Y-Mathiơ 7:12 - Klei Aê Diê Blŭ 2015

¹² Snăn ya klei diih čiăng phung mnuih ngă kơ diih, brei diih ngă msĕ snăn mơh kơ digơ̆; kyuadah klei anăn jing djŏ tui si klei bhiăn leh anăn klei phung khua pô hưn êlâo čih leh.”

Y-Mathiơ 7:12 Iomraidhean Croise

Y-Êsêkiêl 18:21

“Ƀiădah tơdah sa čô ƀai lui jih jang klei soh ñu ngă leh, djă pioh jih jang klei bhiăn Kâo, leh anăn ngă tui si klei bhiăn leh anăn klei djŏ, sĭt nik ñu srăng dôk hdĭp, ñu amâo srăng djiê ôh.

Bruă Lêwi 19:18

Đăm rŭ ênua amâodah đuôm ai ăl hŏng phung ƀuôn sang ih ôh, ƀiădah brei ih khăp kơ pô riêng gah ih msĕ si kơ ih pô. Kâo jing Yêhôwa.

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Malaki 3:5

“Hlăk anăn Kâo srăng hriê giăm diih kơ klei phat kđi; Kâo srăng jing sa čô pô ruăt hưn bi kdơ̆ng hŏng phung mjâo, hŏng phung tlĕ piu, hŏng phung kat asei luar, hŏng phung mkhư̆ klei mưn kơ phung mă bruă, phung ktư̆ juă mniê djiê ung leh anăn anak êrĭt, hŏng phung bi wơr dliê phung tue, ƀiădah amâo huĭ mpŭ kơ Kâo ôh,” Yêhôwa lač.

Y-Mathiơ 5:17

“Đăm mĭn ôh Kâo hriê bi rai klei bhiăn leh anăn klei phung khua pô hưn êlâo čih. Kâo hriê amâo djŏ čiăng bi rai ôh, ƀiădah čiăng bi sĭt.

Y-Luk 6:31

Msĕ si diih čiăng kơ arăng ngă kơ diih, brei diih ngă kơ arăng msĕ snăn mơh.

I Y-Timôthê 1:5

Klei hmei čiăng mơ̆ng klei hmei mtă jing klei khăp kbiă mơ̆ng ai tiê êngeh, mơ̆ng ai tiê kpă jăk, leh anăn mơ̆ng klei đăo sĭt suôr.

Y-Yakơ 2:8

Tơdah diih gưt sĭt kơ klei bhiăn mtao tui si Klei Aê Diê Blŭ čih leh, “Brei ih khăp kơ pô riêng gah ih msĕ si kơ ih pô,” diih ngă jăk yơh.