Y-Mathiơ 6:4 - Klei Aê Diê Blŭ 2015

⁴ čiăng kơ mnơ̆ng ih brei pap arăng amâo thâo ôh; knŏng hjăn Ama ih Pô ƀuh hlăm klei hgăm srăng mưn ih.”

Y-Mathiơ 6:4 Iomraidhean Croise

Klei Mmuñ Hđăp 139:12

wăt klei mmăt amâo thâo mdăp mnơ̆ng kơ Ih; ƀiădah mlam mtrang msĕ si hruê, kyuadah klei mmăt jing msĕ si klei mngač ti anăp Ih.

Klei Mmuñ Hđăp 17:3

Ih čhưn leh hŏng kâo êjai mlam, Ih ksiêm leh ai tiê kâo, Ih lông dlăng kâo leh, ƀiădah Ih amâo ƀuh klei jhat ôh; kâo čuăn leh ƀăng kƀông kâo amâo srăng blŭ soh ôh.

Klei Mmuñ Hđăp 44:21

amâo djŏ hĕ Aê Diê dưi thâo klei anăn? Kyuadah Ñu thâo klei hgăm hlăm ai tiê.

Klei Bi Hriêng 25:22

Snăn ih srăng mkăm hdăng ngur ti dlông boh kŏ ñu, leh anăn Yêhôwa srăng brei klei mưn kơ ih.

Y-Yêrêmi 17:10

Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”

Y-Yêrêmi 23:24

“Dưi mơ̆ sa čô mdăp ñu pô hlăm anôk hgăm tơl Kâo amâo dưi ƀuh ñu ôh?” Yêhôwa lač. “Amâo djŏ hĕ Kâo bi bŏ phung adiê wăt lăn ala mơh?” Yêhôwa lač.

Y-Mathiơ 10:42

Hlei pô brei kơ sa čô hlăm phung hđeh điêt anei mnăm sa kčok êa ngač kyuadah gơ̆ jing sa čô ƀĭng kna, sĭt nik Kâo lač kơ diih, pô brei anăn amâo srăng luč ôh klei mưn ñu.”

Y-Mathiơ 6:18

čiăng kơ mnuih amâo ƀuh ôh klei ih kăm ƀơ̆ng huă; ƀiădah Ama ih dôk hlăm anôk hgăm ƀuh, leh anăn Ama ih Pô ƀuh hlăm anôk hgăm srăng mưn ih.”

Y-Mathiơ 6:3

Ƀiădah tơdah ih brei mnơ̆ng pap, đăm brei ôh kngan điâo ih thâo ya klei kngan hnuă ih ngă,

Y-Mathiơ 6:6

Ƀiădah tơdah ih wah lač, mŭt hlăm adŭ ih, kđăl hĕ ƀăng bhă, leh anăn wah lač kơ Ama ih Pô dôk hlăm anôk hgăm, leh anăn Ama ih Pô ƀuh hlăm anôk hgăm srăng mưn ih.

Y-Luk 14:14

Snăn kơh ih srăng mâo klei jăk jĭn, kyuadah diñu amâo dưi lŏ bi wĭt kơ ih ôh. Ih srăng mâo klei mưn ti hruê phung kpă kbiă lŏ hdĭp.”

Y-Luk 8:17

Kyuadah amâo mâo ôh mnơ̆ng arăng mdăp leh amâo srăng bi êdah, kăn mâo rei mnơ̆ng hgăm arăng amâo srăng bi thâo leh anăn bi êdah mngač.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

Hêbrơ 4:13

Leh anăn ti anăp Ñu amâo mâo sa mnơ̆ng hrih leh dưi dôk hgăm, ƀiădah jih jang mnơ̆ng pŏk leh anăn bi êdah leh ti anăp ală Pô drei srăng hưn bruă drei ngă.

Y-Yut 1:24

Snăn, kơ Pô dưi mgang diih mơ̆ng klei lĕ, leh anăn dưi bi êdah diih amâo mâo klei ƀuah ôh leh anăn hơ̆k mơak ti anăp klei guh kơang Ñu,

Klei Bi Êdah 2:23

Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.