Y-Mathiơ 6:13 - Klei Aê Diê Blŭ 2015

¹³ Đăm atăt ba hmei hlăm klei mplư ôh, ƀiădah bi mtlaih hmei mơ̆ng Pô Jhat. [Kyuadah ƀuôn ala mtao, klei myang, leh anăn klei guh kơang pioh kơ Ih pô nanao hlŏng lar. Amen.]’

Y-Mathiơ 6:13 Iomraidhean Croise

Klei Mphŭn Dơ̆ng 22:1

Leh jih klei anăn Aê Diê lông dlăng Y-Abraham, leh anăn lač kơ ñu, “Ơ Y-Abraham.” Ñu lŏ lač, “Nĕ tinei kâo.”

I Bruă Mtao 1:36

Y-Bênaya anak êkei Y-Jêhôida lŏ wĭt lač kơ mtao, “Amen! Akâo kơ Yêhôwa Aê Diê khua kâo mtao lač msĕ snăn.

I Klei Yăl Dliê 16:36

Mpŭ mni kơ Yêhôwa, Aê Diê Israel, mơ̆ng ênuk hlŏng lar truh kơ ênuk hlŏng lar!” Leh anăn jih jang phung ƀuôn sang lač, “Amen!” leh anăn mpŭ mni kơ Yêhôwa!

I Klei Yăl Dliê 29:11

Ơ Yêhôwa, pioh kơ ih yơh klei prŏng, klei myang, klei guh kơang, klei dưi, leh anăn klei kdrăm kơah; kyuadah jih jang mnơ̆ng hlăm adiê leh anăn ti lăn ala jing dŏ ih sơăi; Ơ Yêhôwa, ƀuôn ala mtao jing dŏ ih, leh anăn hmei mpŭ kơ ih jing khua ti dlông jih jang.

I Klei Yăl Dliê 4:10

Y-Jabes iêô wah lač kơ Aê Diê Israel, lač, “Ơ, čiăng kơ ih brei klei jăk jĭn kơ kâo leh anăn bi ƀai knông lăn kâo, leh anăn čiăng kơ kngan ih dưi dôk mbĭt hŏng kâo, leh anăn čiăng kơ ih srăng kiă kriê kâo kơ klei jhat čiăng kơ klei anăn đăm truh kơ kâo ôh!” Aê Diê brei kơ ñu klei ñu akâo leh.

Klei Mmuñ Hđăp 10:16

Yêhôwa jing Mtao nanao hlŏng lar; phung găp djuê mnuih srăng rai tuč mơ̆ng čar Ñu.

Klei Mmuñ Hđăp 106:48

Mpŭ mni kơ Yêhôwa, Aê Diê phung Israel, mơ̆ng ênuk hlŏng lar truh kơ ênuk hlŏng lar. Leh anăn brei jih jang phung ƀuôn sang lač, Amen. Bi mni kơ Yêhôwa!

Klei Mmuñ Hđăp 22:28

Kyuadah ƀuôn ala mtao jing dŏ Yêhôwa, Ñu kiă kriê phung găp djuê mnuih.

Klei Mmuñ Hđăp 41:13

Mpŭ mni kơ Yêhôwa, Aê Diê phung Israel, mơ̆ng ênuk hlŏng lar kơ ênuk hlŏng lar. Amen leh anăn Amen.

Klei Mmuñ Hđăp 47:2

Kyuadah Yêhôwa, Pô Ti Dlông Hĭn, jing năng kơ arăng huĭ, Ñu jing Mtao prŏng kiă jih lăn ala.

Klei Mmuñ Hđăp 47:7

Kyuadah Aê Diê jing Mtao kơ jih lăn ala; mmuñ bi mni bĕ hŏng klei mmuñ hđăp!

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Klei Mmuñ Hđăp 89:52

Mpŭ bi mni kơ Yêhôwa hlŏng lar. Amen. Amen.

Klei Kbiă 15:18

Yêhôwa jing mtao srăng kiă kriê nanao hlŏng lar.”

Klei Bi Hriêng 30:8

Mă mđuĕ kbưi mơ̆ng kâo klei blŭ luar, leh anăn đăm brei kơ kâo jing ƀun ƀin, kăn jing mdrŏng rei, knŏng brei kơ kâo mnơ̆ng ƀơ̆ng huă bi djăp kơ grăp hruê.

Y-Yêrêmi 15:21

“Kâo srăng bi mtlaih ih mơ̆ng kngan phung ƀai, leh anăn bi tui ih mơ̆ng phung ngă jhat.”

Y-Yêrêmi 28:6

Khua pô hưn êlâo Y-Yêrêmi lač, “Amen! Brei Yêhôwa ngă msĕ snăn; brei Yêhôwa bi truh sĭt klei ih hưn êlâo leh, leh anăn ba wĭt kơ anôk anei mơ̆ng čar Ƀaƀilôn čhiên mngan hlăm sang Yêhôwa leh anăn atăt wĭt jih jang phung mnă.

Y-Đaniel 4:25

arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô, leh anăn ih srăng msah hŏng êa nguôm mơ̆ng adiê êjai kjuh yan, tơl ih thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn brei klei kiă kriê anăn kơ hlei pô Ñu čiăng.

Y-Đaniel 7:18

Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Klei Yap 5:22

brei êa anei bi truh klei tăm pah mŭt hlăm tian prôč ih leh anăn bi bŏk tian ih leh anăn bi kdjuôt sang anak ih.” Leh anăn mniê anăn srăng lač, “Amen, Amen.”

Y-Mathiơ 26:41

Kăp răng leh anăn wah lač bĕ, čiăng kơ diih amâo lĕ hlăm klei mplư ôh. Mngăt čiăng snăk, ƀiădah kđeh jing awăt.”

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Y-Mathiơ 5:37

Brei klei ih blŭ ‘Ơ’ jing Ơ amâodah ‘Ơ ơh’ jing Ơ ơh; klei lŏ thiăm kơ klei anăn kbiă mơ̆ng yang jhat.”

Y-Mathiơ 6:10

Akâo kơ ƀuôn ala mtao Ih truh; akâo kơ klei Ih čiăng srăng jing ti lăn ala msĕ si hlăm adiê.

Y-Yôhan 17:15

Kâo amâo akâo kơ Ih mă ba diñu kbiă mơ̆ng lăn ala ôh, ƀiădah čiăng kơ Ih kiă kriê diñu mơ̆ng pô jhat.

I Kôrantô 10:13

Amâo mâo ôh sa mta klei mplư truh kơ diih mdê hŏng klei truh kơ phung mkăn. Aê Diê jing sĭt suôr, leh anăn Ñu amâo brei ôh klei mplư truh kơ diih êgao hĭn kơ ai ktang diih, ƀiădah mbĭt hŏng klei mplư anăn Ñu srăng mkra mơh êlan diih dưi tlaih, čiăng kơ diih dưi gĭr tŭ klei anăn.

I Kôrantô 14:16

Ƀiădah tơdah ih bi mni kơ Aê Diê knŏng hŏng mngăt, si pô đăo hlăm phung bi kƀĭn dưi lač “Amen” kơ klei ih wah lač bi mni; kyuadah ñu amâo thâo săng ôh klei ih blŭ?

II Kôrantô 1:20

Kyuadah jih jang klei Aê Diê ƀuăn jing Ơ hlăm Krist. Kyuanăn drei lač Amen hlăm Krist, čiăng bi guh kơang kơ Aê Diê.

Galati 1:4

Pô jao leh Ñu pô kyua klei soh drei, čiăng bi mtlaih drei mơ̆ng ênuk soh jhat anei, tui si klei Aê Diê Ama drei čiăng,

Klei Mtô Mñă Klei Bhiăn 8:16

Pô čiêm diih hlăm kdrăn tač hŏng mana phung aê đưm diih amâo tuôm thâo kral ôh, čiăng kơ Ñu dưi bi luă gŭ diih leh anăn lông dlăng diih, čiăng ngă jăk kơ diih ti knhal tuč.

Klei Mtô Mñă Klei Bhiăn 8:2

Brei diih hdơr kơ jih jang êlan Yêhôwa Aê Diê diih atăt diih êjai pă pluh thŭn anei hlăm kdrăn tač, čiăng bi luă gŭ diih, lông dlăng diih čiăng thâo ya mâo hlăm ai tiê diih, thâodah diih srăng djă pioh klei Ñu mtă amâodah hơăi.

I Têsalônik 1:10

leh anăn dôk guôn Anak Ñu srăng lŏ hriê mơ̆ng adiê, Pô Ñu bi kbiă lŏ hdĭp leh mơ̆ng phung djiê, Yêsu, Pô bi mtlaih drei mơ̆ng klei ngêñ srăng truh.

II Têsalônik 3:3

Ƀiădah Khua Yang jing sĭt suôr. Ñu srăng bi ktang diih leh anăn mgang diih mơ̆ng Pô Jhat.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

Hêbrơ 11:36

Phung mkăn tŭ klei arăng mưč leh anăn čăm, klei arăng kă hŏng săng đai leh anăn klei arăng krư̆.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

I Y-Yôhan 3:8

Hlei pô ngă soh jing anak yang jhat; kyuadah yang jhat ngă soh leh mơ̆ng mphŭn dơ̆ng. Anak Aê Diê bi êdah leh čiăng bi rai bruă yang jhat.

Klei Bi Êdah 1:18

leh anăn Pô dôk hdĭp. Kâo djiê leh, leh anăn nĕ anei, Kâo dôk hdĭp nanao hlŏng lar, leh anăn Kâo djă kliăng Klei Djiê leh anăn Ƀuôn Phung Djiê.

Klei Bi Êdah 19:1

Êdei kơ klei anăn kâo hmư̆ msĕ si asăp ktang lu mnuih hlăm adiê ur, “Halêluya! Klei bi mtlaih, klei guh kơang, leh anăn klei myang jing dŏ Aê Diê drei,

Klei Bi Êdah 19:4

Phung dua pluh pă čô khua mduôn leh anăn pă drei mnơ̆ng hdĭp buôn kkuh kơ Aê Diê, Pô dôk gŭ leh ti jhưng mtao, lač, “Amen, Halêluya!”

Klei Bi Êdah 2:10

Đăm huĭ ôh kơ klei knap mñai ih srăng tŭ. Nĕ anei yang jhat srăng hwiê hlăm war mnă đa đa hlăm phung diih; čiăng lông dlăng diih; leh anăn êjai pluh hruê diih srăng mâo klei knap mñai. Brei ih dôk sĭt suôr tơl djiê, leh anăn Kâo srăng brei kơ ih đuôn mtao klei hdĭp.

Klei Bi Êdah 21:4

Ñu srăng sut jih êa ală mơ̆ng ală digơ̆, leh anăn amâo srăng lŏ mâo klei djiê ôh, leh anăn amâo srăng lŏ mâo klei kơŭ kyăm, klei hia, amâodah klei ruă ôh, kyuadah jih jang mnơ̆ng tal êlâo êgao tuč leh.”

Klei Bi Êdah 3:10

Kyuadah ih djă pioh leh klei Kâo blŭ kơ klei gĭr, Kâo srăng mgang ih mơ̆ng mông mâo klei lông dlăng srăng truh kơ jih lăn ala, čiăng lông dlăng phung mnuih dôk ti lăn ala.

Klei Bi Êdah 3:14

“Čih bĕ kơ dĭng buăl jăk Phung Sang Aê Diê ti ƀuôn Laôdisê snei: Nĕ snei Pô Amen lač, Pô hưn sĭt suôr leh anăn sĭt nik, Pô phŭn kơ klei Aê Diê hrih.

Klei Bi Êdah 5:13

Leh anăn kâo hmư̆ jih jang mnơ̆ng hrih leh hlăm adiê, ti lăn ala, ti gŭ lăn ala, hlăm êa ksĭ, leh anăn jih jang mnơ̆ng hlăm anăn mmuñ, “Kơ Pô dôk gŭ ti jhưng mtao leh anăn kơ Êđai Biăp năng mâo klei arăng mpŭ mni, klei mpŭ, klei guh kơang, leh anăn klei ktang hlăm jih jang ênuk!”