Y-Mathiơ 6:25 - Klei Aê Diê Blŭ 2015

²⁵ Snăn Kâo lač kơ diih, đăm uêñ đei ôh kơ klei hdĭp diih, kơ ya diih srăng ƀơ̆ng huă amâodah mnăm; kăn uêñ đei rei kơ asei mlei diih kơ ya diih srăng hơô. Amâo djŏ hĕ klei hdĭp yuôm hĭn kơ mnơ̆ng ƀơ̆ng huă, leh anăn asei mlei yuôm hĭn kơ čhiăm ao?

Y-Mathiơ 6:25 Iomraidhean Croise

Klei Mmuñ Hđăp 55:22

Lưh klei ktrŏ ih kơ Yêhôwa, leh anăn Ñu srăng krơ̆ng ih; Ñu amâo srăng tuôm brei phung kpă ênô mgei ôh.

Y-Yêrêmi 45:5

Bi ih, ih tuôm duah klei prŏng kơ ih pô mơ̆? Đăm duah klei anăn ôh; kyuadah nĕ anei, Kâo dôk bi truh klei jhat kơ jih jang mnuih, Yêhôwa lač, ƀiădah Kâo srăng pioh ih hdĭp hlăm jih anôk ih nao.’ ”

Y-Mathiơ 10:19

Tơdah diñu jao diih, đăm rŭng răng ôh si diih srăng blŭ amâodah ya klei diih srăng lač; kyuadah ya klei diih srăng lač arăng srăng brei kơ diih ti mông anăn mtam.

Y-Mathiơ 13:22

Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Y-Mathiơ 6:31

Snăn đăm diih uêñ đei ôh leh anăn lač, ‘Ya drei srăng ƀơ̆ng huă?’ amâodah ‘Ya drei srăng mnăm?’ amâodah ‘Ya drei srăng hơô?’

Y-Mathiơ 6:34

Snăn đăm uêñ hnĭng ôh kơ hruê mgi, kyuadah hruê mgi diih srăng uêñ kơ hruê mgi. Grăp hruê mâo klei dleh kơ grăp hruê.”

Y-Markôs 13:11

Tơdah arăng mă jao diih kơ klei phat kđi, đăm diih uêñ êlâo ôh kơ ya klei diih srăng blŭ; ƀiădah blŭ bĕ ya klei bi êdah kơ diih ti mông anăn. Kyuadah amâo djŏ diih pô ôh srăng blŭ, ƀiădah Yang Mngăt Jăk yơh.

Y-Markôs 4:19

ƀiădah klei uêñ hnĭng kơ lăn ala, klei khăp đei kơ mdrŏng, leh anăn klei tluh kơ mnơ̆ng mkăn mŭt hlăm ai tiê leh anăn ktư̆ hĕ klei blŭ, leh anăn klei blŭ amâo mboh ôh.

Y-Luk 12:11

Tơdah arăng atăt ba diih ti anăp sang bi kƀĭn, phung khua phat kđi, leh anăn phung khua kiă kriê, đăm rŭng răng ôh kơ si diih srăng lač mgang diih pô, amâodah ya klei diih srăng lŏ wĭt lač.

Y-Luk 8:14

Bi mjeh lĕ hlăm anôk êruê, jing phung hmư̆ leh ƀiădah êjai diñu đuĕ nao, klei uêñ hnĭng, klei mdrŏng, leh anăn klei mơak kơ klei hdĭp anei ktư̆ hĕ diñu, leh anăn diñu amâo mboh tơl ksă ôh.

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

I Kôrantô 7:32

Kâo čiăng kơ diih jing êngiê mơ̆ng klei ênguôt hnĭng. Êkei hliê uêñ kơ bruă Khua Yang, čiăng dưi bi mơak kơ Khua Yang.

Philip 4:6

Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.

II Y-Timôthê 2:4

Amâo mâo ôh sa čô kahan bi lŭk bruă ñu hŏng bruă ƀuôn sang, čiăng kơ bruă ñu bi mơak kơ pô iêô ñu jing kahan.

I Y-Pêtrôs 5:7

Jao bĕ kơ Ñu jih jang klei uêñ hnĭng diih, kyuadah Ñu răng kriê kơ diih.