Y-Mathiơ 6:9 - Klei Aê Diê Blŭ 2015

⁹ Snăn wah lač bĕ msĕ snei: ‘Ơ Ama hmei, dôk hlăm adiê ơi, akâo kơ anăn Ih mâo klei mpŭ doh jăk.

Y-Mathiơ 6:9 Iomraidhean Croise

II Y-Samuel 7:26

Leh anăn arăng srăng bi guh kơang anăn Ih hlŏng lar, êjai lač, ‘Yêhôwa kơ phung kahan jing Aê Diê kiă kriê phung Israel,’ leh anăn sang dĭng buăl Ih Y-Đawit srăng dôk kjăp ti anăp Ih.

I Bruă Mtao 8:43

hmư̆ bĕ mơ̆ng adiê anôk Ih dôk, leh anăn ngă tui si jih jang klei pô tue iêô wah lač kơ Ih; čiăng kơ jih jang phung ƀuôn sang ti lăn ala dưi thâo anăn Ih leh anăn huĭ kơ Ih, msĕ si phung ƀuôn sang Ih Israel, leh anăn čiăng kơ diñu dưi thâo kơ sang anei kâo mdơ̆ng leh kơ Ih arăng pia hŏng Anăn Ih.

I Klei Yăl Dliê 17:24

leh anăn anăn ih srăng jing kjăp leh anăn mâo klei arăng bi mni nanao hlŏng lar êjai lač, ‘Yêhôwa kơ phung kahan, Aê Diê phung Israel, jing Aê Diê phung Israel.’ Leh anăn sang dĭng buăl ih Y-Đawit srăng jing kjăp ti anăp ih.

II Klei Yăl Dliê 20:6

leh anăn lač, “Ơ Yêhôwa Aê Diê phung aê hmei, amâo djŏ hĕ Ih jing Aê Diê hlăm adiê? Amâo djŏ hĕ Ih jing khua kơ jih jang ƀuôn ala mtao phung găp djuê mnuih? Hlăm kngan Ih mâo klei myang leh anăn klei ktang, snăn amâo mâo sa čô dưi bi kdơ̆ng hŏng Ih ôh.

Y-Nêhêmi 9:5

Phung Lêwi, Y-Jêsua, Y-Katmiêl, Y-Bani, Y-Hasabneya, Y-Sêrêbia, Y-Hôdia, Y-Sêbania, leh anăn Y-Pêthahia lač, “Kgŭ dơ̆ng leh anăn hơêč hmưi bĕ kơ Yêhôwa Aê Diê diih Pô jing mơ̆ng ênuk hlŏng lar kơ ênuk hlŏng lar. Ơ Yêhôwa, mpŭ mni kơ anăn guh kơang Ih, anăn mâo klei mpŭ hĭn kơ jih klei hơêč hmưi leh anăn klei bi mni.”

Klei Mmuñ Hđăp 111:9

Ñu brei leh klei bi tui kơ phung ƀuôn sang Ñu; Ñu ngă klei bi mguôp hlŏng lar, Anăn Ñu doh jăk leh anăn năng huĭ.

Klei Mmuñ Hđăp 115:3

Aê Diê drei dôk hlăm adiê; Ñu ngă tui si klei Ñu čiăng.

Klei Mmuñ Hđăp 72:18

Mpŭ mni kơ Yêhôwa Aê Diê phung Israel, knŏng Ñu pô ngă bruă yuôm bhăn.

Y-Êsai 37:20

Snăn ară anei, Ơ Yêhôwa Aê Diê hmei, bi mtlaih bĕ hmei mơ̆ng kngan ñu, čiăng kơ jih jang ƀuôn ala mtao ti lăn ala dưi thâo knŏng hjăn Ih yơh, Ơ Yêhôwa, jing Aê Diê.”

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 6:3

Digơ̆ ur hdơ̆ng digơ̆, lač, “Doh jăk, doh jăk, doh jăk yơh Yêhôwa kơ phung kahan; jih lăn ala bŏ hŏng klei guh kơang Ñu.”

Y-Êsai 63:16

Kyuadah Ih jing Ama hmei, wăt tơdah Y-Abraham amâo thâo kral hmei ôh, leh anăn Y-Israel kăn thâo kral hmei rei; Ơ Yêhôwa, Ih yơh jing Ama hmei, mơ̆ng ênuk hlŏng lar anăn Ih jing Pô Bi Tui hmei.

Y-Êsai 64:8

Ƀiădah, Ơ Yêhôwa, Ih ăt jing Ama hmei, hmei jing lăn lŭ, leh anăn Ih jing Pô mmai hmei; jih jang hmei jing bruă kngan Ih ngă.

Y-Êsai 66:1

Snei Yêhôwa lač: “Adiê jing jhưng mtao Kâo, leh anăn lăn ala jing mdhô̆ Kâo trông jơ̆ng, snăn ti sang diih čiăng mdơ̆ng kơ Kâo? Leh anăn ti anôk Kâo srăng mdei?

Y-Êsêkiêl 36:23

Kâo srăng bi êdah klei doh jăk Anăn prŏng Kâo bi čhŏ leh ti krah phung găp djuê mnuih, diih yơh bi čhŏ leh ti krah digơ̆; leh anăn phung găp djuê mnuih srăng thâo Kâo jing Yêhôwa, Yêhôwa Aê Diê lač, tơdah hŏng diih Kâo bi êdah klei doh jăk Kâo ti anăp ală diñu.

Y-Êsêkiêl 38:23

Snăn Kâo srăng bi êdah klei prŏng Kâo leh anăn klei doh jăk Kâo, leh anăn bi êdah Kâo pô kơ ală lu găp djuê mnuih. Hlăk anăn diñu srăng thâo Kâo jing Yêhôwa.’ ”

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Y-Haƀakuk 2:14

Kyuadah lăn ala srăng bŏ hŏng klei thâo kral klei guh kơang Yêhôwa, msĕ si êa guôm tur êa ksĭ.

Y-Sakari 14:9

Leh anăn Yêhôwa srăng jing mtao kơ jih lăn ala; ti hruê anăn srăng mâo knŏng sa Yêhôwa, leh anăn knŏng anăn Ñu mơh.

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Y-Mathiơ 10:29

Amâo djŏ hĕ arăng čhĭ dua drei čĭm hrai kơ sa lui? Leh anăn amâo mâo ôh sa drei hlăm čĭm anăn srăng lĕ ti lăn tơdah amâo tui si klei Ama diih čiăng.

Y-Mathiơ 23:9

Leh anăn đăm pia ama kơ sa čô mnuih hlăm lăn ala anei ôh, kyuadah diih mâo knŏng sa čô Ama, Pô dôk hlăm adiê.

Y-Mathiơ 26:29

Kâo hưn kơ diih, Kâo amâo srăng lŏ mnăm ôh êa boh kriăk ƀâo anei tơl hruê Kâo srăng lŏ mnăm êa boh kriăk ƀâo mrâo mbĭt hŏng diih hlăm ƀuôn ala mtao Ama Kâo.”

Y-Mathiơ 26:42

Ñu lŏ nao tal dua leh anăn wah lač, “Ơ Ama Kâo, tơdah Ih amâo dưi mă atŏ anei ôh mơ̆ng Kâo tơl Kâo mnăm leh, brei truh tui si Ih čiăng.”

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Y-Mathiơ 6:14

Kyuadah tơdah diih pap brei kơ klei soh arăng, Ama diih hlăm adiê srăng pap brei mơh kơ diih.

Y-Mathiơ 6:6

Ƀiădah tơdah ih wah lač, mŭt hlăm adŭ ih, kđăl hĕ ƀăng bhă, leh anăn wah lač kơ Ama ih Pô dôk hlăm anôk hgăm, leh anăn Ama ih Pô ƀuh hlăm anôk hgăm srăng mưn ih.

Y-Mathiơ 7:11

Snăn tơdah diih jing phung jhat thâo brei mnơ̆ng jăk kơ phung anak diih, ƀai hĭn Ama diih hlăm adiê srăng brei mnơ̆ng jăk kơ hlei pô akâo kơ Ñu.

Y-Luk 15:18

Kâo srăng kgŭ nao kơ ama kâo, leh anăn kâo srăng lač kơ ñu, “Ơ ama, kâo ngă soh leh hŏng adiê leh anăn ti anăp ih.

Y-Luk 15:21

Leh anăn anak êkei gơ̆ lač kơ gơ̆, ‘Ơ ama, kâo ngă soh leh hŏng adiê leh anăn ti anăp ih. Kâo amâo lŏ jing năng ôh ih pia kơ kâo anak ih.’

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Hră Y-Pôl Mơĭt kơ Phung Rôm 8:15

Kyuadah Mngăt Myang Aê Diê brei leh kơ diih amâo mjing diih hlŭn leh anăn brei diih huĭ ôh; ƀiădah lĕ, mjing diih anak Aê Diê. Kyuanăn drei iêô, “Aba, Ama!”

Galati 1:1

Kâo gơ̆ Y-Pôl, sa čô khua ƀĭng kna amâo djŏ mơ̆ng phung mnuih amâodah mơ̆ng sa čô mnuih brei jing, ƀiădah tui si Yêsu Krist leh anăn Aê Diê Ama mjing, Pô bi kbiă lŏ hdĭp Yêsu leh mơ̆ng phung djiê,

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

I Y-Pêtrôs 1:17

Leh anăn tơdah diih iêô Ama êjai wah lač kơ Aê Diê, Pô phat kđi grăp čô tui si bruă ñu amâo dlăng mnuih ti êngao ôh, brei diih hdĭp hŏng klei huĭ mpŭ êjai ênuk bhiâo diih dôk ti lăn ala.

Klei Bi Êdah 4:11

“Ơ Khua Yang leh anăn Aê Diê hmei, Ih mâo klei năng mă tŭ klei guh kơang, klei mpŭ, leh anăn klei myang, kyuadah Ih hrih leh jih jang mnơ̆ng, leh anăn tui si Ih čiăng diñu jing leh, leh anăn Ih hrih leh diñu.”

Klei Bi Êdah 5:12

Diñu mmuñ hŏng asăp kraih, “Êđai Biăp arăng bi mdjiê leh mâo klei năng mă tŭ klei myang, klei mdrŏng, klei thâo mĭn, klei ktang, klei mpŭ, klei guh kơang, leh anăn klei arăng mpŭ mni!”