Y-Mathiơ 6:19 - Klei Aê Diê Blŭ 2015

¹⁹ “Đăm mkăm pioh kơ diih pô ôh ngăn drăp yuôm ti lăn ala anei, anôk mâo muôr leh anăn bring bi rai, leh anăn mâo phung mnuih knĕ ƀoh mtih mŭt tlĕ.

Y-Mathiơ 6:19 Iomraidhean Croise

Y-Yôp 24:16

Êjai mmăt diñu ƀoh mtih mŭt hlăm sang; êjai hruê diñu đuĕ dăp; diñu amâo čiăng kơ klei mngač ôh.

Y-Yôp 31:24

Tơdah kâo knang leh kơ mah, amâodah băng kơ mah doh;

Klei Mmuñ Hđăp 39:6

Sĭt nik mnuih hiu êbat msĕ si êyui! Ñu mă bruă dleh dlan luč hơăi mang; ñu mkăm klei mdrŏng leh anăn amâo thâo hlei srăng dưn mă.

Klei Mmuñ Hđăp 62:10

Đăm knang kơ klei ktư̆ juă ôh, đăm čang hmăng kơ klei tlĕ dŏ arăng ôh. Tơdah diih truh kơ klei mdrŏng, đăm brei ai tiê diih knang kơ klei anăn ôh.

Klei Kbiă 22:2

Tơdah mnơ̆ng ñu tlĕ leh thâodah êmô, thâodah aseh dliê, amâodah biăp adôk hdĭp hlăm kngan ñu, ñu srăng lŏ bi hnô dua blư̆.

Klei Bi Hriêng 11:4

Ngăn drăp amâo yuôm ôh ti hruê klei ngêñ, ƀiădah klei kpă ênô bi mtlaih arăng mơ̆ng klei djiê.

Klei Bi Hriêng 16:16

Mă tŭ klei knhâo jing yuôm hĭn kơ mah, ruah mă klei thâo săng yuôm hĭn kơ prăk.

Khua Pô Mtô 2:26

Kyuadah Aê Diê brei klei thâo mĭn, klei thâo săng, leh anăn klei hơ̆k mơak kơ mnuih bi mơak kơ Ñu; ƀiădah Ñu brei kơ pô soh bruă mkăm pioh knŏng čiăng brei kơ pô bi mơak kơ Aê Diê. Klei anăn msĕ mơh jing hơăi mang leh anăn klei tiŏ angĭn.

Y-Sôphôni 1:18

Prăk amâodah mah diñu amâo dưi bi mtlaih diñu ôh ti hruê klei Yêhôwa ngêñ. Hŏng pui klei trih Ñu, jih jang lăn ala srăng rai tuč; kyuadah sĭt yơh bhiâo riâo rit Ñu srăng bi rai luč jih jang mnuih dôk ti lăn ala.”

Y-Mathiơ 19:21

Yêsu lač kơ gơ̆, “Tơdah ih čiăng jing jăk klă, nao bĕ, čhĭ hĕ ya mnơ̆ng ih mâo leh anăn brei kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Mathiơ 6:20

Ƀiădah brei diih mkăm pioh ngăn drăp yuôm hlăm adiê. Tinăn amâo mâo muôr, kăn mâo bring bi rai rei, kăn mâo pô knĕ dưi ƀoh mtih tlĕ rei.

Y-Luk 12:21

Msĕ snăn mơh pô mkăm pioh lu ngăn drăp kơ ñu pô, leh anăn amâo jing mdrŏng hlăm Aê Diê ôh.”

Y-Luk 12:33

Čhĭ bĕ ngăn dŏ diih, leh anăn brei mnơ̆ng pap. Bi mâo hĕ kơ diih pô kdŭng prăk amâo thâo sô, ngăn yuôm hlăm adiê amâo thâo jih ôh. Tinăn pô knĕ amâo dưi truh, leh anăn muôr amâo dưi bi rai ôh.

Y-Luk 12:39

Brei diih thâo klei anei, tơdah pô sang thâo êlâo ya mông pô knĕ srăng truh, ñu srăng dôk răng leh anăn amâo brei ôh arăng ƀoh mŭt sang ñu.

Y-Luk 18:22

Tơdah Yêsu hmư̆ klei anăn, Ñu lač kơ gơ̆, “Ih ăt kƀah sa klei. Čhĭ bĕ jih jang mnơ̆ng ih mâo leh anăn bi mbha kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Luk 18:24

Yêsu ƀuh gơ̆ ênguôt leh anăn lač, “Dleh snăk kơ phung mdrŏng mŭt hlăm ƀuôn ala mtao Aê Diê!

I Y-Timôthê 6:17

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

Hêbrơ 13:5

Đăm khăp kơ prăk ôh; leh anăn dôk mơak bĕ hŏng mnơ̆ng diih mâo leh; kyuadah Aê Diê lač leh, “Kâo amâo srăng lui ih amâodah hngah kơ ih ôh.”