Y-Mathiơ 6:12 - Klei Aê Diê Blŭ 2015

¹² Pap brei kơ klei soh hmei, msĕ si hmei pap brei mơh kơ mnuih bi msoh kơ hmei leh.

Y-Mathiơ 6:12 Iomraidhean Croise

I Bruă Mtao 8:30

Hmư̆ bĕ kơ klei dĭng buăl Ih leh anăn phung ƀuôn sang Ih Israel kwưh tơdah diñu wah lač phă anôk anei. Sĭt nik hmư̆ bĕ mơ̆ng adiê anôk Ih dôk; leh anăn tơdah Ih hmư̆, pap brei bĕ.

I Bruă Mtao 8:34

snăn brei Ih hmư̆ mơ̆ng adiê, pap brei kơ klei soh phung ƀuôn sang Ih Israel, leh anăn lŏ atăt diñu kơ čar Ih brei leh kơ phung aê diñu.

I Bruă Mtao 8:39

hlăk anăn hmư̆ bĕ mơ̆ng adiê anôk Ih dôk, leh anăn pap brei, ngă bĕ, bi wĭt kơ grăp čô tui si Ih thâo kral ai tiê ñu, tui si jih êlan ñu (kyuadah Ih, knŏng Ih yơh thâo kral ai tiê jih jang anak mnuih);

I Bruă Mtao 8:50

leh anăn pap brei kơ phung ƀuôn sang Ih ngă soh leh hŏng Ih, leh anăn jih jang klei diñu gao klei bhiăn diñu ngă leh hŏng Ih; leh anăn brei diñu mâo klei pap ti anăp ală phung mă ba diñu jing mnă, čiăng kơ digơ̆ dưi mâo klei pap kơ diñu,

Klei Mmuñ Hđăp 130:4

Ƀiădah Ih thâo pap brei, kyuanăn arăng huĭ mpŭ kơ Ih.

Klei Mmuñ Hđăp 32:1

Jăk mơak yơh pô Aê Diê pap brei leh klei ñu gao klei bhiăn, pô Aê Diê guôm leh klei soh ñu.

Klei Kbiă 34:7

Ñu djă pioh klei khăp kơ lu êbâo ênuk mnuih, pap brei klei wê, klei gao klei bhiăn, leh anăn klei soh; ƀiădah ñu amâo yap kpă ôh mnuih soh, bi lĕ klei bi kmhal klei wê phung ama kơ phung anak leh anăn kơ phung čô čĕ tơl kơ ênuk tal tlâo leh anăn tal pă.”

Y-Êsai 1:18

Yêhôwa lač, “Hriê bĕ, brei drei ksiêm mđrăm mbĭt. Wăt tơdah klei soh diih jing hrah huč, diñu srăng jing kô̆ msĕ si pliêr; wăt tơdah diñu jing hrah jŭ, diñu srăng jing kô̆ msĕ si mlâo biăp.

Y-Đaniel 9:19

Ơ Yêhôwa, hmư̆ bĕ; Ơ Yêhôwa pap brei bĕ; Ơ Yêhôwa, hmư̆ leh anăn ngă bĕ; đăm lŏ krư̆i ôh kyua anăn Ih pô, Ơ Aê Diê kâo, kyua ƀuôn Ih leh anăn phung ƀuôn sang Ih arăng pia hŏng anăn Ih.”

Y-Mathiơ 26:28

kyuadah anei jing êrah Kâo, êrah kơ klei bi mguôp tuh kyua lu mnuih čiăng pap brei klei soh diñu.

Y-Mathiơ 9:2

Leh anăn nĕ anei, arăng kkung ba kơ Ñu sa čô êkei êwiên dôk đih ti jhưng pĭt. Tơdah Yêsu ƀuh klei đăo phung anăn, Ñu lač kơ êkei êwiên, “Ơ dam, mơak bĕ ih, kyuadah klei soh ih pap brei leh.”

Y-Markôs 11:25

Leh anăn tơdah diih dôk dơ̆ng wah lač, tơdah diih mâo klei hŏng arăng, pap brei bĕ, čiăng kơ Ama diih, Pô dôk hlăm adiê, dưi pap brei klei soh diih msĕ mơh.”

Y-Luk 11:4

Pap brei kơ klei soh hmei, kyuadah hmei pô pap brei mơh kơ grăp čô bi msoh kơ hmei leh; leh anăn đăm atăt ba hmei hlăm klei mplư ôh.’ ”

Y-Luk 13:4

Amâodah bi phung pluh sa păn čô sang tum Silôê klưh ktư̆ leh anăn bi mdjiê hĕ digơ̆, diih mĭn mơ̆ digơ̆ jing phung soh jhat hĭn kơ jih jang phung mkăn dôk hlăm ƀuôn Yêrusalem?

Y-Luk 6:37

“Đăm phat kđi arăng, snăn Aê Diê amâo srăng phat kđi diih ôh. Đăm yap arăng năng bi kmhal, snăn Aê Diê amâo srăng yap diih năng bi kmhal ôh. Pap brei kơ arăng, snăn Aê Diê srăng pap brei kơ diih.

Bruă Phung Khua Ƀĭng Kna 13:38

Snăn, Ơ phung ayŏng adei, brei diih thâo hŏng Pô anăn yơh Aê Diê hưn kơ diih klei pap brei kơ klei soh.

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 4:32

Brei diih ngă jăk hdơ̆ng diih pô, bŏ hŏng klei thâo pap, bi pap brei hdơ̆ng diih, msĕ si Aê Diê pap brei leh kơ diih hlăm Krist.

Kôlôs 3:13

Bi tŭ hdơ̆ng diih, leh anăn tơdah sa čô mâo klei hŏng mnuih mkăn, bi pap brei hdơ̆ng diih. Msĕ si Khua Yang pap brei kơ diih leh, brei diih pap brei msĕ mơh.