Y-Mathiơ 6:2 - Klei Aê Diê Blŭ 2015

² Snăn tơdah ih brei mnơ̆ng pap kơ arăng, đăm ayŭ ki ti anăp ih ôh msĕ si phung ai ngăm ngă hlăm sang bi kƀĭn leh anăn ti êlan dơ̆ng, čiăng kơ mnuih mpŭ mni kơ diñu. Sĭt nik Kâo lač kơ diih, phung anăn mâo leh klei mưn kơ diñu.

Y-Mathiơ 6:2 Iomraidhean Croise

Klei Mmuñ Hđăp 112:9

Hŏng ai tiê kmah ñu brei mnơ̆ng pap kơ phung ƀun ƀin, klei kpă ênô ñu dôk hlŏng lar; arăng srăng mpŭ kơ klei ñu dưi.

Klei Mmuñ Hđăp 37:21

Pô ƀai čan leh anăn amâo bi wĭt ôh, ƀiădah pô kpă thâo kmah leh anăn ñu brei čan.

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Klei Bi Hriêng 20:6

Lu mnuih hưn ñu pô jing jăk, ƀiădah hlei dưi ƀuh pô sĭt suôr?

Khua Pô Mtô 11:2

Bi mbha hĕ ñu kơ kjuh amâodah kơ sa păn čô, kyuadah ih amâo thâo ôh ya klei jhat dưi truh ti lăn ala.

Y-Êsai 10:6

Kâo tiŏ nao ñu ngă kơ găp djuê amâo thâo mpŭ kơ Aê Diê ôh, Kâo mtă ñu nao bi kdơ̆ng hŏng phung ƀuôn sang brei Kâo ngêñ, čiăng plah mă leh anăn sua dŏ dô, leh anăn juă diñu msĕ si lăn lŭ ti êlan.

Y-Êsai 58:7

Amâo djŏ hĕ jing klei bi mbha mnơ̆ng ƀơ̆ng huă ih hŏng pô êpa, leh anăn atăt ba hlăm sang ih phung ƀun ƀin amâo mâo sang ôh; tơdah ih ƀuh pô lưng mlŭn, bi hơô brei gơ̆, leh anăn đăm kui rŏng kơ găp djuê ih pô ôh?

Y-Êsai 9:17

Kyuanăn Khua Yang amâo mơak ôh hŏng phung êkei hlăk ai diñu, kăn Ñu pap rei kơ phung anak êrĭt leh anăn phung mniê djiê ung diñu. Kyuadah grăp čô jing phung amâo thâo mpŭ kơ Aê Diê ôh, leh anăn phung ngă ƀai, leh anăn jih jang ƀăng êgei blŭ klei mluk. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Ôsê 8:1

“Dưm bĕ ki ayŭ ti ƀăng kƀông ih, Pô roh srăng hriê msĕ si sa drei tlang bi kdơ̆ng hŏng sang Yêhôwa, kyuadah phung ƀuôn sang gao leh klei bi mguôp Kâo, leh anăn gao leh klei bhiăn Kâo.

Y-Mathiơ 15:7

Ơ phung ai ngăm! Djŏ leh klei Y-Êsai hưn leh êlâo kơ diih tơdah ñu lač:

Y-Mathiơ 16:3

Leh anăn aguah diih lač, ‘Hruê anei srăng mâo hjan angĭn, kyuadah adiê mâo knam leh anăn hrah.’ Diih thâo mblang si adiê amra jing, ƀiădah diih amâo dưi mblang ôh klei bi knăl kơ ênuk.

Y-Mathiơ 22:18

Yêsu thâo klei mĭn jhat diñu, leh anăn lŏ wĭt lač, “Si ngă diih lông dlăng Kâo, Ơ phung ai ngăm?

Y-Mathiơ 23:5

Diñu ngă jih bruă diñu knŏng čiăng brei arăng ƀuh. Diñu bi ƀai kdô pioh klei bhiăn diñu, leh anăn bi dlông grua ao jhung diñu.

Y-Mathiơ 23:6

Diñu khăp kơ anôk mâo klei mpŭ êjai ƀơ̆ng huă leh anăn mdhô̆ jăk hĭn hlăm sang bi kƀĭn, leh anăn

Y-Mathiơ 24:51

leh anăn khua ñu srăng čăm bi rai ñu leh anăn yap ñu mbĭt hŏng phung ai ngăm. Tinăn srăng mâo klei čŏk hia leh anăn klei kriêt êgei.”

Y-Mathiơ 5:18

Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Mathiơ 6:16

“Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 6:3

Ƀiădah tơdah ih brei mnơ̆ng pap, đăm brei ôh kngan điâo ih thâo ya klei kngan hnuă ih ngă,

Y-Mathiơ 6:5

“Tơdah diih wah lač, đăm jing msĕ si phung ai ngăm ôh; kyuadah diñu khăp wah lač dôk dơ̆ng hlăm sang bi kƀĭn leh anăn ti kiêng êlan čiăng kơ mnuih ƀuh. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 7:5

Ơ mnuih ai ngăm, mă hĕ êda mơ̆ng ală ih êlâo, leh anăn ih srăng ƀuh mngač dưi mă ƀruih mơ̆ng ală ayŏng adei ih.

Y-Markôs 12:39

Diñu ruah anôk jăk hĭn hlăm sang bi kƀĭn leh anăn anôk arăng mpŭ êjai klei ƀơ̆ng huă.

Y-Markôs 7:6

Yêsu lač kơ digơ̆, “Ơ phung ai ngăm, djŏ leh Y-Êsai hưn êlâo leh kơ diih, tui si klei čih snei: ‘Phung ƀuôn sang anei mpŭ kơ Kâo hŏng ƀăng kƀông diñu, ƀiădah ai tiê diñu dôk kbưi mơ̆ng Kâo.

Y-Luk 11:41

Ƀiădah brei diih myơr mnơ̆ng hlăm lam jing mnơ̆ng pap; snăn jih jang mnơ̆ng jing doh kơ diih.

Y-Luk 11:43

Knap mñai yơh kơ diih, Ơ phung Pharisi! Kyuadah diih khăp anôk dôk gŭ jăk hĭn hlăm sang bi kƀĭn leh anăn klei arăng kkuh kơ diih hlăm sang mnia.

Y-Luk 12:33

Čhĭ bĕ ngăn dŏ diih, leh anăn brei mnơ̆ng pap. Bi mâo hĕ kơ diih pô kdŭng prăk amâo thâo sô, ngăn yuôm hlăm adiê amâo thâo jih ôh. Tinăn pô knĕ amâo dưi truh, leh anăn muôr amâo dưi bi rai ôh.

Y-Luk 12:56

Ơ phung ai ngăm! Diih thâo mblang klei bi knăl kơ lăn adiê, ƀiădah si ngă diih amâo thâo ôh mblang klei bi knăl kơ ênuk anei?”

Y-Luk 13:15

Khua Yang lŏ wĭt lač kơ ñu, “Ơ phung ai ngăm, amâo djŏ hĕ grăp čô hlăm phung diih êjai hruê sabat kleh êmô amâodah aseh ñu mơ̆ng war leh anăn atăt gơ̆ nao mnăm êa?

Y-Luk 20:46

“Răng bĕ kơ phung khua čih hră. Diñu khăp hiu hơô ao jhung, leh anăn khăp klei arăng kkuh kơ diñu hlăm sang mnia, leh anăn ruah anôk jăk hĭn hlăm sang bi kƀĭn leh anăn anôk mâo klei mpŭ hĭn êjai klei huă mnăm.

Y-Luk 6:24

Ƀiădah knap mñai yơh kơ diih phung mdrŏng, kyuadah diih mâo leh klei bi juh djŏ kơ diih.

Y-Luk 6:42

Amâodah si ih dưi lač kơ ayŏng adei ih, ‘Ơ ayŏng adei, brei kâo mă hĕ ƀruih mơ̆ng ală ih,’ êjai ih amâo ƀuh ôh êda hlăm ală ih pô? Ơ mnuih ai ngăm, êlâo hĭn mă hĕ êda mơ̆ng ală ih pô, leh anăn kơh ih srăng ƀuh mngač dưi mă hĕ ƀruih mơ̆ng ală ayŏng adei ih.”

Y-Yôhan 13:29

Đa đa mĭn kyuadah Y-Yuđas djă hip prăk, Yêsu mtă kơ gơ̆, “Blei bĕ ya mnơ̆ng drei kƀah kơ hruê knăm;” amâodah čiăng kơ gơ̆ nao bi mbha mnơ̆ng kơ phung ƀun ƀin.

Y-Yôhan 5:41

Kâo amâo mă tŭ ôh klei guh kơang mơ̆ng phung mnuih.

Y-Yôhan 5:44

Si diih dưi đăo, tơdah diih mă tŭ klei guh kơang hdơ̆ng diih pô, leh anăn amâo duah ôh klei guh kơang kbiă hriê mơ̆ng Aê Diê mâo knŏng sa čô?

Y-Yôhan 7:18

Hlei pô blŭ tui si klei dưi ñu pô duah klei guh kơang kơ ñu pô; ƀiădah hlei pô duah klei guh kơang kơ Pô tiŏ hriê ñu jing sĭt, leh anăn hlăm ñu amâo mâo klei wê ôh.

Bruă Phung Khua Ƀĭng Kna 10:2

sa čô mâo klei đăo, thâo huĭ mpŭ kơ Aê Diê mbĭt hŏng jih phung hlăm sang ñu. Ñu brei lu mnơ̆ng pap hŏng klei kmah kơ phung ƀuôn sang, leh anăn ñu wah lač kơ Aê Diê nanao.

Bruă Phung Khua Ƀĭng Kna 10:31

lač, ‘Ơ Y-Kornei, Aê Diê hmư̆ leh klei ih wah lač, leh anăn Ñu hdơr mnơ̆ng ih brei pap.

Bruă Phung Khua Ƀĭng Kna 10:4

Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

Bruă Phung Khua Ƀĭng Kna 11:29

Phung ƀĭng kna mĭn čiăng mơĭt mnơ̆ng đru kơ phung ayŏng adei dôk hlăm čar Yuđa, tui si grăp čô dưi.

Bruă Phung Khua Ƀĭng Kna 24:17

Êgao leh lu thŭn kâo hriê brei mnơ̆ng pap kơ găp djuê kâo leh anăn myơr mnơ̆ng ngă yang.

Bruă Phung Khua Ƀĭng Kna 9:36

Mâo ti ƀuôn Jôpa hlăm phung ƀĭng kna sa čô mniê đăo, anăn gơ̆ H'Tabitha, čiăng lač Dôrkas (amâodah Ktŏng). Gơ̆ ngă lu bruă jăk leh anăn brei lu mnơ̆ng pap.

Hră Y-Pôl Mơĭt kơ Phung Rôm 12:8

hlei pô thâo bi mđĭ ai, brei ñu bi mđĭ ai arăng; hlei pô bi čŭng, brei ñu bi čŭng hŏng klei kmah; hlei pô jing khua kiă kriê, brei ñu hur har kiă bi jăk; hlei pô ngă bruă klei pap, brei ñu ngă hŏng klei hơ̆k mơak.

I Kôrantô 13:3

Tơdah kâo brei kơ arăng jih dŏ dô kâo mâo, leh anăn tơdah kâo jao asei mlei kâo brei arăng čuh hŏng pui, ƀiădah amâo mâo klei khăp ôh, klei anăn amâo mâo tŭ dưn kơ kâo ôh.

Galati 2:10

Knŏng diñu čiăng kơ hmei hdơr đru phung ƀun ƀin, leh anăn klei anăn kâo hur har čiăng ngă mơh.

Êphêsô 4:28

Phung khăng tlĕ, đăm lŏ tlĕ ôh; ƀiădah brei ñu mă bruă kpă ênô hŏng kngan ñu pô, čiăng kơ ñu dưi brei mnơ̆ng kơ pô kƀah.

I Têsalônik 2:6

Kăn hmei tuôm duah rei klei mnuih mpŭ mni, thâodah mơ̆ng diih amâodah mơ̆ng phung mkăn,

I Y-Timôthê 6:18

Mtă kơ diñu ngă jăk, jing mdrŏng hlăm bruă jăk, jing kmah leh anăn thâo bi mbha kơ arăng.

Y-Philêmôn 1:7

Sĭt nik, ơ adei kâo, kâo mâo lu klei mơak leh anăn klei bi juh mơ̆ng klei ih khăp, kyuadah ai tiê phung doh jăk mâo klei bi mđĭ ai kyua ih.

Hêbrơ 13:16

Đăm wơr bĭt ôh ngă klei jăk leh anăn bi mbha mnơ̆ng diih mâo kơ phung mkăn, kyuadah klei ngă yang msĕ snăn bi mơak kơ Aê Diê.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

I Y-Samuel 15:30

Y-Sôl wĭt lač, “Kâo ngă soh leh, ƀiădah mpŭ bĕ kơ kâo ară anei ti anăp phung khua mduôn phung ƀuôn sang kâo leh anăn ti anăp phung Israel, leh anăn lŏ hriê bĕ mbĭt hŏng kâo čiăng kơ kâo dưi kkuh mpŭ kơ Yêhôwa Aê Diê ih.”