Y-Mathiơ 6:7 - Klei Aê Diê Blŭ 2015

⁷ Êjai diih wah lač đăm răk nanao sa mta klei ôh msĕ si phung tue ngă; kyuadah diñu mĭn Aê Diê srăng hmư̆ diñu kyua diñu blŭ lu.

Y-Mathiơ 6:7 Iomraidhean Croise

Khua Pô Mtô 5:7

Kyuadah lu klei êpei leh anăn lu boh blŭ amâo yuôm jing hơăi mang; ƀiădah brei ih huĭ bĕ kơ Aê Diê.

Y-Mathiơ 18:17

Tơdah ñu hngah amâo čiăng dôk hmư̆ digơ̆ ôh, hưn klei anăn kơ Phung Sang Aê Diê; leh anăn tơdah ñu hngah amâo čiăng dôk hmư̆ ôh wăt kơ Phung Sang Aê Diê, brei ih yap ñu msĕ si sa čô amâo đăo amâodah sa čô rĭng jia.”

Y-Mathiơ 26:39

Yêsu nao kbưi ƀiă, buôn kŭp ƀô̆ ti lăn, leh anăn wah lač, “Ơ Ama Kâo, tơdah dưi, mă mđuĕ hĕ atŏ anei mơ̆ng Kâo; amâo djŏ tui si Kâo čiăng ôh, ƀiădah tui si Ih čiăng.”

Y-Mathiơ 26:42

Ñu lŏ nao tal dua leh anăn wah lač, “Ơ Ama Kâo, tơdah Ih amâo dưi mă atŏ anei ôh mơ̆ng Kâo tơl Kâo mnăm leh, brei truh tui si Ih čiăng.”

Y-Mathiơ 26:44

Snăn Ñu lŏ đuĕ mơ̆ng digơ̆ leh anăn nao wah lač tal tlâo, blŭ msĕ si êlâo.

Y-Mathiơ 6:32

Kyuadah phung tue tui duah jih jang mnơ̆ng anăn; leh anăn Ama diih hlăm adiê thâo leh jing yuôm diih mâo jih dŏ anăn.

Bruă Phung Khua Ƀĭng Kna 19:34

Ƀiădah tơdah phung lu thâo kral gơ̆ jing sa čô Yuđa, jih jang sa asăp ur kraih êjai dua mông, “H'Artêmis, yang phung Êphêsô, jing prŏng snăk!”