Y-Mathiơ 7:11 - Klei Aê Diê Blŭ 2015

¹¹ Snăn tơdah diih jing phung jhat thâo brei mnơ̆ng jăk kơ phung anak diih, ƀai hĭn Ama diih hlăm adiê srăng brei mnơ̆ng jăk kơ hlei pô akâo kơ Ñu.

Y-Mathiơ 7:11 Iomraidhean Croise

Klei Mphŭn Dơ̆ng 6:5

Khua Yang ƀuh klei măk ƀai mnuih kmưn jing prŏng ti lăn ala, leh anăn jih klei mĭn ai tiê diñu knŏng jing jhat nanao.

Klei Mphŭn Dơ̆ng 8:21

Khua Yang ƀâo mnâo jăk leh anăn lač hlăm ai tiê Ñu, “Kâo amâo srăng lŏ tăm pah kơ lăn ôh kyua mnuih, kyuadah klei mĭn ai tiê mnuih jing jhat dơ̆ng mơ̆ng ñu hlăk ai; kăn Kâo srăng lŏ bi rai rei jih jang mnơ̆ng hdĭp msĕ si Kâo ngă leh.

II Y-Samuel 7:19

Leh anăn ăt klei anei jing sa mta mnơ̆ng điêt kơ ală Ih, Ơ Khua Yang Yêhôwa. Ih blŭ leh mơh kơ sang dĭng buăl Ih kơ lu ênuk srăng truh. Leh anăn anei jing klei bhiăn kơ jih jang phung mnuih, Ơ Khua Yang Yêhôwa!

Y-Yôp 15:16

ƀai hĭn yơh kơ sa čô jing pô arăng bi êmut leh anăn soh jhat, sa čô khăp kơ klei soh msĕ si mnăm êa!

Klei Mmuñ Hđăp 84:11

Kyuadah Yêhôwa Aê Diê jing yang hruê leh anăn khil; Ñu brei klei pap leh anăn klei mpŭ; Ñu amâo hngah sa mta klei jăk ôh kơ phung êbat hŏng klei kpă.

Klei Mmuñ Hđăp 85:12

Sĭt nik Yêhôwa srăng brei klei jăk, leh anăn lăn drei srăng mboh mnga lu.

Klei Mmuñ Hđăp 86:15

Ƀiădah Ih, Ơ Khua Yang, jing Aê Diê thâo pap leh anăn mâo ai tiê jăk, amâo djăl ăl ôh, bŏ hŏng klei khăp leh anăn klei sĭt suôr.

Klei Mmuñ Hđăp 86:5

kyuadah Ih jing jăk leh anăn thâo pap brei, Ơ Khua Yang. Ih bŏ hŏng klei khăp kơ jih jang phung iêô wah lač kơ Ih.

Y-Êsai 49:15

Dưi mơ̆ sa čô mniê wơr bĭt hĕ anak ñu dôk mam, tơl ñu amâo pap ôh kơ anak mơ̆ng tian ñu? Wăt tơdah ñu dưi wơr bĭt dưn, ăt Kâo amâo srăng wơr bĭt ih ôh.

Y-Êsai 63:7

Kâo srăng yăl dliê klei jăk Yêhôwa, klei bi mni kơ Yêhôwa, tui si jih klei Yêhôwa ngă brei leh kơ drei, leh anăn klei Ñu ngă jăk lu kơ sang Israel, klei Ñu brei leh kơ digơ̆ tui si klei Ñu pap leh anăn ngă jăk êbeh dlai.

Y-Yêrêmi 17:9

Ai tiê jing mnơ̆ng thâo mplư hĭn kơ jih jang, leh anăn bŏ hŏng klei ƀai; hlei dưi thâo săng klei anăn?

Y-Yêrêmi 33:14

‘Nĕ anei, ênuk srăng truh,’ Yêhôwa lač, ‘tơdah Kâo srăng bi sĭt klei Kâo ƀuăn leh kơ sang Israel leh anăn sang Yuđa.

Y-Ôsê 14:2

Wah lač bĕ ti anăp Yêhôwa, leh anăn lŏ wĭt kơ Ñu bĕ. Lač kơ Ñu: “Mă hĕ jih klei wê, mă tŭ hmei hŏng klei Ih pap, čiăng kơ hmei dưi myơr boh mơ̆ng ƀăng kƀông hmei.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Malaki 1:6

“Sa čô anak êkei mpŭ kơ ama ñu, leh anăn sa čô dĭng buăl mpŭ kơ khua ñu. Tơdah Kâo jing sa čô ama, ti lei klei mpŭ năng kơ Kâo? Tơdah Kâo jing sa čô khua, ti lei klei arăng huĭ năng kơ Kâo?” Yêhôwa kơ phung kahan lač. “Diih, Ơ phung khua ngă yang, jing phung bi êmut kơ anăn Kâo? Diih lač, ‘Si klei hmei bi êmut leh kơ anăn ih?’

Y-Mathiơ 23:9

Leh anăn đăm pia ama kơ sa čô mnuih hlăm lăn ala anei ôh, kyuadah diih mâo knŏng sa čô Ama, Pô dôk hlăm adiê.

Y-Mathiơ 7:10

Amâodah tơdah gơ̆ akâo kan, ñu srăng brei ala kơ gơ̆ mơ̆?

Y-Yôhan 3:16

Kyuadah Aê Diê khăp êdimi kơ lăn ala, tơl Ñu brei Anak Ñu pô mâo knŏng sa čô, čiăng kơ hlei pô đăo kơ Anak Ñu anăn amâo rai tuč ôh, ƀiădah mâo klei hdĭp hlŏng lar.

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

Hră Y-Pôl Mơĭt kơ Phung Rôm 3:9

Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Y-Yakơ 1:17

Jih jang klei brei jăk leh anăn klei brei klă ênŭm trŭn mơ̆ng adiê mơ̆ng Ama klei mngač sơăi. Hlăm Ñu amâo mâo klei bi mlih ôh, kăn mâo êyui klei bi mlih rei.

I Y-Yôhan 3:1

Dlăng bĕ klei khăp prŏng Ama brei leh kơ drei, tơl Ñu pia drei anak Aê Diê; snăn yơh drei jing leh. Lăn ala amâo thâo kral drei, kyuadah diñu amâo tuôm thâo kral Aê Diê ôh.

I Y-Yôhan 4:10

Hlăm klei anei jing klei khăp, amâo djŏ drei khăp leh kơ Aê Diê ôh, ƀiădah Aê Diê khăp leh kơ drei, leh anăn tiŏ hriê Anak Ñu jing mnơ̆ng ngă yang bi tui klei soh drei.