Y-Mathiơ 6:23 - Klei Aê Diê Blŭ 2015

²³ Ƀiădah tơdah ală ih bum, jih asei mlei ih srăng bŏ hŏng klei mmăt. Tơdah klei mngač hlăm ih jing mmăt, klei mmăt anăn prŏng snăk yơh!”

Y-Mathiơ 6:23 Iomraidhean Croise

Klei Bi Hriêng 26:12

Tơdah ih ƀuh sa čô mnuih yap ñu pô jing mnuih thâo mĭn, mnuih mluk jing yuôm hĭn kơ ñu.

Y-Êsai 8:20

Ksiêm bĕ klei mtô leh anăn klei hưn! Tơdah diñu amâo blŭ djŏ si klei blŭ anei, diñu amâo mâo klei mngač ôh.

Y-Yêrêmi 4:22

“Kyuadah phung ƀuôn sang Kâo jing mluk, diñu amâo thâo kral Kâo ôh; diñu jing phung hđeh mluk, diñu amâo mâo klei thâo săng ôh. Diñu knhăk ngă klei ƀai, diñu amâo thâo ngă klei jăk ôh.”

Y-Mathiơ 20:15

Amâo djŏ hĕ kâo dưi yua dŏ kâo tui si kâo čiăng? Amâodah ih nač kơ klei kmah kâo mơ̆?’

Y-Mathiơ 6:22

“Ală jing pui kđen kơ asei mlei. Snăn tơdah ală ih mngač, jih asei mlei ih srăng bŏ hŏng klei mngač.

Y-Markôs 7:22

klei tluh kơ mnơ̆ng, klei ƀai, klei mplư, klei tluh ƀô, klei nač, klei mčeh, klei mgao, leh anăn klei mluk.

Y-Luk 11:34

Ală ih jing pui kđen kơ asei mlei ih; tơdah ală ih dôk jăk, jih asei mlei ih bŏ hŏng klei mngač. Ƀiădah tơdah ală ih amâo jing jăk ôh, asei mlei ih bŏ hŏng klei mmăt.

Y-Luk 8:10

Ñu lač, “Aê Diê brei kơ diih dưi thâo săng klei yuôm hgăm kơ ƀuôn ala mtao Aê Diê; ƀiădah kơ phung mkăn Kâo blŭ kơ diñu hŏng klei bi hriêng, čiăng kơ êjai diñu dlăng diñu amâo dưi ƀuh ôh, leh anăn êjai diñu hmư̆ diñu amâo dưi thâo săng ôh.”

Hră Y-Pôl Mơĭt kơ Phung Rôm 1:22

Diñu lač diñu pô jing thâo mĭn, ƀiădah diñu jing leh mluk,

I Kôrantô 2:14

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

Êphêsô 4:18

Klei thâo săng diñu jing hĕ mmăt leh, bi ktlah leh mơ̆ng klei hdĭp Aê Diê kyua klei diñu mluk kbiă hriê mơ̆ng ai tiê khăng diñu.

Êphêsô 5:8

Mphŭn dô diih dôk hlăm klei mmăt, ƀiădah ară anei diih mâo klei mngač hlăm Khua Yang. Êbat bĕ msĕ si phung anak klei mngač,

I Y-Yôhan 2:11

Ƀiădah hlei pô bi êmut kơ ayŏng adei ñu, pô anăn dôk hlăm klei mmăt, êbat hlăm klei mmăt, leh anăn amâo thâo ôh ti anôk ñu nao, kyuadah klei mmăt bi bum leh ală ñu.