Y-Mathiơ 7:14 - Klei Aê Diê Blŭ 2015

¹⁴ Bi ƀăng jang điêt leh anăn êlan kniă atăt ba kơ klei hdĭp, leh anăn jing ƀiă phung thâo bĭt ƀăng jang leh anăn êlan anăn.”

Y-Mathiơ 7:14 Iomraidhean Croise

Klei Mmuñ Hđăp 16:11

Ih brei kâo thâo bĭt leh êlan klei hdĭp; ti anăp Ih mâo klei hơ̆k mơak êbeh dlai; ti kngan hnuă Ih mâo klei jăk mơak nanao hlŏng lar.

Klei Bi Hriêng 8:20

Kâo êbat hlăm êlan klei kpă ênô, ti êlan klei djŏ,

Y-Êsai 30:21

Tơdah diih srăng weh tĭng hnuă amâodah tĭng điâo, knga diih srăng hmư̆ ti tluôn diih asăp lač, “Nĕ anei êlan, êbat tinei.”

Y-Êsai 35:8

Srăng mâo tinăn sa bĭt êlan dơ̆ng prŏng; pia Êlan Doh Jăk. Phung čhŏ mrŏ amâo srăng êbat tinăn ôh, ƀiădah srăng pioh kơ phung êbat hlăm klei doh jăk, phung mluk amâo srăng hiu rưng tinăn ôh.

Y-Êsai 57:14

Arăng srăng lač: “Mdơ̆ng bĕ, mdơ̆ng bĕ, mkra bĕ êlan! Mă bĕ boh tâo bi têč hnêč mơ̆ng êlan phung ƀuôn sang Kâo.”

Y-Yêrêmi 6:16

Snei Yêhôwa lač: “Dôk bĕ ti djiêô êlan leh anăn kăp dlăng, leh anăn êmuh duah êlan hđăp, ti anôk mâo êlan kpă, leh anăn êbat bĕ tinăn, leh anăn diih srăng mâo klei mdei kơ mngăt diih. Ƀiădah diñu lač, ‘Hmei amâo srăng êbat tinăn ôh.’

Y-Mathiơ 20:16

Snăn phung êdei srăng jing êlâo, leh anăn phung êlâo srăng jing êdei.”

Y-Mathiơ 22:14

Kyuadah lu mnuih arăng iêô, ƀiădah ƀiă mnuih arăng ruah.”

Y-Mathiơ 7:13

“Mŭt bĕ ti ƀăng jang kniă; kyuadah ƀăng jang ƀai leh anăn êlan prŏng atăt ba kơ klei rai luč, leh anăn phung mŭt tinăn jing lu.

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

Y-Markôs 8:34

Yêsu iêô phung lu mbĭt hŏng phung ƀĭng kna Ñu leh anăn lač kơ digơ̆, “Tơdah sa čô čiăng tui hlue Kâo, brei ñu hngah hĕ klei ñu pô čiăng, klam kyâo bi kal ñu, leh anăn tui hlue Kâo.

Y-Luk 12:32

“Đăm huĭ ôh, Ơ êpul biăp điêt, kyuadah Ama diih mơak brei kơ diih ƀuôn ala mtao Ñu.

Y-Yôhan 16:2

Arăng srăng suôt diih mơ̆ng sang bi kƀĭn. Sĭt nik, mông giăm truh tơdah hlei pô bi mdjiê diih srăng mĭn ñu đru bruă Aê Diê.

Y-Yôhan 16:33

Kâo lač leh klei anei kơ diih, čiăng kơ diih dưi mâo klei êđăp ênang hlăm Kâo. Hlăm lăn ala diih srăng mâo klei knap mñai; ƀiădah dôk kjăp bĕ, Kâo dưi leh hŏng lăn ala.”

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

Hră Y-Pôl Mơĭt kơ Phung Rôm 12:2

Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.

Hră Y-Pôl Mơĭt kơ Phung Rôm 9:32

Si ngă snăn? Kyuadah diñu amâo tui duah ôh klei kpă ênô anăn hŏng klei đăo, ƀiădah hŏng bruă diñu ngă. Diñu têč hnêč êbuh ti dlông boh tâo bi gun,