơh; leh anăn hnơ̆ng diih mkă kơ arăng, arăng srăng mkă kơ diih msĕ mơh.

Y-Mathiơ 7:2 Iomraidhean Croise

II Y-Samuel 21:5

Diñu lač kơ mtao, “Êkei bi luč hmei leh anăn mĭn bi rai hmei čiăng kơ hmei amâo mâo anôk ôh hlăm tar ƀar čar Israel,

Klei Mmuñ Hđăp 109:17

Ñu khăp tăm pah, snăn brei klei tăm pah lĕ kơ ñu; ñu amâo khăp hơêč hmưi klei jăk jĭn ôh, snăn brei klei jăk jĭn đuĕ kbưi mơ̆ng ñu.

Klei Kbiă 21:24

ală kơ ală, êgei kơ êgei, kngan kơ kngan, jơ̆ng kơ jơ̆ng,

Y-Êsai 33:1

Knap mñai yơh kơ ih, Ơ pô bi rai, êjai arăng amâo bi rai ih ôh, Ơ pô lhiăr, êjai arăng amâo lhiăr kơ ih ôh! Tơdah ih mdei leh klei bi rai, arăng srăng bi rai ih mơh; tơdah ih ruê̆ leh ngă klei lhiăr, arăng srăng lhiăr kơ ih mơh.

Y-Yêrêmi 34:17

Kyuanăn snei Yêhôwa lač: ‘Diih amâo gưt asăp Kâo ôh, kyuadah diih amâo hưn klei êngiê ôh, grăp čô kơ ayŏng adei ñu leh anăn pô riêng gah ñu; nĕ anei, Kâo hưn kơ diih sa klei êngiê, đao gưm, klei ruă tưp, leh anăn klei ư̆ êpa srăng êngiê ngă kơ diih,’ Yêhôwa lač. ‘Kâo srăng mjing diih sa mnơ̆ng bi huĭ kơ jih jang ƀuôn ala mtao ti lăn ala.

Y-Yêrêmi 51:24

“Kâo srăng bi wĭt kơ ƀuôn Ƀaƀilôn leh anăn jih jang phung dôk hlăm čar Kaldê ti anăp ală diih kyua jih jang klei jhat diñu tuôm ngă leh hlăm ƀuôn Siôn,” Yêhôwa lač.

Y-Apđia 1:15

Kyuadah hruê Yêhôwa giăm truh leh kơ jih jang găp djuê mnuih. Arăng srăng ngă kơ ih msĕ si ih ngă leh kơ arăng, bruă ih ngă leh srăng lŏ wĭt ti dlông boh kŏ ih pô.

Y-Mathiơ 6:14

Kyuadah tơdah diih pap brei kơ klei soh arăng, Ama diih hlăm adiê srăng pap brei mơh kơ diih.

Y-Markôs 4:24

Yêsu lač kơ digơ̆, “Răng bĕ kơ ya klei diih hmư̆. Aê Diê srăng mkă kơ diih tui si hnơ̆ng diih mkă kơ arăng, leh anăn srăng lŏ thiăm kơ diih.

Y-Luk 6:38

Brei kơ arăng, snăn Aê Diê srăng brei kơ diih. Aê Diê srăng tuh kơ diih sa hnơ̆ng jăk, Ñu gư̆, Ñu êyuh, leh anăn bi bŏ tơl dlai. Kyuadah Aê Diê srăng mkă hnơ̆ng kơ diih tui si diih mkă leh kơ arăng.”

II Kôrantô 9:6

Brei diih thâo klei anei: hlei pô rah ƀiă srăng wiă ƀiă, leh anăn hlei pô rah lu srăng wiă lu.

Y-Yakơ 2:13

Kyuadah klei phat kđi amâo srăng pap ôh kơ pô amâo tuôm pap kơ arăng. Ƀiădah klei pap brei dưi hŏng klei phat kđi.

Klei Bi Êdah 18:6

Ngă bĕ kơ ñu msĕ si ñu ngă leh kơ arăng, leh anăn brei kơ ñu dua tal tui si bruă ñu ngă leh; bi lŭk dua tal mnơ̆ng mnăm kơ ñu hlăm atŏ ñu bi lŭk leh kơ arăng.

Phung Khua Phat Kđi 1:7

Y-Adôni-Bêsek lač, “Kjuh pluh čô mtao kâo khăt leh kđiêng ana kngan leh anăn kđiêng ana jơ̆ng duñ djah mnơ̆ng ƀơ̆ng huă ti gŭ jhưng huă kâo. Msĕ si klei kâo ngă leh, snăn mơh Aê Diê lŏ bi wĭt kơ kâo.” Arăng ba ñu ti ƀuôn Yêrusalem, leh anăn ñu djiê ti anăn.

Phung Khua Phat Kđi 5:27

Ñu dlưh, ñu êbuh, ñu đih amâo kpư̆ ôh ti jơ̆ng gơ̆; ti jơ̆ng gơ̆ ñu dlưh, ñu êbuh; ti anôk ñu dlưh anăn, ñu lĕ buh djiê.

I Y-Samuel 15:33

Y-Samuel lač, “Msĕ si đao gưm ih brei leh lu mniê luč anak, snăn mơh amĭ ih srăng luč anak mbĭt hŏng phung mniê mkăn.” Leh anăn Y-Samuel koh Y-Agak lu kdrêč ti anăp Yêhôwa, ti ƀuôn Gilgal.