Y-Mathiơ 7:15 - Klei Aê Diê Blŭ 2015

¹⁵ “Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Y-Mathiơ 7:15 Iomraidhean Croise

I Bruă Mtao 13:18

Leh anăn sa čô pô mkăn lač kơ gơ̆, “Kâo msĕ mơh jing sa čô khua pô hưn êlâo msĕ si ih, leh anăn sa čô dĭng buăl jăk blŭ leh kơ kâo hŏng klei Yêhôwa blŭ, lač, ‘Atăt bĕ ñu wĭt mbĭt hŏng ih mŭt hlăm sang ih, čiăng kơ ñu dưi ƀơ̆ng kpŭng leh anăn mnăm êa.’ ” Ƀiădah ñu luar kơ gơ̆.

Y-Yêrêmi 29:21

Snei Yêhôwa kơ phung kahan Aê Diê Israel lač djŏ kơ Y-Ahap anak êkei Y-Kôlaya leh anăn Y-Sêdêkia anak êkei Y-Maseya, phung anăn hưn klei luar kơ diih hlăm anăn Kâo: “Nĕ anei, Kâo srăng jao diñu kơ kngan Y-Nebukatnetsar mtao Ƀaƀilôn, leh anăn gơ̆ srăng bi mdjiê diñu ti anăp ală diih.

Y-Yêrêmi 29:32

kyuanăn snei Yêhôwa lač: Nĕ anei, Kâo srăng bi kmhal Y-Sêmaya mơ̆ng ƀuôn Nêhêlam leh anăn phung anak čô ñu; amâo srăng mâo sa čô hlăm phung ƀuôn sang ñu ăt dôk hdĭp srăng ƀuh klei jăk Kâo srăng ngă kơ phung ƀuôn sang Kâo, Yêhôwa lač, kyuadah ñu blŭ klei bi kdơ̆ng hŏng Yêhôwa.’ ”

Y-Êsêkiêl 13:16

phung khua pô hưn êlâo Israel hưn êlâo leh djŏ kơ ƀuôn Yêrusalem leh anăn mâo klei bi ƀuh kơ klei êđăp ênang kơ ƀuôn Yêrusalem ƀiădah amâo mâo klei êđăp ênang ôh, Yêhôwa Aê Diê lač.’

Y-Êsêkiêl 13:22

Kyuadah diih bi êdu ai phung kpă ênô hŏng klei luar, wăt tơdah Kâo amâo bi êdu ai digơ̆ ôh, leh anăn diih bi mđĭ ai phung ƀai, tơl diñu amâo weh ôh mơ̆ng êlan ƀai diñu čiăng bi mtlaih klei hdĭp diñu;

Y-Êsêkiêl 22:25

Phung khua ñu ti krah ñu jing msĕ si sa drei êmông gu dôk grêñ êjai hiêk mnơ̆ng ñu mă; diñu ƀơ̆ng leh mngăt mnuih; diñu mă leh ngăn drăp leh anăn mnơ̆ng yuôm; diñu mjing leh lu mniê djiê ung ti krah ñu.

Y-Êsêkiêl 22:27

Phung khua ti krah ñu jing msĕ si asâo tan hiêk ƀơ̆ng mnơ̆ng ñu kĕ, tuh êrah, bi luč mngăt čiăng plah mă mnơ̆ng.

Y-Đaniel 11:34

Tơdah digơ̆ êbuh arăng srăng đru digơ̆ ƀiă, ƀiădah lu mnuih srăng bi mguôp hŏng digơ̆ hŏng ai ngăm.

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Y-Sakari 13:4

Ti hruê anăn, grăp čô khua pô hưn êlâo srăng hêñ kơ klei ñu bi ƀuh tơdah ñu hưn êlâo; ñu amâo srăng hơô ôh sa blah ao kpal bi mlâo čiăng mplư,

Y-Mathiơ 10:17

Răng bĕ kơ phung mnuih, kyuadah diñu srăng jao diih kơ phung khua phat kđi leh anăn srăng čăm diih hlăm sang bi kƀĭn.

Y-Mathiơ 16:11

Si ngă diih amâo thâo săng, Kâo amâo blŭ kơ kpŭng ôh. Răng bĕ kơ kpei phung Pharisi leh anăn phung Sadusi.”

Y-Mathiơ 16:6

Yêsu lač kơ diñu, “Răng bĕ kơ kpei phung Pharisi leh anăn phung Sadusi.”

Y-Mathiơ 24:11

Srăng mâo lu khua pô hưn êlâo soh truh leh anăn mplư lu mnuih.

Y-Mathiơ 7:14

Bi ƀăng jang điêt leh anăn êlan kniă atăt ba kơ klei hdĭp, leh anăn jing ƀiă phung thâo bĭt ƀăng jang leh anăn êlan anăn.”

Y-Luk 12:15

Leh anăn Yêsu lač kơ digơ̆, “Răng bĕ, đăm tluh kơ dŏ dô ôh, kyuadah klei hdĭp sa čô mnuih amâo djŏ ôh kyua ñu mâo lu êbeh dŏ ngăn.”

Y-Luk 6:26

Knap mñai yơh kơ diih tơdah jih jang mnuih lač kơ diih jing jăk, kyuadah msĕ snăn mơh phung aê diñu ngă kơ phung khua pô hưn êlâo soh.”

Y-Yôhan 10:12

Hlei pô jing mgăt arăng mưn amâo djŏ mgăt biăp ôh, kăn jing pô biăp rei, ƀuh asâo tan hriê, lui hĕ phung biăp leh anăn đuĕ mtam. Asâo tan mă phung biăp leh anăn prŭng digơ̆.

Bruă Phung Khua Ƀĭng Kna 13:40

Kyuanăn răng bĕ, huĭdah truh kơ diih tui si klei phung khua pô hưn êlâo lač leh:

Bruă Phung Khua Ƀĭng Kna 13:6

Leh diñu găn jih plao êa truh ti ƀuôn Paphôs, diñu tuôm hŏng sa čô mdian, sa čô Yuđa jing khua pô hưn êlâo soh bi anăn Y-Bar-Yêsu.

Galati 2:4

Ƀiădah mâo đa đa phung ayŏng adei đăo mgưt tlĕ mŭt phung hmei, phung anăn jing knuă čiăng ksiêm klei êngiê drei mâo hlăm Krist Yêsu, čiăng lŏ mjing drei hlŭn diñu.

Êphêsô 4:14

Klei anăn čiăng kơ drei amâo lŏ jing ôh phung hđeh mâo angĭn kpuh mđung wĭt nao hŏng klei mtô mdê mdê mơ̆ng phung mnuih mnêč leh anăn phung knhăk mplư.

Êphêsô 5:6

Đăm brei ôh arăng mplư diih hŏng klei blŭ hơăi mang, kyua klei anăn yơh klei Aê Diê ngêñ srăng truh kơ phung anak amâo thâo gưt asăp ôh.

Philip 3:2

Răng bĕ kơ phung mă bruă jhat, phung kâo pia asâo, phung mgưt khăt klĭt.

Kôlôs 2:8

Răng bĕ, đăm mâo mnuih mplư diih hŏng klei hriăm thâo lu leh anăn hŏng klei blŭ mplư hơăi mang, tui si klei mnuih yăl dliê, tui si klei mưng lăn ala, amâo djŏ tui si klei Krist ôh.

II Y-Timôthê 3:13

Ƀiădah phung ƀai leh anăn phung ai ngăm srăng jing jhat hĭn êjai, mplư arăng leh anăn arăng mplư diñu.

II Y-Timôthê 4:3

Kyuadah sa ênuk srăng truh hlăk anăn arăng amâo lŏ čiăng hmư̆ ôh klei mtô sĭt, ƀiădah kyua diñu čiăng hmư̆ klei mơak diñu srăng ruah phung khua pô mtô tui si diñu pô khăp.

II Y-Pêtrôs 3:17

Snăn, Ơ phung kâo khăp, kyuadah diih thâo leh klei anăn êlâo, răng bĕ huĭdah phung soh srăng atăt diih klah đuĕ hlăm klei diñu čhuai, leh anăn diih luč klei kjăp diih.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.

Klei Bi Êdah 16:13

Leh anăn kâo ƀuh tlâo čô yang čhŏ msĕ si ajĭk. Sa kbiă mơ̆ng ƀăng êgei anak rai, sa mơ̆ng ƀăng êgei hlô dliê, leh anăn sa mơ̆ng ƀăng êgei khua pô hưn êlâo soh.

Klei Bi Êdah 17:6

Kâo ƀuh mniê anăn ruă hŏng êrah phung doh jăk leh anăn êrah phung hưn bi sĭt kơ Yêsu. Tơdah kâo ƀuh ñu kâo bi kngăr snăk.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.

Klei Bi Êdah 20:10

leh anăn arăng dlăm yang jhat, pô mplư digơ̆, hlăm ênao pui leh anăn boh tâo pui ti anôk hlô dliê leh anăn khua pô hưn êlâo soh dôk. Leh anăn arăng srăng bi knap digơ̆ hruê mlam hlăm jih jang ênuk.