Y-Mathiơ 6:30 - Klei Aê Diê Blŭ 2015

³⁰ Ƀiădah tơdah Aê Diê bi hơô brei msĕ snăn kơ rơ̆k hlăm hma, hdĭp hruê anei leh anăn mgi arăng hwiê gơ̆ hlăm kpur pui, amâo djŏ hĕ kdlưn hĭn Ñu srăng bi hơô diih, Ơ phung mnuih mâo klei đăo điêt?

Y-Mathiơ 6:30 Iomraidhean Croise

Klei Mmuñ Hđăp 92:7

Wăt tơdah phung ƀai čăt msĕ si rơ̆k, leh anăn jih jang phung ngă ƀai čăt đĭ, arăng pioh diñu kơ klei bi rai hlŏng lar.

Y-Mathiơ 14:31

Yêsu yơr kngan mtam kdjŏng mă ñu, leh anăn lač kơ ñu, “Ơ mnuih mâo klei đăo điêt, si ngă ih đing lĕ?”

Y-Mathiơ 16:8

Yêsu thâo klei anăn leh anăn lač, “Ơ phung mâo klei đăo điêt, si ngă diih bi trông čhai kyua klei diih amâo mâo kpŭng?

Y-Mathiơ 17:17

Yêsu lŏ wĭt lač, “Ơ găp djuê amâo mâo klei đăo leh anăn soh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih? Atăt ba bĕ gơ̆ kơ Kâo tinei.”

Y-Mathiơ 8:26

Yêsu lač kơ digơ̆, “Si ngă diih huĭ, Ơ phung mnuih mâo klei đăo điêt?” Ñu kgŭ mtam, ghă angĭn leh anăn êa ksĭ, snăn mâo klei êngăn yơh.

Y-Markôs 4:40

Yêsu lač kơ digơ̆, “Si ngă diih huĭ? Diih amâo mâo klei đăo hĕ?”

Y-Markôs 9:19

Yêsu lŏ wĭt lač kơ diñu, “Ơ găp djuê amâo thâo đăo ôh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih lĕ? Atăt ba gơ̆ kơ Kâo.”

Y-Luk 12:28

Ƀiădah tơdah Aê Diê bi hơô rơ̆k msĕ snăn, hruê anei gơ̆ dôk hlăm hma leh anăn mgi arăng srăng hwiê gơ̆ hlăm kpur pui, dŭm blư̆ kdlưn hĭn Aê Diê srăng brei čhiăm ao kơ diih, Ơ phung mâo klei đăo điêt.

Y-Luk 9:41

Yêsu lŏ wĭt lač, “Ơ găp djuê amâo mâo klei đăo leh anăn soh, dŭm boh sui Kâo srăng dôk mbĭt leh anăn gĭr hŏng diih? Atăt ba bĕ anak êkei ih tinei.”

Y-Yôhan 20:27

Leh anăn Yêsu lač kơ Y-Thômas, “Dưm kđiêng ih tinei, leh anăn dlăng kngan Kâo; yơr kngan ih dưm ti djiêô Kâo; đăm lŏ đing ôh, ƀiădah đăo bĕ.”

Hêbrơ 3:12

Ơ phung ayŏng adei, răng bĕ, huĭdah sa čô hlăm phung diih mâo ai tiê jhat amâo đăo ôh, atăt diih lui wir Aê Diê hdĭp.

I Y-Pêtrôs 1:24

Kyuadah “Jih jang kđeh jing msĕ si rơ̆k, leh anăn jih klei guh kơang ñu msĕ si mnga rơ̆k. Rơ̆k krô, leh anăn mnga ñu luh,