Y-Mathiơ 6:16 - Klei Aê Diê Blŭ 2015

¹⁶ “Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 6:16 Iomraidhean Croise

II Y-Samuel 12:16

Snăn Y-Đawit wah lač kơ Aê Diê kyua anak anăn, leh anăn kăm ƀơ̆ng huă, mŭt hlăm sang leh anăn đih jih mlam ti lăn.

II Y-Samuel 12:21

Snăn phung dĭng buăl ñu lač kơ ñu, “Ya klei ih ngă anei? Ih kăm ƀơ̆ng huă leh anăn hia kơ hđeh điêt anăn êjai gơ̆ ăt dôk hdĭp; ƀiădah tơdah hđeh điêt djiê leh, ih kgŭ leh anăn ƀơ̆ng huă?”

I Bruă Mtao 21:27

Tơdah Y-Ahap hmư̆ leh klei blŭ anăn, ñu hiêk čhiăm ao ñu, hơô klŭng, leh anăn kăm ƀơ̆ng huă, đih hlăm klŭng, leh anăn dôk ênguôt.

Y-Nêhêmi 1:4

Tơdah kâo hmư̆ jih klei anăn kâo dôk gŭ hia, kơŭ kyăm êjai lu hruê; leh anăn kâo ăt dôk kăm ƀơ̆ng huă, wah lač ti anăp Aê Diê hlăm adiê.

H'Êsther 4:16

“Nao bĕ, bi kƀĭn jih jang phung Yuđa dôk hlăm ƀuôn Susa, kăm ƀơ̆ng huă kyua kâo, leh anăn đăm ƀơ̆ng huă kăn mnăm rei êjai tlâo hruê, hruê amâodah mlam. Msĕ mơh kâo leh anăn phung dĭng buăl mniê kâo srăng kăm ƀơ̆ng huă msĕ si diih. Leh anăn kơh kâo srăng nao kơ mtao, wăt tơdah gao klei bhiăn dưn; leh anăn tơdah kâo djiê, kâo djiê yơh.”

Klei Mmuñ Hđăp 109:24

Kơŭt kâo awăt hŏng klei kăm ƀơ̆ng huă; asei mlei kâo êwang.

Klei Mmuñ Hđăp 35:13

Ƀiădah kâo, tơdah diñu ruă duam, kâo hơô klŭng, kâo bi knap kâo pô hŏng klei kăm ƀơ̆ng huă. Kâo wah lač sĭt êmĭt kơ diñu,

Klei Mmuñ Hđăp 69:10

Tơdah kâo luă gŭ kâo pô hŏng klei kăm ƀơ̆ng huă, klei anăn jing klei bi hêñ kâo.

Y-Đaniel 9:3

Snăn kâo wir ƀô̆ phă Khua Yang Aê Diê čiăng duah Ñu hŏng klei wah lač leh anăn klei kwưh hŏng klei kăm ƀơ̆ng huă leh anăn hơô klŭng ƀui hbâo.

Y-Malaki 3:14

Diih lač leh, ‘Amâo yuôm ôh mă bruă kơ Aê Diê. Ya yuôm hmei gưt klei Ñu mtă amâodah êbat hŏng klei kơŭ kyăm ti anăp Yêhôwa kơ phung kahan?

Y-Mathiơ 6:1

“Răng bĕ, đăm ngă ôh klei kpă diih ti anăp mnuih čiăng kơ diñu ƀuh diih; kyuadah tơdah diih ngă snăn diih amâo srăng mâo klei mưn ôh mơ̆ng Ama diih hlăm adiê.

Y-Mathiơ 6:2

Snăn tơdah ih brei mnơ̆ng pap kơ arăng, đăm ayŭ ki ti anăp ih ôh msĕ si phung ai ngăm ngă hlăm sang bi kƀĭn leh anăn ti êlan dơ̆ng, čiăng kơ mnuih mpŭ mni kơ diñu. Sĭt nik Kâo lač kơ diih, phung anăn mâo leh klei mưn kơ diñu.

Y-Mathiơ 6:5

“Tơdah diih wah lač, đăm jing msĕ si phung ai ngăm ôh; kyuadah diñu khăp wah lač dôk dơ̆ng hlăm sang bi kƀĭn leh anăn ti kiêng êlan čiăng kơ mnuih ƀuh. Sĭt nik Kâo lač kơ diih, diñu mâo leh klei mưn kơ diñu.

Y-Markôs 2:18

Phung ƀĭng kna Y-Yôhan leh anăn phung Pharisi dôk kăm ƀơ̆ng huă. Mâo phung hriê êmuh kơ Yêsu, “Si ngă phung ƀĭng kna Y-Yôhan leh anăn phung ƀĭng kna phung Pharisi kăm ƀơ̆ng huă, ƀiădah phung ƀĭng kna Ih amâo kăm ƀơ̆ng huă ôh?”

Y-Luk 18:12

Kâo kăm ƀơ̆ng huă dua blư̆ sa hruê kăm. Kâo myơr sa kdrêč hlăm pluh mơ̆ng jih dŏ kâo mâo.’

Y-Luk 2:37

leh anăn jing mniê djiê ung tơl ară anei ñu mâo sa păn pluh pă thŭn. Ñu amâo kbiă mơ̆ng Sang Kkuh Mpŭ ôh, kyuadah hruê mlam ñu kkuh mpŭ kơ Aê Diê hŏng klei kăm ƀơ̆ng huă leh anăn klei wah lač.

Bruă Phung Khua Ƀĭng Kna 10:30

Y-Kornei lač, “Êgao leh pă hruê, hlăm brô mông anei, kâo pioh mông wah lač ti tlâo mông tlam hlăm sang kâo; leh anăn bhiâo riâo rit, sa čô êkei hơô ao mngač snăk dôk ti anăp kâo,

Bruă Phung Khua Ƀĭng Kna 14:23

Tơdah diñu mjing leh phung khua mduôn kơ grăp Phung Sang Aê Diê hŏng klei wah lač leh anăn klei kăm ƀơ̆ng huă, diñu jao digơ̆ kơ Khua Yang, Pô digơ̆ đăo leh.

I Kôrantô 7:5

Đăm bi hngah hdơ̆ng diih pô ôh, knŏng tơdah diih bi tŭ ư êjai đa đa hruê čiăng pioh mông wah lač. Ƀiădah leh ruê̆ klei anăn, brei diih lŏ dôk mbĭt, huĭdah Satan mplư diih hŏng klei diih amâo dưi ư̆ ôh.

II Kôrantô 11:27

Kâo gĭr mă bruă suăi leh anăn dleh, lu blư̆ kâo amâo dưi pĭt ôh êjai mlam, êpa leh anăn mhao, jêñ jêñ amâo mâo mnơ̆ng ƀơ̆ng huă ôh, êăt leh anăn amâo mâo čhiăm ao ôh.

II Kôrantô 6:5

hlăm klei arăng čăm, hlăm klei arăng krư̆, klei rŭng răng, klei mă bruă suăi, klei dôk krŏng, klei êpa,